Chapter Five

FIVE YEARS AGO.

"Hija, araw-araw ka na yata na pumupunta dito sa bahay, dati kapag may okasyon at iniimbitahan ko kayo wala ka palagi. Okay ka lang ba? May problema ba sa inyo?" nagtatakang tanong ni Tita Yna sa akin ang mama nina Yannah at Yeshua.

"Hehe. Wala naman po, Tita." nahihiya kong sagot.

"Tapos, palagi kang may dalang bulaklak para sa akin ba talaga mga iyon?" nagtataka na tanong ulit ni tita Yna. Sasagot na sana ako kaso inunahan ako ni Yannah.

"Para po kay kuya ‘yon, Mom. Nanliligaw po kasi siya kay kuya." walang pakundangan sa wika ni Yannah sa ina at ako naman ay napalingon sa kanya. Sarap tahiin ang bunganga. Nahihiyang napayuko ako ng ulo dahil ayokong ipakita ang namumula kong pisngi.

"Mag-aral muna kayo at magtapos. At kapag nasa tamang edad na kayo saka mo ligawan ang panganay ko." wika ni tita Yna sa akin at batid kong nakangiti ito. Nakayukong tumango ako kay tita Yna habang si Yannah ay tawang-tawa. Saka lang ako umangat ng ulo ng umalis na si tita Yna. Nang makalayo na si Tita Yna, binalingan si Yannah at saka hinampas nang malakas sa balikat.

"Siraulo ka, doon tayo sa kwarto para mabogbog kita." wika ko kay Yannah habang hawak-hawak ko siya sa braso at hatak-hatak paakyat ng hagdan. Dahil sa inis ko hindi ko na nagawang isara ang pinto at tinulak ko si Yannah sa ibabaw ng kama niya. "Bakit mo sinabi kay Tita? Nakakainis ka talaga." wika ko sabay hampas sa kabilang balikat ni Yannah. Para pantay ang sakit dapat magkabilaan.

"Nanliligaw ka naman talaga kay kuya Yeshua, a. Kaso di niya alam." sagot sa akin ni Yannah habang nakangisi.

"E ano naman kung nanliligaw ako sa kuya mo na hindi niya alam?" Magsasalita pa sana ako ng bigla nalang may umubo sa bukas na pinto ni Yannah. Sabay kaming napalingon ni Yannah at nakita ko doon si Yeshua na nakatayo ay seryo ang mukha. Tumingin muna ito kay Yannah bago tumingin sa akin magkasalubong ang kilay. Mabilis akong sumampa sa ibabaw ng kama at nagtago sa likod ni Yannah ng pumasok sa loob si Yeshua.

"Bakit ka pumasok dito, Kuya, ano’ng kailangan mo?" tanong ni Yannah sa kapatid. Galit na tumingin si Yeshua kay Yannah at sa akin.

"That girl." tila nanggigil na wika ni Yeshua sabay turo sa akin. "Iyang kaibigan mo pinagkalat na magpapakasal daw kami kaya nakipaghiwalay sa akin si Grazie." galit na wika ni Yeshua. Mabilis ang galaw ni Yannah at sinalag ang kamay ni Yeshua ng nagtangka itong hawakan ako.

"Kuya, kung naniniwala siya sa tsismis at hindi ka niya pinaniwalaan, ibig sabihin no’n hindi ka niya talaga mahal. Kasi kung mahal ka niya papakinggan ka niya." pagtatanggol sa akin ni Yannah. Bumaba ako sa kama at tumakbo papuntang comfort room para magtago. Narinig ko ang mga yabag papalapit.

"Siraulo ka talagang babae ka, lumabas ka diyan. Magtutuos pa tayo." galit na wika sa akin ni Yeshua.

"For your information, Mr. Ventura ako talaga ang nakatadhana sa’yo, huwag kang bulag." malakas ang loob kong wika habang nakatago sa loob ng cr. Habang nasa labas naman si Yeshua at kinakalampag ang pinto.

"Puwes, hindi ikaw ang gusto ko. Si Grazie." sagot nito saka pilit binubuksan ang pinto.

"Girlfriend mong naniwala din naman kaagad sa tsismis." asik ko. "Kung ako ang girlfriend mo, wala akong ibang paniniwalaan kundi ikaw lang." sagot ko naman sa kan’ya.

"Hindi kita gusto! Mahirap bang intindihin ‘yon?” nagngingitngit nitong sagot sa akin.

"Sa ikaw ang gusto kong mapangasawa, mahirap din bang intindihin ‘yon?" matapang kong sagot kay Yeshua.

"Kahit kailan hindi kita magugustuhan." pasigaw na wika ni Yeshua habang nasa labas ng pinto ng cr.

"Kahit anong mangyari ikaw lang ang gugustuhin ko." sagot ko naman sa kan’ya.

"That's bullshit!" walang magawang wika ni Yeshua saka narinig ko ang mga yabag nito papalayo. Nag-antay muna ako ng ilang minuto ayokong lumabas hangga't hindi ako sigurado sa kaligtasan ko. Ilang minuto pa ang inantay ko ng boses na mismo ni Yannah ang nagkumpirma na pwede na akong lumabas. Mabilis akong lumbas saka takot na lumapit kay Yannah. Masama ang tingin na pinukol sa akin ni Yannah.

"Nanggigigil ako sa’yo, Desiree. Andami mo ng katarantaduhang ginawa kay kuya." naninibighong wika sa akin ni Yannah.

"Sorry na, Yan, talagang malakas ang tama ko sa kuya mo." sagot ko naman at malungkot na umupo sa tabi nito.

"Sabi ni mama huwag ka daw muna pumunta dito tapos yong pagpapadala mo ng bulaklak itigil mo na daw. Puno na ang garden ni mama aa mga bulaklak na bigay mo para kay kuya."mahabang wika sa akin ni Yannah na bigla kong ikinalungkot. Napabuntong hininga ako saka walang ganang humiga sa kama ni Yannah.

"Hirap magmahal lalo na kong basted ka palagi." ani ko saka kinuha ang isang unan at ipinatong sa mukha ko para ikubli ang mga luhang tumutulo sa aking mga mata.

"Laylo ka muna, bumalik ka na lang kapag hindi na galit si kuya sa’yo." si Yannah.

SABADO.

Galit na mukha ni Yannah ang bumungad sa akin ng mapagbuksan ko siya ng gate. Habang may buhat-buhat itong karton na medium size.

"Bakit ganiyan ang hitsura mo?" tanong ko sa kanya. Padaskol niyang pinasa sa akin ang karton natamaan pa ang boobs ko, masakit. "Bakit? Sa akin ka ba galit?" nagtataka kong tanong habang palipat-lipat ang tingin kay Yannah at sa karton na hawak ko ngayon.

"Pinapabalik sa’yo ni kuya at ‘wag na ‘wag ka na daw magpadala ng mga love letters mo sa kan’ya." nakabusangot na sagot sa akin ni Yannah saka hinawi ako at dumiretso pasok sa loob ng bahay habang ako naiwang nakatayo dito sa labas. Mabilis akong humabol sa kay Yannah at ng maabotan ko siya sa hagdan sinimangutan lang ako.

"Bakit, nasaan ba ang kuya mo?" tanong ko.

"Sa bahay at galit na galit sa’yo." sagot sa akin ni Yannah. "Binasa ko nga pala ang ibang love letter mo kay kuya. Yuck! Eww!" wika ni Yannah sa akin habang kunwari ay naduduwal. Nahampas ko tuloy siya ng karton sa likod.

"Bakit mo kasi binasa." naiinis kong wika kay Yannah at hinampas ko ulit siya ng karton ngunit nakailag siya.

"Mahal na mahal kita, Yeshua. You are my dream boy and I can't imagine my days, my years, my life without you." pang-aasar sa akin ni Yannah.

"Siraulo ka! Bakit mo pinakialaman para sa kuya mo yon hindi sayo!" naiinis kong wika kay Yannah.

"At heto pa. You know, I had a dream yesterday that we were lying on the grass watching the flying birds. You kissed and hugged me. Feels heaven, right?

"Bakit mo memorize?" naiiyak kong tanong kay Yannah na ngayon ay nakahiga na sa aking kama ni man lang nito hinubad ang suot nitong flat sandal.

"Syempre, kailangan kong i-memorize para matukso kita, anong silbi ko bilang kaibigan mo kong di man lang kita mabiro?" proud na sagot sa akin ni Yannah. Gusto kong sabunutan si Yannah kaso kailangan ko pa siya para maging mata at teynga sa kapatid niya.

"Hindi mo man lang inisip ang dignidad ko?"

"Ay naku, Desiree Bonaverde, simula ng ligawan mo ang kuya ko, wala ka ng dignidad." sagot sa akin ni Yannah.

"Ouch! Ang sama mo." wika sabay bato ng unan kay Yannah. Kaya muli akong inasar ni Yannah.

"To my Dearest Yeshua,

Sino yong kasama mo kanina? Nagseselos ako, layuan mo ang babaeng yan kong ayaw mong ipa-bulldoz ko ng malaking bulldozer ang bahay nila.

"Your future wife,

Desi.