Chapter Three

"THREE years ago, pinagkasundo ako ni daddy kay Grayton, but that case is solved. Kaya imbes ako sa pinsan ko na siya pinagkasundo." sagot ko kay Yannah. "Ang nakalap mong balita ay lipas na, hindi ka p’wedeng maging tsismosa." dugtong ko pa. Napapadyak ng paa si Yannah ng marinig ang sinabi ko at tila naiiyak na naiinis.

"Kainis ka naman, paraan na sana ‘yon para makuha mo si kuya. Ang gamitin si Grayton para pagselosin siya tapos, na wow mali pala ako. Kagigil."wika ni Yannah na parang bata na nagpapadyak. Kaya napatawa ako.

"Akala ko ba hahanapan mo ako ng lalaki? Bakit nanggigil ka diyan? Tapos gagamitin mo pa si Grayton para pagselosin si Yeshua. Akala ko ba pinapatigil mo na ako sa panliligaw ko sa kuya mo?" ani ko pa.

"Hey! Tss. Nakakainis lang talaga si kuya. At isa pa boto ako sayo e." ani pa niya saka lumapit sa akin saka umangkla sa braso ko.

"Minsan napapisip ako."

"Na ano?" si Yannah.

"Dapat siguro ikaw na lang ang ligawan ko." ani habang pilit iniipit ang pagtawa.

"P*****a ka, Desiree. Huwag mo akong ganyanin, yuck!" wika sa akin ni Yannah na lumayo sa akin saka ako binatukan. "Kung ganyan ka lang din naman, huwag mo na akong kausapin. Magkalimutan na tayo."ani ni nito.

"Tumingin ka sa salamin." utos ko sa kan’ya sabay abot ng maliit na salamin na nakapatong sa mesa ko. "You look ugly." wika ko na tumatawa.

"Siraulo ka talaga Desiree. I hate you." ani ni Yannah saka hinampas ako sa balikat. "Ang lakas talaga ng tama mo." dugtong pa niya saka nagtatampong tinabig ng mahina ang kamay kong may hawak na salamin.

"Malakas naman talaga ang tama ko, sa kuya mo." ani ko na pinipilit huwag tumawa.

"Huwag sa akin, kay kuya lang." ani pa ni Yannah kaya muli akong napatawa.

"Sira, akala mo ba papatulan kita? May sayad ka din kaya." ani ko pa.

"Dapat lang, isa pa pareho lang naman tayong may sayad." sagot ni Yannah sa akin.

"Lumabas na nga tayo, nagugutom na ako." aya ko kay Yannah saka tumayo at nagpatiunang maglakad.

"Yeah, let's eat."

---------

Pagbalik ni Yannah dito sa Pilipinas palagi na kaming magkasama at lagi ako sa bahay nila. Minsan nandon si Yeshua minsan wala at kahit wala siya palagi akong may dalang bulaklak para sa kanya. Yeshua likes daisy kaya bawat punta ko sa kanila iba-ibang kulay ng daisy ang dala baka sakaling tumumpak ako sa paboritong kulay ng daisy na gusto nito. At dahil araw ngayon ng linggo nandito kami sa Quiapo ni Yannah nagsimba. Kailangan ko ng basbas ni Poong Nazareno para sa panliligaw ko kay Yeshua baka kasi sa limang taon na pagkagusto ko kay Yeshua dinggin ni Poong Nazareno, e di masaya. At sana bigyan din ako ng hint ni Poong Nazareno kong anong kulay ng daisy ang paborito ni Yeshua.

'Des, ipagtirik mo si kuya ng kandila baka umamo sayo." wika sa akin ni Yannah habang tumatawa.

"Ang bunganga mo nandito tayo sa simbahan." saway ko.

"Ay sorry, Lord."

Napangisi ako sa ginawa nito may pa krus sign pa tapos bow sa harap ng simbahan. "Taray, banal." biro ko sa kanya saka nagtirik ng tatlong kandila.

"Bakit tatlong kandila yang sinindihan mo?" usisa nito.

"Para I love you tapos puti para luminis ang budhi ng kapatid mo." sagot ko naman.

"Ay, very good ka diyan Des. Limahin mo na para I love you very much tapos ang paborito niyang kulay." Napahinto ako sa sinabi ni Yannah. 'Paborito niyang kulay ' ulit ko sa aking utak. Puti? Biglang lumiwanag ang aking mukha ng ma-realize na humiling ako kay Poong Nazareno ng sign para malaman ang paboritong kulay ni Yeshua. Bravo, sa bunganga na mismo ni Yannah nanggaling. Sinabi lang kasi niya sa akin na daisy ang paboritong bulaklak ni Yeshua pero wala siyang binanggit na kulay. Malaki amg ngiting lumingon ako kay Yannah saka hinawakan ko ang magkabilang pisngi niya at hinalikan ng ilang beses habang nagpapasalamat. Samantalang si Yannah naman ay sinampal ako ngunit mahina lang.

"Yuck! What are you doing?" nainis nitong tanong sa akin.

"Nagpapasalamat sayo, ngayon alam ko na kong anong paboritong kulay ni Yeshua." nakangiti ko paring wika.

"It's white. Hanggang ngayon hindi mo pa alam?" tanong sa akin ni Yannah na hindi makapaniwala.

"Yes. Ang sinabi mo lang sa akin favorite number, flower, foods and place hindi mo binanggit ang favorite color niya." sagot ko naman na may inis. Tsk.

"Bupols ka talaga Desiree, pwede mo namang itanong sa akin kesa manghula ka. Inabot ka tuloy ng limang taon. Ang hina mo kaya pala hanggang ngayon ayaw parin sayo ni kuya." nang-aasar na wika no Yannah.

"Mas magandang pinaghihirapan no." sagot ko naman saka umirap kay Yannah.

"Whatever. Magkikita kami mamaya ni Leandro sasama ka?" yaya sa akin ni Yannah.

"Huwag na, ayoko maging third wheel." nakabusangot kong sagot.

"Ligawan at akitin mo ng bongga si kuya kasi, kung gusto mo gapangin mo na lang sa bahay. Ibigay ko sa’yo ang susi ng kwarto niya." suhestiyon nito.

"Baliw! Hindi ako rapist." sagot ko naman saka siya kinutusan.

———

MONDAY.

Mabilis ang hakbang kong papasok ng office habang hawak-hawak ng isa kong kamay ang isang piraso na puting daisy at sa kabila naman ay kape americano na binili ko sa star bucks sa baba ng building. Feeling ko ang ganda-ganda ko ngayon dahil sa suot kong ruffle dress sleeveless na kulay puti na hanggang kalahati ng hita ng haba na pinarisan ko ng isang white 5 inches sandal. Nakangiti akong lumapit sa pinto ng office ni Yeshua saka kumatok gamit ang dulo ng aking 5 inches sandal ko. Kahit hindi ito sumagot binuksan ko ang pinto at pumasok sa loob ngunit wala siya doon. Kaya nilapag ko nalang sa ibabaw ng table nito ang dala kong kape at ang isang pirasong daisy. Ngunit bago pa man ako lumabas kumuha ako ng isang sticky note ni Yeshua at nagsulat doon.

Hi baby,

Coffee and daisy for you. Mwaahh!

Kiss from fresh,

Your Desi.

Agad kong idinikit ito sa gilid ng cup ng kape. Bago pa man ako tuluyang lumabas niligpit ko muna ang ibang kalat nito saka tuluyan ng lumabas at bumalik na sa aking trabaho. At sinimulan ng gawin ang dapat kong gawin. Medyo maluwag-luwag na ako sa trabaho ngayon, dahil sa sunod-sunod na overtime ko.

Tumigil muna ako sa kasusulat para tingnan ang aking schedule. Gusto kong mag-off bukas, Tuesday. Nandito naman sila Margaux, Agatha, David at Farrah. I need clarification po muna. Si Agatha na kasama ko ay taliwas sa Agatha ni Yeshua. Tsk!

Hindi naman gusto ni Yeshua si Agatha, kailangan niya lang dahil sa mga koneksiyon nito. Akala niya hindi ko alam, nasabi na sa akin ni Yannah ‘yan. Ibinalik ko ang aking tingin sa naiwan kong trabaho at ibubuklat ko na sana para sa bagong pahina, nang bigla na lang may harabas na pumasok at tumayo sa harap ko. Galit.

'How many times I told that I won't accept anything from you!" sigaw nito sa akin habang bitbit nito ang kape at bulaklak.

"How many times I told you na magbibigay at magbibigay ako sa’yo kahit hindi mo gusto." sagot ko sa kan’ya. And it's normal, lalo na kung mahal mo ang tao." nakangusong kong dugtong.

"Enough!" sigaw sa akin ni Yeshua. Kitang-kita ko kong paano nagsilabasan ang ugat nito sa noo dahil sa galit sa akin. "I can't accept a woman like you. I won't accept a low class, cheap like you." mariing wika nito habang lumalabas ang ugat sa noo at sa leeg nito.

Napatahimik ako habang iniinda ang sakit sa puso na nararamdaman. Tila may isang daang punyal ang nakatarak dito dahil sa mga salitang binigkas ni Yeshua. Napahawak ako sa aking dibdib at umiling-iling.

"I will and never choose you." dagdag pa nito na nagpahina ng aking buong katawan. Ngunit hindi ko pinakita sa kan’ya na apektado ako. Tumayo ako at pinantayan ang tingin nito.

"Sa ngayon lang ‘yan, tingna natin sa mga susunod na buwan at taon, Baby." sagot ko sa kan’ya sabay kindat.

"Don't call me baby, you are not my mother."

"Yes of course, I am not your mother because I am your lover."

"That's bullshit! Bakit ba hindi ka na lang umalis at maghanap ng taong guguluhin mo? Bakit ako?" galit nitong tanong sa akin.

"Dahil ikaw ang gusto ko! Ikaw ang gusto kong mapangasawa. Ikaw ang gusto kong maging ama ng mga anak ko, kahit ilang anak pa ang gusto mo ibibigay ko. Isang platoon ba? Sige simulan na natin." sagot ko kay Yeshua at aktong huhubarin ko ang aking damit.

Ngunit mabilis pa sa alas kuwatrong tumalikod at patakbong lumabas ng opisina ko si Yeshua. Takot din pala ang g*go. Nang mawala na ito sa paningin ko ay nanghihinang umupo ako sa aking upuan. Inilagay ko ang kanang kamay ko sa aking dibdib at dinadama ang masakit at malakas na tibok ng puso ko. Kasabay nang masakit na pagtibok ng aking puso ang pag-agos ng aking mga luha.

Bakit ang hirap magmahal? Hindi ba pwede kung sino ang mahal mo, dapat mahal ka rin? Bakit ang sakit? Kasalanan ko ba kung bakit mahal ko siya? Kasalanan ba ng puso ko ang piliin siya? Pinahid ko ang mga luhang tumutulo sa aking mga mata at suminghot.

Nasaan na ba si kupido? Ginagawa ba niya ang trabaho niya? Siguro hindi. Kasi kung ginagawa niya talaga ang trabaho niya ng tama, dapat napana na niya ako sa tamang tao. Taong ako din ang mahal hindi ‘yong ganito.

Saan ka na ba kupido? Pakipana naman si Yeshua o, otang na loob. Mapikon ako, pakyawin ko lahat ng kandila sa Quiapo at itirik kita ng kandila kupido. Papalitan na din kita sa pwesto mo, palpak ka kasi magtrabaho. Muli kong pinunasan ang aking mga luha at suminga. Sigurado akong namamaga na ang aking mga mata. At kailangan kong magsuot ng dark lense sunglass bago lumabas mamaya.

Dahil nawalan na ako ng ganang magtrabaho, iniligpit ko na ang gamit ko at saka tinungo ang pinto. Wala na ako sa mood magtrabaho pa, I need rest. Lumabas ako ng opisina at dire-diretso sumakay ng elevator at pinindot ang ground floor.

Nang makarating na ako ng ground floor agad kong pinuntahan ang aking kotse, kung saan ko pinark kanina. Agad kong binuksan ang pinto ngunit bago pa man ako makapasok sa loob nahagip ng aking mga mata si Yeshua at may kayakap na babae. Dali-dali akong pumasok sa loob ng kotse saka hinayaang bumagsak sa pangalawang pagkakataon ang aking mga luha. Luha ng nasasaktan dahil sa pagmamahal.

"Bakit ang sakit?" humahagolgol kong tanong habag nakatingin sa dalawa. Eksaktong pagpunas ko ng aking luha ng biglang pagtunog ng aking cellphone. Si Grayton. Kinuha ko ito at sinagot.

"Saan ka?" bungad nito sa akin.

"Sa YMV." sumisinghot kong sagot.

"Umiiyak kaba?" tanong niya sa akin na may himig na pag-alala.

"Oo." sagot ko saka umiyak.

"Bakit ka umiiyak?"

"Si Yeshua."

"That man! Stay there, susunduin kita. Tumawag ako sa’yo para sabihin sana na dumating na ako. At magpapatulong na din sana ako sa proposal preparation ko sa pinsan mo, kaso mukhang ikaw ang nanganailangan ng tulong ko." mahabang wika ni Grayton sa kabilang linya.

"Bilisan mo." sagot ko sa mahabang wika nito saka pinutol ang tawag. “Maghihintay ako.”

FIFTEEN minutes.

Isinandal ko ang aking ulo sa manibela habang umiiyak ng bigla na lang may kumatok sa bintana ng kotse ko. Inangat ko ang aking ulo at nakita ko ang mukha ni Grayton. Mabilis kong binuksan ang pinto ng kotse saka diretsong yumakap kay Gray. Muntik pa kaming matumba mabuti nalang Mabilis at batak ang katawan ni Gray.

"Easy." nakangiting wika nito sa akin. "Nakita ko ang pinakamamahal mong lalaki, may kalingkisan na babae." kuwento ni Gray sa akin.

Mabilis akong yumakap kay Grayton para umiyak. Kailangan ko ng comfort.

"Kuwento mo pa para masaktan ako lalo.” ani ko sa habang nakayakap ako sa kanya. Tanging tawa lang ang isinagot sa akin ni Grayton saka tinanggal ang pagkayakap ko sa kan’ya.

"Tahan na, baka sasabihin nila na pinapaiyak kita. Sa akin na ang susi ng kotse mo ipahatid ko na lang sa driver na kasama ko."

"Huwag na, iwan na lang natin ‘to dito. Ihahatid mo naman ako bukas.”

"Tss. Pasalamat ka at magiging pinsan mo na ako, kung hindi, iiwan talaga kita dito. Lalo na ganiyan ang hitsura mo.”

"Alam ko namang may galit ka sa akin, e." ani ko saka nagpatiunang maglakad.

"Hoy, hindi ako galit sa’yo." habol na wika sa akin ni Grayton.

"Hoy, Mr. Imp---naputol ang iba ko pang sasabihin ng bigla nalang may tumawag kay Grayton.

"Mr. Imperial, long time no see." bati ni Yeshua kay Grayton.

"Mr. Ventura, good to see you." nakangiting wika ni Grayton kay Yeshua.

"Watcha doin here?" tanong ni Yeshua kay Grayton.

"Sinusundo ko lang si kamahalan." sagot ni Grayton kay Yeshua saka ngumiti sa akin ng matamis. Napatingin ako kay Gray saka kay Yeshua na seryoso ang mukha.

"Kamahalan, huh!" si Yeshua.