Chapter 147: Happiness

Naalimpungatan si Samantha dahil sa marahang pagyugyog sa kanyang balikat. Nang magmulat siya, mukha ni Bettina ang nabungaran  niya.

“Mabuti naman at gising ka na, mahal na prinsesa ng kanyang ama,” anito bago tumuwid ng tayo at humalukipkip.

“T-Tina?” she asked in a hoarse voice as she fix herself up on the seat. Agad niyang nilingon si Charlie sa tabi niya, subalit wala roon ang anak niya. “S-si Charlie?” nag-aalalang tanong niya sa kaibigan.

“H’wag kang mag-alala. Nasa mabubuting mga kamay ang maganda kong inaanak,” paniniguro ni Bettina sa kanya, umupo pa sa katapat na upuan niya.

Nagsalubong na ang mga kilay niya. Naguguluhan niyang ipinagala ang mga mata sa loob ng plane. Wala na ang mga kasama nila, silang dalawa na lang ni Bettina ang naiwan doon. Taranta siyang sumilip sa labas ng bintana ng plane. It’s still dark outside and they are not flying anymore.

&ldquo