Kabanata 24

“Gab, okay ka lang ba?” nag-aalala niyang tanong rito dahil nang makita niya ito ay kapansin-pansin ang panginginig nito at puno ng takot ang mga mata nito.

Napabuntunghininga muna ito bago nagsalita. “N-natakot lang ako noong una nang buksan ko ang kahon at nakita ko ang isang teddy bear na maraming bahid ng dugo. Lalo na nang mabasa ko ang note na isinulat din gamit ang dugo na nagsasabing Mamamatay ka,” pinakalma pa nito ang sarili sabay inom ng maligamgam na tubig na ibinigay niya rito.

“Calm down, Gab. Hindi kita pababayaan,” wika niya sa babae at niyakap niya ito upang mawala kahit papapano ang panginginig nito.

“T-tila may kutob na ako kung sinuman ang nagpadala sa akin ng ganyan. Tinatakot na niya ako,” wika ni Gabrielle at kumalas na ito sa pagkakayakap niya.

“Sino ang tinutukoy mo?”

“Iisa lang naman ang nagbanta sa akin at sinabi niyang gagawin niyang miserable ang buhay ko. Naalala mo ang suspek sa pagpatay sa isa sa mga kambal? Siya iyon,” seryosong w