23

Matagal na pinagmasdan ni Alea ang bagong tuping damit. Hindi niya mawari kung sa cabinet o sa bag n’ya ba iyon dapat ilagay.

Sa paglipas ng lagpas isang buwan ay gumaling na si Mayumi. Bumalik ang sigla nito. Paminsan ay sinusumpong pa din ito ng takot ngunit hindi malala tulad nung una.

“Ate, tulala ka d’yan,” saad ni Mayumi, na hindi niya namalayan pumasok na pala sa kwarto mula sa panonood ng telebisyon sa salas.

“Tapos na ba ‘yung pinapanood mo?” Hangga’t maaari ay ayaw niyang bigyan nang alalahanin ang kapatid.

Tumayo siya at kinuha ang mga bagong damit na dinala ni Jake sa kanila nang isang araw. Ayon dito ay galing daw iyon kay Calvin. Inilagay n’ya iyon sa cabinet.

Nang nagdaang mga linggo ay naging maalaga si Calvin sa kanila, higit pa sa kung paano sila nito alagaan noon sa isla. Marahil, dahil na din sa kalagayan ni Mayumi at sa batang nasa sinapupunan n’ya.

Ipinagpasalamat n’yang hindi na nito muling inungkat ang usapan patungkol sa plano n’yang pag-alis sa poder nito.

“Pi