FIVE

'Hindi pa rin siya umuwi?'

Hindi alam ni Zayden kung ano ang gagawin. Nakatitig siya sa divorce papers na nasa mesa habang nabibingi sa katahimikan ng bahay.

It's been two days.

Ito yata ang unang pagkakataon na ginawa iyon ni Czarina. Dati ay kahit anong pilit ni Zayden sa babae na pirmahan ang papel na iyon ay hindi nito ginagawa.

Bumukas ang pintuan at iniluwa no'n si Chloe.

"Oopss, the door is open, so pumasok na ako. Okay lang ba?" matamis itong ngumiti at naglakad palapit kay Zayden.

"O-ofcourse," nagulat ang lalaki.

"Nandito ba si Czarina?" magiliw na tanong ni Chloe. "Nadaanan ko yung favorite chicken restaurant niya kaya bumili na rin ako para sa kanya."

Napangiti si Zayden. Sa isip niya ay sobrang maalalahanin talaga ni Chloe. Sa kabila ng alitan sa pagitan nila ni Czarina ay ito lagi ang gumagawa ng paraan para magkaayos sila.

Bagay na hindi na-a-appreciate ni Czarina.

"You should stop being so kind," sabi nito at kinuha ang hawak ng babae.

Bumaba ang tingin ni Chloe sa papel na nasa mesa. Nanlaki ang mga mata niya nang mapagtanto kung ano iyon.

"Divorce papers?" nagtatanong at umaasa ang mga mata niya na ipinukol kay Zayden. "Maghihiwalay na kayo? Finally? So, malapit na tayong ikasal?"

Hindi alam ni Zayden kung matutuwa siya sa mga sinasabi ni Chloe. Pero iyon ang dapat niyang maramdaman, matuwa. Hindi ba't iyon naman ang hinihintay niya na mangyari?

"Hindi pa kami nakapag-usap tungkol diyan," sabi niya kay Chloe.

Ngumuso ang babae at yumakap sa kanya.

"Bakit? Ayaw ka ba niyang harapin? Baka mamaya mag-back out na naman siya, ah?"

Hinaplos ni Zayden ang buhok ni Chloe.

"Don't worry, after this, I'll make it up to you."

Nangako siya noon na aalagaan niya si Chloe at siguro panahon na para gawin at tuparin iyon. He owed her his life. Kung hindi dahil dito ay wala na siya rito ngayon.

Pero may kirot sa puso niya na hindi niya maintindihan. O baka naninibago lang siya sa biglang pagbabago ng asawa niya.

*****

"GIRL, Grabe! Ang kakapal ng mukha. At talagang may pa-public appearance pa sila?"

Kuryosong nilingon ni Czarina si Klarisse at tinapunan ng nagtatanong na mga mata.

Kasalukuyan siyang nagpapaayos para sa a-attend-an na event. Anniversary iyong Jao Holdings Corporation. Inutusan siya ng ama na um-attend doon at pumayag din naman siya agad dahil gusto niyang mawala ang isipan sa mga pangyayari nitong mga nakaraan.

"Ano ba iyon?"

Ipinakita ni Klarisse ang cellphone sa kanya. Her heart sank upon seeing the post.

Larawan iyon nina Chloe at Zayden. Nakalingkis ang kamay ni Chloe sa braso ng lalaki na animo'y makakawala pa sa kanya.

"Naroon din sila sa party, I think..." sabi ni Klarisse. "Pwede ka namang umatras, sabihin nalang natin kay tito na nandoon sila."

Umiling siya. Ayaw na niyang bigyan pa ng problema ang ama niya. Isa pa, alam niyang makikita at makikita niya ang dalawa. Kung hindi man ngayon ay sa mga susunod pang event.

Isa pa, sanay na siya.

Pero kahit sanay na siya ay hindi niya maiwasang hindi masaktan at mamangha dahil sobrang bagay ng dalawa.

Binasa niya ang mga unang pangungusap sa article na iyon. Sinabi na sabay silang dumating sa event at madaming nagsasabi na bagay sila. Lumabas din ang chismis na hiwalay na si Zayden sa asawa nito.

Hindi alam ng maraming tao na siya ang asawa ni Zayden dahil sa maraming pagkakataon ay mas madalas pa itong makita na kasama si Chloe kaysa siya.

*****

HINDI PA MAN SIYA NAGTATAGAL sa lugar na iyon ay namataan niya na agad ang dalawang taong sumira sa buhay niya.

Magkadikit ang dalawa habang nakikilag-usap si Zayden sa mga businessman na naroon.

Sumisimsim naman ng wine sa isang gilid si Czarina habang nagmamasid sa paligid.

"There you are..."

Nagulat siya nang hinila siya ni Mr. Freddie Jao palapit kila Zayden.

"Uhh... hello, sir. Nandito po ako in behalf of my dad. Hindi po siya makakapunta because of a sudden business trip."

Ngumiti ang matandang lalaki sa kanya.

"Ayos lang, hija. It's nice seeing you here today." Tumingin ang lalaki kina Zayden. "By the way, Mr. Hart, this is Czarina Laude, daughter of a dear friend of mine. And Czarina, this is Zayden Hart, maraming alam sa negosyo iyan kaya sa kanya ka magpatulong."

Mahinhin na tumawa ang babae pero hindi tinitingnan ang gawi ni Zayden. "Hindi ko naman po sigurado kung ako nga ba ang magmamana ng business ni Dad."

"Ano ka ba? Sino pa ba ang pwede? You're his only daughter."

Tumikhim si Chloe na tila naghahanap ng papansin sa kanya. Tumingin sa kanya si Mr. Jao at ngumiti.

"And this is... what's your name again, hija?"

Namula sa hiya si Chloe nang mapagtantong hindi maalala ni Mr. Jao ang pangalan niya.

"Chloe po."

"Ah, yes, Chloe, Mr. Hart's wife, right?"

Halos masamid si Czarina nang marinig iyon.

Samantala, nakatayo at tahimik na nakatitig lang sa kanya si Zayden. Czarina looks exceptionally gorgeous today. Medyo daring ang suot nitong long dress at parang ngayon lang siya nakita ni Zayden na nagsuot ng ganoon.

"Not yet po, hehe," sagot ni Chloe at lalong kumapit kay Zayden.

"Oh? Akala ko ay kasal ka na?" nagtatakang tanong ni Mr. Jao na tila naguguluhan sa mga naririnig.

Ngumisi si Czarina pero hindi pa rin masalubong ang mga titig ni Zayden.

"Ah, Mr. Jao, mag-iikot lang po ako sandali. Happy anniversary po."

Dali-dali siyang umalis sa pwesto na iyon at naghanap ng tahimik na lugar. Akala niya ay malakas na siya, akala niya kahit papaano ay manhid na siya pero masakit pa rin pala.

Hearing other peopke address Chloe as Zayden's wife, bagaman hindi pa opisyal, pakiramdam niya ay pinupunit ng paulit-ulit ang puso niya.

Pabalik na siyang muli sa loob nang makarinig siya ng mga sigawan. Kuryoso at may kaba sa dibdib na tumakbo siya papasok at nakita si Mr. Jao na nakahiga sa sahig at tila nahihirapang huminga.

"Call an ambulance!"