CHAPTER TWENTY

Xannon's POV

DINIG ko ang pagtawag sa akin ng aking kapatid subalit hindi na ako nag-aksaya pa na lumingon sa 'kanya. 

Alam kong masakit ang mga salitang binitawan ko kay Xandro subalit 'yon lang ang tanging paraan para mailayo ko ang aking anak sa kapahamakan. 

Kapag nalaman ng organisayson ng China na may anak ako ay maaari nila 'yong gawing dahilan para kalabanin ako at maaaring mapahamak ang anak ko, maging si Catharyn. 

Akmang sasakay na sana ako sa sasakyan ko kaso bigla akong hinawakan ni Ate Xashvin sa aking palapulsuan pagkatapos ay sinapak ako! Inis akong tumingin sa 'kanya pagkatapos ay nagsalita. 

"What the hell is your problem?!" inis na tanong ko sa 'kanya. 

"Bumalik ka doon at kausapin mo ang anak mo," malumanay na wika ni Ate Xashvin pero mahihimigan mo sa tono ng pananalita niya na galit siya.