CHAPTER 20

UMIIKOT ang paningin ko, maging ang lalaking nasa harapan kong nag-iigting ang panga habang pinagmamasdan ako. Nagmatay-malisya na lang ako dahil ayaw ko siyang makausap pa. Mababaw man kung iisipin ngunit nasaktan talaga ako sa pag-ignore niya sa akin sa party.

Maiintindihan ko pa kung sinabi niya simula pa lang na ilang minuto lang pala ako sa lamesa nila dahil may hinihintay siyang ganoong kagandang babae, hindi iyong malaman-laman ko na lang na paaalisin na lang ako na parang asong kalye roon.

"W-Woy!" Sa kabila ng aking pananahimik ay siyang pag-iingay naman ng kaibigan ko. "Kapal ng face mo! How dare you do that to my friend after you asked her to be with you for that stupid party?!" Nakapameywang niyang sinabi.

Gusto kong palakpakan si inday sa tuwid na pagsasalita at partida, English pa! Ngunit nauwi rin iyon sa pagngiwi nang subukan niyang lumapit pero muntik nang tumembwang, mabuti na lang at may nakaalalay kaagad.

"Don't touch me, you bastard!" Asik niya sa lalaking bag