Chapter 4

Gabi na at kasalukuyang kumakain sina Regulus at Vien. Tanging tunog lang ng mga kubyertos ang naririnig nila. Hindi na nagulat si Vien kung bakit ready na ang mga gamit na nasa loob ng bahay. May mga pagkain na nakalagay sa ref at malinis ang paligid at loob ng bahay.

May mga halaman ding makikita na nakatanim sa palibot ng bahay. Malaki at malawak naman ang loob nito at maraming kwarto. Hindi na iyon nakakapagtaka. Tumikhim si Vien at tumingin kay Regulus na seryoso sa pagkain. Nakasuot na ito ng pantulog hindi tulad niya na nakawhite t-shirt at pants pa.

Mukhang napansin nitong nakatingin si Vien sa gawi niya kaya umangat ito ng tingin. Nagsalubong ang makakapal nitong kilay na para bang nagtataka.

"What? Don't stare at me. Just focus on your food," masungit na sambit nito. Saglit na ngumuso si Vien saka nagsalita.

"S-Salamat nga pala. I'm sorry din kung hindi pa ako marunong magluto ng lutong bahay. Nasanay lang kasi ako na deliver ang food ko." nahihiyang yumuko si Vien pagkatapos niyang sabihin iyon. Si Regulus kasi ang nagluto ng dinner nila. Si Vien sana ang magluluto kaso sinabi niya kay Regulus na hindi siya marunong. Simpleng putahe lang naman kasi ang alam niya. Aside sa pagluto ng kanin, fried egg, hotdog at noddles lang ang kaya niyang lutuin.

"Ngayon lang 'to. Sa susunod, ikaw na ang magluluto. You should know how to cook, Vien. Hindi ka prinsesa kapag nasa puder kita. Always remember that," masungit parin na sagot nito at uminom ng tubig bago tumayo. 

Nasaktan siya nang kaunti dahil sa sinabi nito kahit na totoo naman. Tumungo si Vien para tingnan ang asawa niya. Nakatingin pala ito sa kaniya. "S-Sige, papag-aralan ko," binigyan ni Vien si Regulus ng pilit na ngiti. Tumiim naman ang panga ni Regulus at tinapunan si Vien ng masamang tingin.

"Ikaw ang maghuhugas nitong mga plato. Baka pati 'yon hindi—" pinutol siya ni Vien. 

"Marunong naman akong maghugas ng mga plato. Atsaka, kaunti—"

"Good. After you wash that, go to the master's bedroom. We will talk," sambit ni Regulus at tinalikuran na siya. Lumakad na ito paalis ng kusina at iniwan na si Vien. Humugot muli si Vien ng malalim na hininga at binuga iyon.

Inilibot niya ang paningin sa paligid. Bukas ang mga ilaw ng bahay. Maganda ang paligid pero malungkot rin ito. Tumingin siya sa mahabang dinning atsaka kinuha ang mga pinagkainan nila. Kinumpuni niya iyon at maingat na dinala sa lababo.

Habang naghuhugas siya. Biglang pumasok sa isip niya ang nangyari kanina. Nag-aayos siya non ng mga gamit niya nang magsalita si Regulus.

"Maayos ang lahat ng kuwarto na nandito kaya pumili ka nalang kung saan mo gustong matulog. Sa mater's bedroom ako matutulog," naalala niyang sambit ng asawa. Sa sinabi pa lang nito ay alam na talagang ayaw siyang makatabi nito.

"Your lover is calling you," nabalik siya sa reyalidad nang marinig niya ang boses na iyon na nanggagaling sa likuran niya. Nanlalaking mata na hinarap ni Vien si Regulus. Seryoso ang mukha nito habang hawak ang cellphone niya na nakaharap ang screen sa kaniya. Nakita niya ang pangalan ni Lantsov na naka-flash doon.

Papaano niya nakuha ang cellphone ko?!

"Regulus, he is not my lover. He is just my—" pinutol nito ang sasabihin sana ni Vien. "I don't care. Kukunin mo ba ang cellphone mo o sisirain ko nalang?" tanong nito sa kaniya.

Napalunok si Vien. "A-Ah, pwedeng pakisagot na muna? Pakisabi na mamaya nalang siyang-" naputol na naman ang sasabihin niya dahil biglang itong tumalikod dala ang cellphone niya. Lumakad ito paakyat ng hagdan. Kinakabahan bigla si Vien.

Baka sirain niya yun.

Binilisan niya na lamang ang paghugas ng plato. Nang matapos na, pinunasan niya agad ang basang kamay at pinatay ang ilaw saka niya sinundan ito. Hindi niya alam kung saang kuwarto ito pero sa tingin niya, nasa master's bedroom ang asawa niya.

Nang makita niya iyon, kumatok muna siya bago pumasok. Naabutan niya naman ito na may kausap sa cellphone niya.

"Yes, baby. Take care. I will. I love you too. Yeah, yeah. Okay, good night. Sweet dreams," rinig niyang sambit ni Regulus. Mababakas din sa boses ng lalaki ang saya. Naninikip bigla ang dibdib ni Vien dahil lang doon. Maybe, that's his girlfriend. He's so sweet to her.

Nakakainggit naman siya.

Napangiti si Vien ng mapait. Nag-iinit ang gilid ng mga mata niya pero mabilis niyang iwinaksi iyon bago pa tuluyang tumulo. Natapos na ang tawag at binaba na ni Regulus ang cellphone nito. Humarap ito sa gawi niya pero hindi naman nagulat ang mukha nito bagkus nangunot lang ang noo nito. "Why are you here?" he asked her.

"R-Regulus, yung cellphone ko.."nau-utal na sambit ni Vien. Naramdaman niyang may mainit na tubig ang dumaloy sa pisngi niya. Fuck! Mas lalong kumunot ang noo ni Regulus at lumapit sa gawi ni Vien. Bumilis ang tibok ng puso niya dahil doon. "R-Regulus.. yung—"

Tumigil ito sa paglalakad at pumunta sa nightstand. May kinuha ito doon at lumapit muli sa kaniya. Inabot nito kay Vien ang cellphone niya. "He's your friend? But, he's not good for you so stay away from him or else I'll destroy his life," seryosong sambit nito.

Lumunok si Vien bago kinuha niya ang cellphone niya at tinalikuran ang lalaki. Lumakad siya paalis at bumaba ng hagdan. Hindi na siya nag-abalang isarado pa ang pinto ng master's bedroom.

Nasasaktan na naman siya. Simpleng bagay lang, naiiyak siya. Hindi niya kayang krontrolin ang emosyon niya. Madali siyang maiyak kahit na ang dahilan ay maliit lang naman na bagay. Lumaki siya sa mayamang pamilya. Naibibigay ang mga gusto niya. Sinusunod siya. Tinuturing siyang prinsesa kahit na matanda na siya. Pero ngayong nasa puder na siya ng asawa niya, hindi na.