Chapter 34

Diana's POV

Naisip kong bumalik na lang sa isla pagkatapos ng pagtataksil ni Ryan sa akin. Pero pinigilan ako ng mga taong totoong nagmamahal sa akin at palaging nandyan para sa akin— sina Jade at Troy.

Si Professor Berkeley naman na kinakatawan ang mga elders namin ni Freslin sa isla, ay abot-abot sa langit ang galit dahil sa ginawa ni Ryan sa aming mag-ina.

Ginamit nya ang kanyang malawak na impluwensya sa academe para himukin ang lahat na huwag suportahan ang Northfield Educational System. Dahil sa panawagang ito, maraming guro ang nagpasyang mag-resign sa kanilang pwesto sa institusyon, kasama na ang dean ng Mathematics department ng Northfield na naging estudyante ni professor Berkeley noon.

Hindi inaasahan ng Northfield na mapipilayan sila sa ganoong paraan. Ang mga gurong nagbitiw ay mga respetadong instructor sa iba’t-ibang aralin, at hindi madali na palitan silang lahat sa maikling panahon.

Kabilang pa dyan ang negatibong epekto ng pag-urong ni Freslin na mag-aral sa kanila.