CHAPTER 9

HALOS maubos na ni Timothy ang laman ng whisky. Pakiramdam niya ay napakainutil niyang tao, ni hindi man lamang niya naipaglaban si Natalia. Inihilamos niya ang kamay sa mukha, kanina ay gustong-gusto na niyang suntukin si Matt.

Naiinis siya sa kanyang sarili dahil hindi man lamang niya naipaglaban si Natalia. Bakit ba hindi siya ipinanganak na mayaman at makapangyarihan?

“Tim, ginawa mo na ang best mo,” sabi ni Dela, hinagod nito ang likuran niya, “ I guess, hindi ka na susumbatan ni Natalia, at least naging mabuti kang boyfriend sa kanya.”

“Talaga ba?” May sarcasm sa tonong tanong niya sa kaibigan.

“Tim, hindi ka pwedeng maging martir na lang sa kanya. Look, pati negosyo mo naapektuhan na dahil sa mga problemang dala ni Natalia at ng pamilya nya. Tama ang parents mo, Tim. Kalimutan mo na si Natalia. Nandito naman ako para saiyo,” malambing na sabi nito, “Huwag mong sayangin ang buhay mo sa taong wala ng ginawa kundi magdala ng pr