CHAPTER 8

“MA’AM pinatatawag po kayo ni Sir sa salas,” sabi ng maid na si Vicky nang sunduin siya nito sa kuwarto. “Nandyan po sa ibaba ang boyfriend ninyo!”

Napabalikwas siyang bigla. Nagmamadali siyang bumangon at patakbong bumaba sa salas. Inabutan niya si Timothy na kausap ni Matt. Masayang-masayang niyakap niya ang kasintahan at siniil ng halik sa mga labi.

“Tim,” mangiyak ngiyak na sabi niya.

“Dala ko na ang 70 million kabayaran sa pagkakautang ng Papang mo. Iuuwi na kita.”

Hindi makapaniwalang tiningnan niya ang binata, “S-San ka kumuha ng pera? Don’t tell me ibeneta mo ang. . .” Tuluyan na siyang napaiyak, hindi niya akalaing gagawin ni Timothy ang lahat para sa kanya, “Sabi ko na nga ba, talagang mahal na mahal mo ako!” walang pagsidlan ng kagalakang sabi niya rito saka taas ang baba na bumaling siya kay Matt, “See, I told you, hindi ako magtatagal dito,” puno ng pagmamayabang na sabi niya rito saka hinila na ang kasintahan, “Tara na