Chapter 5

Nakita ko na nagsalubong ang makakapal na kilay niya. Ako naman ay na-realise kong bigla ang nasabi ko at napagtanto na hindi ko dapat iyon sinabi sa kaniya. Kung kanina ay 90% na ang tiyansa ko na matanggap bilang katulong ngayon ay mukhang 50/50 na.

"Ano ang sinabi mo?"

Itinaas ko ang isang kamay ko at nag-peace sign sa kaniya nang makita ko na namuo ang galit sa mukha niya. Grabe, sabi ni dad mabuting tao ito?! ba't ang bilis magalit?!

"J-Joke lang, sir. Hindi ka naman mabiro! h-hehe..."

Ibinaba ko ang kamay ko at pinagsalikop iyon.

"Huwag po kayong mag-alala sir, hinding-hindi po ako magkakagusto sa inyo. Hindi rin naman po kayo ang type ko. Iyong type ko kasi chinito, eh, hindi ka naman chinito. Saka, nakakatakot po kayo," sabi ko.

Lalo na yung hotdog niya na parang ready to attack any moment.

"By the way, I am Rozzean Cyron Valleje. I just want to clear things before I accept you, Tali-- ang ibig kong sabihin ay nais kong maging klaro sa iyo ang isang patakaran ko dito sa bahay ko," sabi niya.

Tumango ako at ngumiti. Nag-thumbs up ako sa kaniya na kaagad ko ring ibinaba nang hindi siya nag-reak. 

Pero ang isa sa napansin ko... he's trying to translate his words when he speak to me in english. Ilalagay ko rin iyan sa notebook ko mamaya. Good at bad, I need to note his attitude! pero siyempre mas gusto kong isulat ang mga bad things about him! that's the reason why I am here.

"Dahil kaaalis lang ng dalawang katulong ko kanina, puwede ka nang magsimula ngayon. Cook me something to eat. Nagugutom na ako."

Tumayo ako at yumuko sa kaniya, "Okay, sir! ako po ang bahala! ano po ba ang gusto ninyong kainin?" 

Tumayo rin siya. Ang tangkad. Napalunok ako nang mapatingin na naman ako sa gitnang bahagi ng katawan niya. Jusko mahihirapan ata akong ialis sa isipan ko ang nakita ko kanina.

"Tali, look at me, bakit sa iba ka nakatingin?" he asked me.

Naihilamos ko ang kanang kamay ko sa mukha ko dahil sa sinabi niya.

"Kasalanan mo," bulong ko.

"Anong sinabi mo?" tanong niya.

Umiling siya at humawak sa sintido, "You are a different maid. You talk back, but it's okay as long as you do not fall for me. What I need in my house is a real maid. Not a btch who wants to seduce me."

Ay grabe! 

"Matutulog ako. Bababa ako pagkatapos ng dalawang oras para kumain. Si Manang Selya ang maghahatid sa 'yo sa silid mo. Mamaya na rin kita kakausapin tungkol sa sahod mo buwan-buwan."

Pagkasabi niya non ay tumalikod na siya at naglakad papasok sa silid niya. Habang nakatingin ako sa likod niya ay napatingin ako sa pang-upo niya. Bigla ko nahawakan ang pwet ko. Grabe, sobrang biniyayaan naman ang lalakeng ito. Malaki ang lahat.

Sa tono ng boses niya ay nahimigan ko ang pagod. Kaso, tanghali pa lang? ang aga ata ng uwi nito kung galing sa opisina?

"Okay, Tang-- este, Tali! first day mo na ngayon! tanggap ka at kailangan pagbutihin mo!" sabi ko sa sarili ko at lumabas ng silid.

Kailangan sa loob ng dalawang buwan ay makakita ako ng matibay na ebidensya na makapagpapatunay na hindi nararapat sa akin ang lalakeng ito. 

"Tali ang pangalan mo, neng?" 

Nilingon ko ang matandang katulong. Narinig ko na ang pangalan niya ay Selya.

"Opo," sagot ko.

"Saan ang lugar mo, neng?" tanong niya sa akin.

Bigla akong nag-isip ng probinsya.

"S-Sa nueva ecija po ako talaga, pero nakipagsapalaran sa iba't-ibang lugar para mabuhay. Hanggang mapadpad po ako dito sa Tagaytay," sagot ko.

"Napakasipag mo naman at palaban sa buhay."

Bigla akong nakunsensya sa pagsisinungaling. May puso kasi ako sa matatanda. 

"Dito ang silid mo. Tig-isa ng silid ang lahat ng katulong na pumapasok dito sa bahay ni sir."

Napatingin ako sa buong silid. Grabe, ha? pang katulong lang ang silid na ito? may sariling cr, may aircon tapos may pang-isahang sofa sa loob. Kumpleto! in fairness, maalaga sa katulong si Rozzean.

"Ilan pa po ba ang natitirang katulong ni sir dito?" tanong ko.

"N-Nabanggit niya po kasi iyong nangyari kaya kailangan niya ng katulong," dagdag ko.

Ngumiti si Manang Selya sa akin, "Ako at ikaw na lang ang katulong. At, iyong nangyari ba? totoo iyon. Ang ibang mga naga-apply na katulong sa mansyon na ito ay hindi naman talaga nais kumita, nais lang nilang mapalapit kay sir at akitin ito."

Napangiwi ako. Ibig sabihin ay totoo nga. 

"G-Ganoon po ba?" tanong ko.

"Oo, hija, ikaw ba? hindi tumibok ng mabilis ang puso mo nang makita mo siya? magandang lalake si sir, mayaman, maraming mga babae ang nagkakagusto sa kaniya," sabi ni Manang Selya sa akin.

Ang totoo ay nagulat ako kanina nang makita ko siya sa guard house. Stable pa naman ang puso ko, pero nang makita ko iyong hotdog niya doon na parang humiwalay iyong kaluluwa ko. Malamang rin titibok ng mabilis puso ko.

"Pero... may issue ba siya manang?" tanong ko.

Kumunot ang noo ni manang sa tanong ko.

"Issue? anong issue?" 

Lumapit ako sa kaniya at bumulong kahit na kami lang naman ang naroon.

"Issue, masama ba ang ugali niya?"

Ngumiti na naman si manang, "Ikaw ang makakaalam niyan. Pero huwag kang matakot, hangga't hindi mo nalalabag ang isang patakaran niya walang mangyayari sa 'yong masama."

Napagdikit ko ang mga palad ko nang maisip ko na baka kaya mahigpit si Rozzean at ayaw nitong may nagkakagusto dito at napapalapit na katulong dahil may girlfriend na ito.

"Siguro manang may kasintahan na po si sir, 'no? kasi mahigpit po siya dito sa mansyon at ayaw na may nagkakagusto sa kaniyang katulong."

Hindi nagsalita si manang at ngiti lang ang iginanti niya. Na-curious ako tuloy lalo. Mas magandang ibedensya na may kasintahan na ito para hindi matuloy ang nais ni dad.

Pagkatapos kong makapagpalit ng uniform ay pinasadahan ko ng tingin ang aking sarili sa body size mirror na nasa silid ko mismo. Inayos ko ang fake bangs ko na nabilis ko rin sa taytay. Sinigurado ko rin ang nunal ko na maayos ang dikit. 

Tapos hinila ko ang long sleeve ko. Sampu ang dala kong tight long sleeve para maitago ang mga braso ko. At dahil slacks type naman ang pang-ibaba ng unifrom hindi na ako mag-aabala pa sa mga binti ko. 

Lumabas na ako ng silid at bumaba para pumunta sa kusina.

"Halika, alam mo bang gamitin ang mga ganitong appliances?" tanong ni manang sa akin.

"Opo, marunong naman po ako ng oven, airfryer, ng rice cooker at iba pang kagamitan sa kusina. Nakapag-apply na po ako dati bilang katulong kaya maaasahan ninyo rin po ako sa kusina," sagot ko.

"Mabuti naman, sige, Tali, maaari ka nang magluto. Maya-maya lang ay bababa na si sir," sagot ni manang.

Mayaman kami pero pinalaki ako ng mommy na hindi spoiled. Marunong akong magluto ng iba't-ibang klase ng pagkain. Marunong akong maglinis ng bahay at maglaba. Wala naman kasi akong katulong sa sarili kong bahay, lahat ng gawain ay ako ang gumagawa. Pati nga pupu ng mga anak ko ay ako rin ang naglilinis.

"Okay, siguro ay afritada na lang ang iluluto ko," sabi ko at kinuha na ang mga ingredients na gagamitin.

Nagsimula na akong magluto. Patingin-tingin ako sa orasan. Sabi ni Rozzean ay dalawang oras lang siyang matutulog at bababa na. 

"Hmm, tama na ang lasa--

"What's that smell?"

"Ay hotdog!"

Gumawa ng ingay ang nalaglag na sandok sa gilid ng stove. Nang lingunin ko ang nagsalita ay nakita ko si Rozzean na gulo-gulo ang buhok at walang pang-itaas. Tanging ang sweatpants na lang ang suot niya. 

Holy moly. Paano ngang hindi magkakagusto sa kaniya ang mga katulong na papasok sa kaniya kung palagi niyang ibinabalandra iyang katawan niya?!

"Are you done cooking?"

Naalarma ako. Hindi pa naman dalawang oras, ah?

"S-Sir, sabi mo ay dalawang oras bago ka bababa--

Nagulat ako nang maglakad siya palapit sa akin. Natulos ako sa kinatatayuan ko lalo nang sumobra ang lapit niya. Itinukod niya ang kaniyang mga kamay sa magkabilang gilid ko. Napaatras ako dahil sobrang lapit niya!

Ganito ba ang ginagawa niya sa mga katulong niya?! abay talagang mahuhulog sa kaniya! 

"S-Sir, ano bang--

Napasinghap ako nang isubo niya iyong hintuturong daliri niya habang nakatingin sa akin. 

"Hmm... taste good."

Help!