The Billionaire’s Playmate

WARNING mature content. This story is specifically for adults and therefore may be unsuitable for children under 17. This is a work of fiction. Names, characters, business, events and incidents are the products of the author's imagination. Any resemblance to actual persons, living or dead, or actual events is purely coincidental.

Characters :

Thaliana Tangi / Tal-ya-na Ta-ngi

Rozzean Cyron / Ro-zan Say-ron

The Billionaire's Playmate

by: Pennieee

Thaliana Tangi Dela Vezca

"Sa tingin mo ba ay pabata ang nangyayari sa 'yo, Tangi? you are twenty-nine years old!"

Ako si Thaliana Tangi Dela Vezca. Ang bunsong anak ni George Romualdo Dela Vezca. Isang bilyonaryo at maraming mga negosyo sa loob at labas ng bansa. Kilala ang aming pamilya dahil hindi nawawala ang aming apelyido sa richest family dito sa Pilipinas. Hindi lang iyon, dahil napaka friendly ng daddy ko, halos lahat ng sikat na tao dito sa bansa ay kaibigan niya.

At ito nga siya ngayon... pinipilit na naman ako. Usapang pag-aasawa na naman.

I am 29! still young! young pa sa akin 'yon!

Pero ang totoo...

Wala sa isip ko ang pag-aasawa.

"Dad! don't do this to me! bakit mo ako ipapadala sa America? ano naman ang gagawin ko doon? my businesses are here. Dad, buhay ko ang flower shop ko! buhay ko ang mga anak ko!"

Pero makulit ang daddy ko.

"Don't test my patience, Tangi. Matagal ko nang sinabi sa 'yo, get married or live with your grandparents in the States."

I don't know why it is so important to get married? masaya naman ang buhay ko. Masaya akong kasama ang mga alaga kong aso at pusa sa aking bahay. But dad wanted me to get married because he wants to have a grandchild from me!

Hindi pa sapat ang mga apo niya sa tatlo kong kapatid na mga lalake. Nais niya pa ng isa sa akin. Sinabi ko na noon, ayoko, ayokong mag-asawa. Hindi ko naman pinangarap magkaroon ng pamilya o anak--on second thought, my mga anak na ako. Ang mga aso at pusa ko.

"Dad, sa dami ng mga anak ko hindi ko sila madadala lahat sa US saka isa pa paano iyong tatlong branches ko ng Tinatangi? dad naman..."

Sinubukan kong kumbinsihin si dad. Humilig ako sa balikat niya pero mahigpit ang pagkakahulkipkip niya. He's been like this since last month. Ipinipilit niya na mag-asawa na ako.

"Goodness, Tangi! I want real grandchildren! makakausap ko ba ang mga anak na sinasabi mo?"

Napangiwi ako dahil gawain ko iyon. Fur parents can actually talk to their babies. Itong si dad... hay...

"Please, daddy? huwag mo na ipilit. Ang dami mo nang apo kina, Grecion, Grand at kay Griz. Hindi pa ba sapat ang walo mong apo sa kanila?" tanong ko.

Nais ko nang matapos ang usapin namin tungkol sa pag-aasawa. Kailan kaya ako titigilan ng ama ko tungkol dito?

"Thaliana Tangi."

Nagdikit ng mariin ang mga labi ko nang marinig na tinawag niya ang aking buong pangalan. Ibig sabihin ay malapit nang maubos ang pasensiya ng daddy.

Pero ano ang magagawa ko? hindi ko gusto... masaya naman ako sa buhay ko ngayon, isa pa, paano kung ang lalake na makakatagpo ko ay lokohin lang ako?

"Kahit kailan, Tangi, wala ka pang ipinapakilala sa aking lalake. Nais ko nang isipin na iba talaga ang tipo mo. Can you be honest with me, are you bi?"

Bi. Bisexual.

My lips parted. Grabe itong si daddy! hindi lang nagka-boyfriend at ayaw lang mag-asawa bi na agad?!

Tiningnan niya ako ng seryoso, napaatras ako. Okay, Tangi, there's no time for jokes.

"Tell me, be honest with me, are you bi?"

Napapadyak ako sa tanong ni dad. Hindi ko na alam ang gagawin ko sa buhay ko.

"I don't think you are. You are smart, independent and beautiful, anak. Nais kong malagay ka sa maayos na buhay katulad ng mga kapatid mo. Look at them, can't you see how happy they are because of their own family? nais ko rin na maging ganun ka anak. Paano kapag nawala na kami ng mommy mo?"

Napayuko ako. Palagi niyang sinasabi sa akin ito. Sabi niya ay ayaw niya akong maiwan mag-isa, kapag daw nagkasakit ako ay hindi naman ako maaalagaan ng mga tinatawag kong anak. Naiintindihan ko si dad, pero, wala talaga sa isip ko.

"Dad, maayos po ang buhay ko ngayon..."

Nakagat ko ang pang-ibabang labi nang marinig ko ang marahas na pagbitiw niya ng buntong hininga. Mukhang naubos na ang pasensiya niya sa akin.

"Alam ko nang walang mangyayari sa pag-uusap natin na ito, Tangi. Next week, pack your things. Sa ayaw mo at sa gusto ay pupunta ka ng states at doon ka na titira kasama ng lolo at lola mo."

What?

"D-Dad, you can't do this to me. My businesses are here... paano ang mga aso at pusa ko? d-dad naman," sabi ko sa kaniya.

"You pushed me to made this decision, Tangi. Tatawagan ko ang sekretarya ko para sa ticket mo," sabi niya at hinugot ang kaniyang cellphone.

Napatayo na ako, hindi makapaniwala sa nais ng aking ama.

"D-Dad, I can't go."

"You can't? and why?" tumaas ang kilay niya.

Huminga ako ng malalim. This is my last card.

"I-I will try..."

"Pero, dad, hindi ganun kadali maghanap ng lalake sa buhay. Give me some time. Hayaan mong makahanap ako ng tamang lalake para sa akin. I never had a boyfriend, dad. Normal lang na matakot ako makipagrelasyon. Ayokong maloko--

"At sa tingin mo ay hahayaan ko na ang kaisa-isa kong anak na babae ay maloko? Tangi, nakalimutan mo na ba kung sino ka? You are a Dela Vezca, the only daughter of George Romualdo Dela Vezca. Kahit sinong lalake ay matatakot na saktan ka dahil ako ang makakalaban nila."

Wow. Gilas naman, bigla tuloy akong naging proud daughter.

"But never mind, anak. Kung iniisip mo na baka mapunta ka sa kamay ng isang manloloko ay hindi ko iyon hahayaan dahil kilala ko nang lubos ang lalakeng nais kong mapangasawa mo," sabi niya nang ngiting-ngiti.

"W-What?!"

Hindi ako makapaniwala na napatingin sa kaniya. Tumingin siya sa lamesa at may brown envelope na naroon. Kaya naman pala ang lakas ng loob ni dad! mayroon na siyang lalake na nais ipakilala sa akin!

"Bakit hindi mo pa ako diniretsa kanina na may nais ka na pa lang makilala ko na lalake, dad? ang haba-haba ng usapan natin tungkol dito!" sabi ko sa kaniya.

"Dahil kabisado na kita, Tangi. Kailangan ko lang masigurado na papayag ka sa gusto ko," sabi niya sa akin.

Kinuha ko ang brown envelope at binuksan iyon.

"He's Rozzean Cyron Valleje. Matagal ko nang kilala si Rozzean, Tangi, nasisigurado ko na magiging mabuti siyang asawa mo. Lumaki siya sa isang disenteng pamilya, wala siyang record ng panloloko, he's a noble man. Wala akong masabi sa kaniya at talagang hinahangaan ko siya sa negosyo."

Napangiwi ako. Parang sa nakikita kong kislap sa mga mata ni dad, siya itong nais na magpakasal sa Rozzean na 'yon.

"At paano kung lokohin niya ako, dad?!"

Ngumiti siya sa akin at tumayo. Pinantayan niya ang aking tingin at humalukipkip. Kay dad ako nagmana ng ugali kaya talagang sa lahat ng mga anak niya sa akin siya nahihirapan. Katulad niya ay matigas rin ang ulo ko at mapilit.

"Hindi mangyayari iyon, Tangi. Mabuting bata si Rozzean."

"Dad, paano kung lokohin ako? paano pala kung playboy iyan katulad ng mga nababasa ko sa novels?" tanong kong muli.

Nagsalubong ang mga kilay ni dad.

"Sige, if he's a playboy and you prove it to me you can do whatever you want in your life. But, Tangi, that man is not what you think he is, Rozzean is a great man."

Ano ba ang ipinakain ng lalakeng iyon kay dad at bakit ganito na lang ang tiwala sa kaniya?

Pero nakuha ang atensyon ko sa unang sinabi ni dad.

If I prove to him that that man is a playboy, I can do whatever I want in my life...

"Hmmm, okay, but can you give me three months before I meet this person, dad? I just want to prepare myself," sabi ko.

"Three months? ang tagal non, Tangi," sabi niya.

"Dad, I am considering your choice man. Bigyan mo na lang ako ng time for myself. Three months--

"No, two months. Masyadong matagal ang tatlong buwan, Tangi, hindi ko alam kung ano na ang ginagawa mo non, baka mamaya ay mapahiya ako kay Rozzean. I already talked to him about you."

Ibig sabihin ay mas may rason ako upang isagawa ang plano na naisip ko... hmm...

"So... nakausap mo na pala siya, at pumayag siya?" tanong ko.

"He's 33 years old, Tangi, he also want to find a great woman. Nagkausap na rin kami ng mga magulang niya, nais ka na nilang makita."

"Dad, two months, after two months, I will meet them, ayos ba iyon?"

Hindi na kinaya ni dad ang kakulitan ko at tumango na siya.

"Okay, deal," sabi ko at inilahad ang kamay ko. Kinuha naman iyon ni dad.

"Don't do things that will make me mad, Tangi, kilala mo ako," sabi niya.

Ngumiti ako at tumango.

Hindi naman niya ikakagalit ang gagawin ko.

I will just... investigate that man. Ako mismo ang kikilala sa kaniya. At kapag nalaman ko kaagad na babaero siya ay kukuha ako ng ebidensya para ipakita kay dad. Sa ganoong paraan, kapag napatunayan ko na babaero at manloloko ang Rozzean na iyon ay may laya na akong gawin ang kung anong gusto ko sa buhay ko.

Tangi will win this!