Chapter 17 SPG

"Mamayang hapon pa ang meeting namin ng daddy niyo kaya naisipan namin na magsalo-salo tayo ngayon," sabi ni Mommy.

Nandito kami ngayon sa kanilang suite. Alas-sais y media pa lang nang tumawag sila, upang sabihin na sabay-sabay nga daw kaming mag-breakfast. Kung hindi lang malakas sa akin ang mga byenan ko, mas gusto kong matulog lang sana at gumising na lang mamayang hapon.

Alas-tres na yata ng madaling araw nang makatulog ako ng maayos. Ang kulit ni Ivan. Hindi talaga niya ako tinantanan sa pangungulit.

Masakit daw ang katawan pero nakailan din naman siya. Mukha siyang masaya at punong-puno ng energy ngayon. Samantalang pagod na pagod naman ako at mahapdi ang mga mata.

Nakangiti si Mommy habang nakatingin sa kamay kong nakapatong sa mesa, na hawak ni Ivan.

"Ang ganda naman ng simula ng umaga namin ng daddy niyo," sabi ni Mommy habang ang mga mata ay nagniningning.

Mahina akong tumawa at tumingin kay Ivan na malambing na nakatingin sa akin. Pinisil ko naman ang kaniyang pisngi