The CEO's Temporary Wife

Abaca Restaurant, The Terraces, Ayala Center, CebuHalos kalahating oras na ang dumaan. Wala pa rin ang blind date ni MJ. Inip na inip na ito dahil hindi siya sanay na pinaghihintay. Isa pa, masyadong manipis ang suot niyang damit para sa okasyon na iyon. Masyadong malamig sa Abaca, at hindi siya sanay magsuot ng maikling palda at manipis na blusa. Mas komportable siyang nakasuot lang ng maluwang na tshirt at jeans. Wika ng ng kanilang mga kapitbahay. “Sayang si MJ. Maganda sana pero parang tomboy kung kumilos.” Lampake sila. My life, my choice.“Anak ng tinapa at in-nindian ako ng ka blind date ko ah. Eto kasi si Mama, takot na maubusan ako ng lalaki, e wala pa naman akong balak magpasakal, este, magpakasal. Ang kati-kati rin ng pekeng eyelashes na ito. Kinusot niya ang kanyang mga mata nang biglang may tumawag sa kanyang pansin.“MJ Cuenco?” Lumuwa ang mata ni MJ nang makita ang lalaki. Halos kasintanda na ito ng Mama niya. Halos wala na itong buhok, at mangilan-ngilan na rin lang a

Walang paligoy-ligoy itong nagsalita. “Nakatira ako sa Monterrazas de Cebu. I’ll text you the address and you better use Google map or Waze to find it. Also, bring your clothes and things with you.”Napatingin ito sa suot ni MJ. “Better yet, I’ll buy you a new wardrobe.” “Sir? Bibilhan mo ako ng bagong cabinet? Wala ba kayong extrang cabinet sa bahay niyo?”Napatingin ang lalaki sa kanya. “Don’t you understand what I mean?” Napansin nitong naguguluhan pa rin si MJ. Umiling na lamang ang lalaki. “Never mind what I said.”“Dadalhin kita sooner or later sa lolo ko. Make him believe that we are a real couple. Pretend that you are in love with me. Just be careful kasi ang lolo ko ay marunong kumilatis ng tao. Just make him happy. After six months, we will have our marriage annulled.”Iyon lamang at iniwan na siya ng lalaki sa harap ng munisipyo. Humarurot ito palayo sakay ng kanyang Fortuner. “Hindi man lang ako iniwan ng pamasahe pang taxi” maktol ni MJ.Sumakay siya ng dyip at napadaan

Maagang gumising si MJ. Mayroon siyang napakalaking problema. Kailangan niyang pumili ng tamang damit para sa araw na ito. Pagtingin niya sa loob ng aparador, nakita niya ang kanyang mga mumurahing damit na binili sa bangketa at sa ukay. Sa huli, pinili niya ang pinakamahal sa kanilang lahat, isang ukay na damit na pinalakpakan nang husto sa mga fashion shows sa Milan, Italy. Kulay gray ito na may mahabang manggas, at lampas tuhod ang laylayan. Naglagay siya ng kaunting make-up at tumingin muna sa salamin bago lumabas ng kwarto.Bumaba siya ng hagdanan at nakita si Julius na nakatingin sa kanya. Humawak siyang mabuti sa dingding habang bumababa dahil biglang bumilis ang tibok ng kanyang puso. HIndi niya mawari kung anong dahilan nito. Dahil ba hindi siya sanay na magsuot ng high heels? O dahil ba medyo masikip sa kanya ang damit? O dahil ba sa titig ni Julius na hinagod siya ng tingin mula ulo hanggang paa?Ewan. Isang bagay lang ang tiyak. Para siyang prinsesa na bumababa sa hagdan.

Natigilan si Julius. Bahagyang nanlamig ang kanyang kamay nang kunin niya ang chess piece, at pagkatapos ay dahan-dahang ibinaba niya ito."Oo lolo, pinili ko siya sa umpisa dahil magkamukha sila ni Gia. Pero sa ngayon ay mahal ko na siya."Napangiti ng maluwag ang matanda."Mabuti naman at talagang gusto niyo ang isa't isa. Ngayong nakita kitang ikinasal na sa mahal mo, wala na akong maaring hilingin pa sa buhay na ito kundi ang magkaroon ng apo. Bilisan mo at nang mahawakan ko na ang apo ko sa tuhod."Si Mr. Glen Samonte ay mahigit 80 taong gulang na ngayon. Kapag ang mga matatanda ay umabot na sa isang tiyak na edad, ang buong katawan nila ay unti-unti nag pumapalya. Umangat ang mga mata ni Julius mula sa chess board at bahagyang tumango.Samantala, nasa labas ng silid si MJ at kausap ang kanyang nanay-nanayan sa cellphone.“Umuwi ka na rito, suwail na anak at pakasalan mo si Wilson! Malilintikan ka sa akin, babae ka!”“Ma, kagaya ng sinabi ko kahapon. Ayoko! Ayoko! Ayoko!”Nag ai

Nag-usap muna si MJ at Dr. Francis ng ilang sandali, at pagkatapos ay nanatili sa tabi ng kanyang ama hanggang alas-singko ng hapon. Bumili siya ng ilang gulay sa grocery store sa labas ng ospital, at pagkatapos ay sumakay ng dyip pabalik sa bahay ni Julius.Hindi pa rin umuwi si Julius sa bahay kahit tapos na siyang maghapunan. Bumalik si MJ sa kanyang kwarto, naligo, at humiga sa kama para matulog.Sa kalagitnaan ng gabi, siya ay nagising sa pagkauhaw. Bumaba siya kahit antok na antok pa rin, uminom ng isang basong tubig, at pagkatapos ay bumalik sa silid na tulala upang matulog muli.Alas dos na ng madaling araw, at pauwi na si Julius galing sa isang party. Binuksan niya ang ilaw pagdating sa kanyang kwarto at tutungo na sana sa banyo nang may napansin siyang kakaiba. Bigla siyang napahinto at lumingon sa kama.Si MJ, nakabulagta sa kanyang kama, tulog na tulog.Nakasuot lamang ito ng manipis na pantulog na halatang pinaglumaan na. Ngunit hindi sa kalumaan ng damit nakatuon ang pan