Kabanata 7

Nagising si Heather nang may marinig na sermon sa labas ng kanyang silid. “Papasukin niyo ako! Gusto kong kumustahin ang apo’t anak kong si Heather.” 

“Miss Dianne, nagpapahinga po si Miss Heather, maya na lang po kayo—” 

“Hindi, gustong makita ang apo ko, NOW na!” sabi ng matanda kaya napapailing na lamang siya.  Pilit siyang ngumiti nang makita ang galit na mukha ng matanda. 

“Moma, anong ginagawa niyo rito?” 

Inirapan lang siya nito at lumapit sa table upang ilagay ang mga prutas doon. 

“Bawal ko na bang bisitahin ang anak-anakan at apo ko? Kakarating ko lang galing Paris tapos ganito na ang nabalitaan ko? Ayon sa sekretarya kong si Eunice, wala raw ang pamilya mo sa panganganak mo? Nasaan sila? Sa birthday ng kapatid mo? Aba’t kung nakita ko lang sila pinagmumura ko na!” 

Si Moma Dianne ay may-ari ng isang sikat na clothing business sa Pinas. Nakilala niya ito dahil minsan na niyang nasagip ang matanda sa isang heart attack sa kalsada. Kung hindi dahil sa kanya ay baka matagal na itong wala sa mundo. 

At dahil saktong nagpapagaling noon ang kanyang Moma Dianne ay siya na muna ang nag-acting CEO ng kompanya. 

Hindi niya alam kung paano niya nakaya ang trabaho ngunit grabe ang tuwa ng matanda habang nire-report niya ang mga achivements ng kompanya nito. Walang anak si Moma Dianne, pati pamilya ay wala na rin, siya lang ang pinagkakatiwalaan nito at ang sekretarya nitong si Eunice. 

Siya ang naging isang ina-inahan niya na at sobrang naging mabait sa kanya. At kahit nga naka-recover na ito sa heart attack ay siya pa rin ang pinagkatiwalaan ng matanda, nag-resign lang siya sa trabaho niya nang maikasal siya sa kanyang asawang si Cregan. 

Hindi rin alam ng kanyang mga magulang na nagttrabaho siya noon sa isang sikat na clothing business dahil kahit sabihin niya ito sa kanila ay hindi pa rin ito magiging interesado. Sa katunayan, malaki-laki na ang naipon niyang pera sa bangko at dahil iyon sa pagsusumikap niya. 

“Moma naman, huwag kang maingay at natutulog ang apo mo. Tsaka chillax ka lang at baka sumpungin ka na naman ng highblood mo. Sige ka,” pananakot niya sa matanda. 

Ayaw na ayaw pa naman nitong ma-admit ulit sa ospital dahil sobrang boring daw. 

“Kung sumpungin man ako at ma-admit ulit, babalik ka ba sa kompanya? Sinabi ko sa’yo ikaw na lang ang pinagkakatiwalaan ko, matanda na ako Heather, kailangan ko ng tulong mo. Para naman ma-train ka na dahil ikaw naman ang magmamana—” 

Pinutol niya ang sasabihin ng matanda saka umiling. 

“Moma… How many times do I have to tell you na malakas ka pa at pag-isipan mo ng mabuti ‘yang desisyon mo…” 

“Heather, buo na ang desisyon ko. Huwag na nga nating pag-usapan ito, so nasaan na ang gago mong asawa? Kumusta na? Sinabi ko naman sa’yo hindi worth it ang lalaking iyon, ipinagpalit mo ang maganda mong future sa kanya!” inis na sabi ni Moma Diane sa kanya. 

Dahil doon, kumirot ang kanyang dibdib. Tila ba natamaan siya sa sinabi ng matanda. Tama, nabulag nga siya sa kanyang katangahan. Akala kasi niya magiging okay ang lahat, akala rin niya’y matatanggap siya ng kanyang mga magulang ngunit nagkamali siya. 

Napayuko si Heather at kinagat niya ng mariin ang kanyang labi. Pinipigilang bumuhos na naman ang kanyang luha. 

“T-Tama ka, Moma. Mali ako ng desisyon pero ngayon itatama ko na ang lahat. Hindi na rin ako magpapakatanga sa lalaking iyon.” 

Nakahinga ng maluwag ang babaeng matanda nang marinig ang sinabi ni Heather. 

“Hay mabuti naman at natauhan ka na hija. Basta’t palagi mong tatandaan na narito lang ako upang suportahan ka sa lahat ng gusto. Alam mo naman na ikaw lang ang itinuturing kong pamilya ‘di ba?” malambing na sabi ng matanda saka hinawakan pa ang kanyang kamay. 

Magsasalita pa sana si Heather nang marinig nila ang mumunting ungol ng kanyang anak kung kaya’t napatingin sila sa loob ng crib. Mukhang gising na ang kanyang little princess. 

Agad namang nilapitan ito ng Moma Diane niya. Kita ang masayang mukha ng matanda habang tinitingnan ang cute na baby-ng nasa harapan nila. 

“At sino naman itong little cuttie baby na ito? Ako ang Lola Diane mo, baby girl!” 

Kita ang pagngiti ng sanggol habang itinataas nito ang kamay. 

“Peek-a-Boo!” 

Nagulat ang anak niya kung kaya’t malakas itong umiyak. Dahan-dahan niyang kinuha ang little princess niya at pina-dede. 

“Ikaw talaga, Moma. Huwag mong gulatin ang apo niyo tuloy naiyak na,” reklamo niya kaya napa-upo na lang sa sofa ang matanda. 

“Umiiyak ang baby dahil gutom na siya. Ikaw naman, hija. Ano pala ang mga kailangan niyo at tatawagan ko agad si Eugene upang magpabili ng mga kakailanganin.” 

“Huwag na po, Moma. Okay na rin ang lahat, nakabili na ako,” paliwanag ni Heather kung kaya’t tumango-tango ito. 

“Hm… So balak mo talagang makipag-hiwalay sa lalaking iyon?” 

Nawala ang ngiti ni Heather nang marinig ang sinabi ng kanyang Moma. 

“Yes, Moma.” 

“Totoo na ba talaga ‘yan? Baka mamaya mag-backout ka?” 

Dati pa man ay talagang hindi aprubado ng kanyang Moma ang pagpapakasal niya kay Cregan ngunit wala itong magawa dahil desisyon niya naman iyon. 

“Tama nga kayo, una pa lang Moma. Na hindi naman talaga mag-wa-workout ang isang relasyong una pa lang ay wala ng pagmamahalan…” naluluhang sabi ni Heather sa ina-inahan niya. 

“Hay naku, hija. From now own, huwag na huwag ka ng iiyak sa lalaking iyon, okay? So, kailan ka babalik sa kompanya?” tanong nito. 

“Pagkatapos ng recovery ko, Moma. Huwag kang mag-alala, career ko na ang uunahin ko ngayon at kapakanan na rin ng little princess ko…” 

“Paano ang panganay mong anak? Sa ama niya?” tanong ng matanda kung kaya’t tumango siya. 

“Alam mo naman na maki-daddy ang batang yun Moma, ‘di ba?” 

“Kung sabagay, sobrang spoiled na spoiled ang batang iyon sa asawa mo. Anyway kung ano ang desisyon mo ay roon din ako. Kapag naka-recover na ako at gumaling na ang sugat ko, si Nars Karen na muna ang mag-aalalaga kay Baby Erich,” paliwanag ni Heather sa matanda. 

“Kailangan mo pa ba ng mag-aalaga? Magdadala ako bukas ng isang nanny para dalawa na silang mag-aalaga sa inyo—”

“Hindi na Moma. Salamat na lang, maggagastos ka pa,” putol niyang sabi ngunit nagpumilit ang matanda. 

Kumuha pa rin ito ng isang kasambahay na nakatoka sa paglilinis at pagluluto sa condo niya. 

“Sige na, mauuna na ako’t magpahinga ka. Huwag mong kalimutang mag-update sa akin at kung may problema ka tawagan mo agad ako, hija…” 

“Salamat po, Moma…”