3

Klaire's POV 

Kinabukasan, nagising ako ng biglang bumaliktad ang sikmura ko. Agad akong napabangon at mabilis na napatakbo sa banyo para magsuka. 

Halos maiyak ako matapos kong dumuwal. Hindi ko alam kung ilang araw o buwan ko pa titiisin ang morning sickness na ito! 

Pagkatapos kong magsuka ay naghilamos na rin ako ng mukha. Habang nakaharap sa salamin ay agad kong napansin ang maputla kong mukha at ang suot kong damit... I'm wearing Ethan's white t-shirt... Sa sobrang laki ng damit niya ay mukha akong nakasuot ng dress.

Nag-init ang mukha ko ng maalala ko ang nangyari kagabi. 

Gosh!

Pagkatapos kong mag-ayos ay lumabas na rin ako ng banyo. Medyo gumaan-gaan na rin ang pakiramdam ko ng maisuka ko na ang lahat ng kinain ko kahapon.

"Ma'am, p-pinapadala po ni, Sir...." Napalingon ako sa kasambahay na kakapasok lang ng kwarto, may dala siyang baso ng gatas.

Siya rin iyong kasambahay kahapon... Hindi ko pa siya kilala, siya ba ang bagong kasambahay na hi-na-re ni Mommy?

Tumaas ang kilay ko.

"Where is he?" Tanong ko.

Sanay na akong magising na wala sa tabi si Ethan dahil maaga siyang pumupunta sa kompanya. Siya ang CEO ng Roswell Holdings, ang nangungunang kompanya dito sa Asya. 

"N-nasa baba po si Sir, ma'am... Nandoon din po sila Madame..." Kinakabahang sagot niya.

"What?!" Nanlaki ang mga mata ko, "Bakit ngayon mo lang sinabi?!" Natatarantang sabi ko. 

Anong ginagawa ng nga magulang ni Ethan dito?! Sa halos tatlong taon naming pagsasama ay bihira lang pumunta sila Mrs. Roswell dito!

Agad akong nagtungo sa walk-in closet at nagmamadaling pumili roon ng damit na maiisuot. Nagpatulong na rin ako sa kaniya sa pag-aayos.

Sinusuklay niya na ang buhok ko habang iniinom ko ang gatas na dala niya kanina sa harap ng vanity mirror.

Bakit nandito sila ngayon? Hindi ko mapigilang makaramdam ng kaba. Sinabi na ba ni Ethan sa kanila ang tungkol sa pagbubuntis ko?

Kinagat ko ang pang-ibabang labi ko.

"Ma'am, buntis po ba kayo?" Natigilan ako ng biglang magsalita sa likod ko ang aming kasambahay.

Tinaasan ko siya ng kilay sa salamin. Nang makita niya ang ekspresyon ko ay agad siyang napayuko.

"P-pasensya na po, Ma'am! Hindi ko po—" Bago niya pa matapos ang sasabihin niya ay agad ko siyang pinutol.

"Saan mo naman narinig 'yan?" Tanong ko sa malamig boses.

Sinabi ba ni Ethan? 

"W-wala po, Ma'am... N-napansin ko lang po, i-isa po akong midwife..." Kinakabahang sabi niya na ikinatigil ko.

What?!

Midwife siya? Agad akong lumingon sa kaniya. 

"Bakit ka nandito kung gano'n? Si Mommy ang naghire sayo, 'di ba?" Seryosong tanong ko.

Tumunghay siya at hinarap po ako. Kitang-kita ko ang kaba sa ekspresyon niya. God! Bakit ba siya mukhang takot na takot sa akin? Tsk!

"H-Hindi po, si sir Ethan—" hindi niya pa natatapos ang sasabihin niya ng biglang bumukas ang pintuan. Pareho kaming napalingon doon.

Suot ang damit niya pang-opisina, humakbang si Ethan papasok ng aming kwarto. Mabilis na tumibok ang puso ko ng magtama ang tingin naming dalawa bago niya ilipat ang tingin sa katabi ko.

"You may go." Malamig niyang utos sa aming kasambahay. 

"Yes, sir!" Mabilis siyang kumaripas ng takbo palabas ng kwarto. Tumaas ang kilay ko.

"I-ikaw ba ang naghire sa kaniya?" Gosh! Bakit bigla nalang akong nauutal pag siya na ang kaharap ko?!

"Did you sleep well?" Seryosong tanong niya, imbes na sagutin ang tanong ko!

Ngumuso ako bago ako marahang tumango, ngunit ng pumasok sa isipan ko ang ginawa namin kagabi ay mabilis na nag-init ang mukha ko. Pero agad din akong nakabawi ng maalala ko ang pagdating ng mga magulang niya.

Hinarap ko siya.

"Sila T-Tita... anong ginagawa nila dito?" Tanong ko.

__________

Pababa palang kami ng hagdanan ay naririnig ko na ang ingay na nagmumula sa aming dining table. Napakunot ang noo ko. May kasama ba sila Tita? 

Hinarap ko si Ethan, "Sino pang nandoon?" Tanong ko sa kaniya ng makasiguro akong hindi galing kay Mrs. Roswell ang halakhak na iyon. Pero kahit na hindi iyon sa kaniya, pamilyar sa akin ang tawang 'yon...

Nang makababa na kami sa hagdanan ay dumiretso na kami sa kusina.

"Your parents." Simpleng sagot niya nang makapasok kami sa kusina at bumungad sa amin ang mga taong nasa dining area. 

Nanlamig ang tiyan ko.

Natahimik ang lahat at nalipat sa amin ang mga tingin nila. Napalunok ako ng makita ang taong pinakasusuklaman ko.

"Anong ginagawa niya rito?" Mahinang tanong ko sapat lang para marinig ako ni Ethan.

Pero bago pa siya makapagsalita, may nauna na sa kaniya.

"Hi, sis! It's been a while!" Nakangising sabi ni Ayumi. Pinaggigitnaan siya nila Mom at Dad na parehong seryosong nakatitig sa akin.

Kinagat ko ang pang-ibabang labi ko bago ako plastic na ngumiti.

"Hello, Ayumi." Simpleng bati ko sa kaniya. Kitang-kita ko ang pagkabigla sa mukha niya pero peke pa rin siyang ngumiti.

"Hija, maupo na kayo." Napalingon ako sa seryosong ekspresyon ng Mommy ni Ethan. Bahagya akong napalunok bago ako marahang tumango pero bago pa ako makahakbang ay inunahan na ako ni Ethan.

Pinulupot niya ang kamay niya sa baywang ko bago niya hilahin ang upuan ko at maingat akong inalalayan sa pag-upo ko. Tumabi siya sa akin.

Dinig na dinig ko ang katahimikan ng lahat nang putulin ito ni Daddy.

"Bakit mo kami pinapunta dito, Ethan? Pumapayag ka na ba sa business proposal ko sayo?" Lahat kami ay napalingon sa kaniya.

Nilingon ko si Ethan pero halos tumindig ang mga balahibo ko ng makita ang malamig niyang titig kay Dad, kumunot ang noo ko.

Si Ethan ang nagpapunta sa kanila?

"Anong business proposal ang sinabi ni Dad?" Mahinang tanong ko sa kaniya. Pero imbes na sagutin ako ay naramdaman ko ang kamay niya sa hita ko. Pinisil niya iyon.

"Oh, hindi mo pa ba alam, Anak? Ibigsabihin hindi mo pa napipirmahan ang divorce papers?" Nakataas ang kilay na tanong ni Dad.

"What the fuck?!" Ethan cursed under his breath.

"Ethan!" Rinig kong saway sa kaniya ng Mommy niya ngunit para akong uminom ng asido ng malasahan ko ang pait sa lalamunan ko.

"Wife—" Hinawakan ni Ethan ang kamay ko pero hindi ko siya tiningnan.

Diretso ang tingin ko sa aking Ama.

"W-what do you mean, Dad?" Nanginginig ang boses na tanong ko.