Courtship and suspicion

Dalawang araw na hindi pumasok si Xian sa opisina. Sinadya n'ya ito upang lumamig muna ang sitwasyon. Ngayong araw ay makakasama n'ya si Noelle dahil nakatakda ang araw na iyon para sa mga naka-atang na trabaho sa bago n'yang negosyo.

"Good morning!" bati n'ya sa babae nang nadaanan n'ya ito sa lobby na may kausap na isa sa mga empleyado.

"Hello!" tipid na tugon nito.

"May problema ba?" usisa n'ya dahil mukhang seryoso ang pinag-uusapan ng dalawa.

"We can manage," saad ng babae.

Hindi n'ya alam kung umiiwas ba ito sa kanya o sadyang problemado sa trabaho.

"Okay, let me know what I can do to help," tugon ni Xian.

Nabanaag n'ya ang pagtataka sa mukha nito. Alam na n'ya kung bakit. Dati ay umiiwas pa s'ya subalit ngayon ay hindi na.

"Thanks," sagot ni Noelle.

Pumasok na si Xian sa kanyang opisina upang simulan ang kanyang trabaho. Lunch break nang nabulabog s'ya ng mahinang katok sa pintuan. Bumukas ang pintuan at niluwa nito si Noelle. Nakangiti habang may hawak na bulaklak.

"Thanks fo