Gunita

Naging sunod-sunuran si Noelle sa kagustuhan ng mga magulang sa takot na tuluyan s'yang itakwil at madamay ang anak na hindi pa naisisilang. Matinding depression, anxieties at stress ang dulot nito sa kanya. Dagdagan pa ng na-diskubre n'ya na niloloko s'ya ni Kael. Matapos pinalayas ng ama ang asawa sa mansion ay halos ikamatay n'ya ito.

"You don't deserve him! Mabuti na rin iyan na habang maaga ay malaman mo ang totoo na hindi s'ya tunay sa iyo. Kayamanan lang natin ang gusto ng oportunista na iyon kaya ikaw ang napili n'ya na maging biktima. Malas lang n'ya dahil maagap at matalino ang iyong ama kaya agad na nalaman natin ang totoong layunin n'ya," sabi ng ina.

Pinapalubag nito ang kanyang loob ngunit halos ayaw tumigil ang pagdaloy ng luha sa kanyang mga mata. Pinalalabas nito na hindi s'ya mahal ni Kael.

"Hindi ako makapaniwala na magagawa n'ya ito. Ang alam ko mahal n'ya ako at kaya n'yang panindigan ang pagmamahal na iyon. Kahit kailan ay hindi ko naramdaman na kulang ako dahi