Kabanata 5

Matapos kong mag-ayos ng sarili ay nagpasya akong lumabas. Wala pa akong kagamitan sa kwarto kaya hindi pa ako makapagluto ng kakainin ko.

Saktong papalabas na ako nang makaamoy ako ng nilulutong pagkain. Nakaramdam tuloy ako ng gutom.

Plano kong maghanap ng karinderya para doon kumain pero nang nasa tapat ako ng gate, palabas na nang mapagtanto kong karinderya pala ang unang bungad ng gate. Kita ko si Aling Merna na may kausap sa mga kumakain sa loob. Agad akong huminto at sumilip. Saktong pagsilip ko ay nakita ako ni Aling Merna.

Agad niya akong nginitian. “Jessica, hija. Kumain kana ba?” tanong niya.

Nginitian ko rin siya pabalik. “Wala pa po.”

“Dito kana kumain kung ganon. Masarap ang mga pagkain dito.”

Dahil gutom ako ay pumasok na ako. Hindi rin naman gaano karami ang tao sa loob. May bakante pang mga lamesa.

“Sandy, kunin mo ang order ni Jessica,” sigaw ni Aling Merna sa isang tao. Agad na lumapit sa akin ang tinawag niyang Sandy.

“Ano pong sa inyo, ma’am,” nakangiti niyang tanong.

“Kung ano po ang madalas na order-in sa inyo, yon nalang ang order ko.”

Agad tumango ang babae at agad na lumapit sa counter para ipaalam sa loob ang order ko.

Mula sa kinauupuan ko, tanaw ko ang labas. Kita ko ang asul na dagat at ang puting buhangin sa dalampasigan.

At dahil nakamasid ako sa labas, tumaas ang kilay ko nang bigla kong nakilala ang isang lalaking dumaan. Napansin ko agad kasi maraming nakasunod sa kanya, pilit siyang kinakausap.

“Naku, ayan na pala si Darius. Puntahan ko muna ha!” rinig kong sinabi ni Aling Merna at saka niya iniwan ang kausap.

Nagmadali siyang lumabas at bago pa makalayo ang lalaki ay tinawag na siya ni Aling Merna. Medyo malayo sila sa akin kaya hindi ko marinig ang pinag-uusapan nila. Ang mga babae na sumusunod sa lalaki ay tumahimik nang kausap na siya ni Aling Merna.

Kumunot ang noo ko nang mapansin kong tumatagal ang mata ko sa lalaki. Jessica, don’t forget he’s an asshole! Maghihiganti kapa!

Mabuti nalang at biglang dumating ang order ko kaya nabaling ang attention ko roon. Lalo pa nang maamoy ko ang pagkain. Mas lalo akong natakam kaya nakalimutan ko ang tinitignan ko sa labas.

I was so full when I’m done eating. Tama nga si Aling Merna at masarap nga talaga ang pagkain dito. Mukhang hindi ko na kailangan pang magluto kong ganito kasarap ang pagkain dito.

Magbabayad na ako ng order nang dumating si Aling Merna. Ako agad ang pinuntahan niya.

“Tapos kana kumain?” gulat niyang tanong nang makita niyang wala ng laman ang plato ko.

Ngumiti ako at saka hinipo ang tiyan. “Gutom po kasi ako at saka masarap po ang pagkain… kaya mabilis kong naubos.” Tumawa ako ng mahina.

Masasalita pa sana siya nang bigla kaming napatingin sa labas. May tumili na namang mga babae. Tumaas ang kilay ko nang makita kong si Darius na naman ang tinitilian nila.

“Itong si Darius talaga ay palagi nalang pinapatili itong mga babae,” tumatawang sabi ni Aling Merna.

“Bakit po? Sino po ba siya? Mangingisda lang naman yan.”

Agad na tumawa si Aling Merna nang marinig niya ako. “Naku hija. Mangingisda nga lang yan pero ang daming nagkakagustong babae. Pati ang mga propesyonal at may tinapos na taga rito ay papatulan yan. Huwan ka!”

Patago akong umirap para hindi ako makita. Halatang fan si Aling Merna ng lalaki. Kung ako ang propesyonal ay hindi ako papatol sa isang mangingisda. Tapos wala pang mudo! Inconsiderate! Immature!

“Taga dito po ba yan?” tanong ko nalang.

“Oo, hija. Bakit mo tinatanong? May gusto ka rin sa kanya?” nakangising tanong sa akin ni Aling Merna.

Muntik na akong matawa. Buti at napigilan ko. “Naku wala naman. Tinatanong ko lang po.”

Nang may tumawag kay Aling Merna ay nagbayad na ako sa counter. Pagkatapos ay lumabas na ako. Sa labas pa lang, napangiti ako nang sumalubong sa akin ang malamig na simoy ng hangin. Tinatangay niya ang nakalugay kong buhok.

Lumapit ako sa dalampasigan. Ang asul na dagat ay nagpapa-relax ng isip. Perfect para sa pagmumuni muni ko. I just hope na kapag bumalik na ako sa Manila ay nakalimutan na nila ang nangyari sa party!

At dahil naisip ko ang party, bigla kong naalala kung gaano ako katanga sa party na yon. Sa center pa ako nakatayo! Tapos…

Agad akong umiling. Sinikap kong huwag ng isipin ang nangyari.

“Jessica, it already happened. It’s in the past – It doesn’t exist anymore. It's just now a memory!” pag-alu ko sa sarili.

Sa hindi kalayuan sa kinatatayuan ko ay may rock formation doon. Hindi naman kataasan at parang magandang puntahan. Dahil wala naman akong gagawin ay nagpasya akong puntahan yon. Habang maglalakad ako ay may nakikita akong mga bangkang paparating. May mga sakay na tao. I realize then that some are foreigners. That explains why there are souvenir shops scattered around the place.

Mabilis ko lang naakyat ang rock formation. Kumpara sa dalampasigan, mas tanaw mo sa taas ang kabuuan ng isla. Sa kabilang dulo ng rock formation ay may mga taong naglalangoy pero masyado silang malayo.

Lumapit ako sa dulo kung nasaan ang dagat para sumilip sana. Kaya lang ay saktong pagtingin ko sa baba ay nakita ko si Darius. Nilalapag niya ang tuyong damit niya at pantalon sa isang bato bago siya nag-dive. Agad akong tumingin tingin sa paligid. Nang makita kong walang nakakakita ay agad akong bumaba kung saan niya pinatong ang tuyong damit niya. Mabilis ko yong hinagis sa dagat bago nagmadaling umakyat ulit para makaalis na.

Kabado pa ako nang pababa ako ng rock formation kasi baka madulas ako sa pagmamadali pero nang nakababa ako ng payappa ay agad akong tumawa. Kulang pa yon sa ginawa niya sa akin pero okay na din yon. At least may nagawa ako!

Bumalik ako sa karinderya para sana magtanong kung may mabibilhan dito ng mga sabon at skincare nang marinig kong tumili ang dalawang babaeng nakatayo malapit sa karinderya.

Agad kong tinignan ang tinitilian nila at nakita kong si Darius yon. Naglalakad siyang basa patungo sa kanila. Bigla akong kinabahan pero alam ko naman na hindi niya ako nakita. Kaya baka sa dalawang babae talaga.

Tumalikod ako at hinanap si Aling Merna nang biglang may humatak sa akin. Agad akong napalingon dahil sa rahas ng pagkakahila sa akin.

Nang makita ko ang mata niya ay masyadong madilim at halatang galit!

Agad kumalabog ang puso ko. “Uhm, anong kailangan mo?” kinakaban kong tanong.

I swear he didn’t see me. Walang nakakita sa ginawa ko kaya bakit siya nandito?

“You're gonna pay for what you did!” bulong niyang nagbabanta!

…