Chapter 11: SHE' S DATING!

Walang nagawa si Prim. Pinagbigyan niya si Fernan na lumabas silang dalawa. Pinaghandaan naman niya ang kanyang pakikipag-date rito kahit medyo hindi palagay ang kanyang kalooban. Mabilis na dumating ang araw ng Linggo at ipinaalala ni Fernan ang date nila.

“I’ll fetch you at around 6PM,” text message nito kay Prim, habang tumitingin ng isusuot para sa kanyang pag-alis.

“Balita ko ay may date kayo ni Fernan,” usisa ng tita habang nasa kuwarto nito at dala ang hamper ng mga bagong labang damit.

“Nai-chika po ba sa inyo ng mga bata?” Madalas si Matthias lang naman ang madaldal sa kanila at dakilang storyteller talaga.

“Alam mo naman si Matthias. May maitatago ka pa ba sa bibig ng anak mo?”

“Ewan ko po ba doon at kung anong naisip. Nagpapasamang kumain sa labas.”

Maagang naghanda sa sarili si Prim. Ayaw niyang paghintayin si F