Prologue

Mula sa munting butas ng pinto nakasilip ang mga inosenteng mata ni Kayla. Hindi niya mawari kung ano ang nangyayari sa labas matapos siyang pagbilinan ng ama na huwag lalabas kahit na anong mangyari.

“Kayla, h’wag na h’wag kang lalabas ng pintong ito, maliwanag? Babalik ang daddy.”

Impit at sigaw ang mga naririnig ni Kayla mula sa loob. Muli siyang sumilip at nakitang nakatutok ang baril ng binata sa ulo ng ama. Rinig niyang nagmamakaawa ito ngunit hindi man lang pinakinggan ng binata.

Sa halip ay pinutok nito ang gatilyo dahilan upang bumagsak ang ama. Dumaloy ang dugo sa makintab na sahig habang nakatingin ang ama sa kinaroroonan niya.

Napasinghap ang walong sampung taong gulang na si Kayla at tahimik na umiiyak. Biglang lumingon ang binata sa kinaroroonan niya at dahan-dahang naglakad. Malakas ang kabog ng dibdib ni Kayla habang papalapit ito.

Maliliit na mata ngunit matalim ang titig. Tila wala itong sinasanto… kahit sino ka man. Subalit, tinawag ang binata ng kung sinuman sa labas dahilan upang tumigil ito. Sumulyap ito saglit at iniwan ang bahay nila.

Doon lamang nakahinga ng maluwag si Kayla. Ngunit hindi rin nagtagal ay nawalan siya ng malay dahil sa masikip na aparador na pinagtataguan niya.

Dalawang taon ang lumipas, palipat-lipat ng bahay-ampunan si Kayla. Tumatakas siya sa ampunan dahil ayaw niyang may kumuha sa kan’ya. Hanggang sa kalagitnaan ng pagtakas, kamuntikan na siyang mamatay at sinagip ng isang lalake na kamukhang-kamukha ng ama niya.

“U-Uncle? Uncle Fabio.”

Lingid sa kaalaman ni Kayla na simula ng gabing yaon, magbabago ang takbo ng kan’yang buhay.

***

The Forgotten Wife of Gavincci

Written by: Serene Santelle

Genre: Romance, Mafia