CHAPTER 42

“SHE’S here na!”

Nagulat si Erika sa biglang paghampas ni Veron sa kaniyang braso habang nagsa-sunbathing sila sa gilid ng pool. Kasalukuyan silang nasa resort and cabin kung saan naroon din si Monica. Kahit may kamahalan ang day tour sa lugar na iyon ay talagang tumuloy pa rin sila upang maisakatuparan ang pinaplano nila kay Monica upang mas lalo siyang sumikat at kaawaan ng netizens.

Day tour lamang ang kinuha nila dahil iyon lang ang kaya nila. Kaya kailangan ay maisagawa na nila ang kanilang plano dahil pagsapit ng ala-sais ng gabi ay kailangan na nilang umalis. Open cottage lamang ang meron sila at wala silang room.

Sa pagkakaalam nila at base sa reservation slip na nakita nila sa social media ni Monica ay nasa isang private cabin ito. Ang mga private cabin ay nasa paligid ng malaking lawa at may kalayuan pa iyon sa kinaroroonan nila.

“Aray ko! Pwede mo naman akong tawagin nang hindi mo ako sinasaktan!” Maarteng turan ni Erika sabay tingin sa cellphone ng kaibigan.

Nakita ni