CHAPTER 43

HINDI na kinakaya ni Monica ang tila pag-iinarte ni Erika. Talagang kailangan na nitong umalis ng cabin niya at pagkatapos ay tatawag siya sa staff upang i-secure nang maigi ang paligid niya at baka bumalik pa ang babaeng iyon na parang nasisiraan na yata ng bait.

Malakas niyang hinila si Erika papunta sa hagdan. Medyo nagwawala na ito at sumisigaw na nasasaktan ito. Hindi naman ito masasaktan kung hindi ito nagpupumiglas.

“Shut up!” sigaw ni Monica ngunit mas lalong nagsisigaw ang babae.

Talagang akala mo ay intensyunal ang pananakit na nararanasan nito mula sa kaniya. Kung hindi niya kasi ito pupwersahin ay hindi siya magtatagumpay na hilahin ito.

Nang nasa unang steps na siya ng hagdan ay kumapit si Erika sa barandilya upang mas mahirapan siya sa paghila rito. “Let go and get out!” Nanlilisik ang matang asik niya sa babae.

“Please, Miss Monica! Isang picture lang! `Wag niyo naman pong ipagdamot iyon sa akin lalo na’t ikaw po ang nagpapunta sa akin dito—”

“That’s a lie! Ba