KULANG na lang ay lumipad si Monica sa bilis ng kaniyang pagtakbo. Wala na siyang oras para lumingon pa dahil ang tanging nasa utak niya ay ang makaalis sa lugar na iyon. Walang tigil ang ingay ng sirena ng police car sa paligid. Wala siyang ideya kung nasaan na ang mga pulis ngunit hindi pa rin dapat siya huminto.
Hinding-hindi kita mapapatawad sa pagtraydor mo sa akin, Ambrose! Gigil na turan ng utak ni Monica.
Tuloy lang sa pagtakbo si Monica hanggang sa natanaw na niya ang kotse nila ni Milagros. Kaunti na lang. Malapit na siyang makaalis sa lugar na iyon. Pagkalapit niya sa sasakyan ay agad niyang binuksan ang pinto sa tabi ng driver’s seat at mabilis na pumasok sa loob.
WALANG pagsidlan ang kabang nasa dibdib ni Milagros habang nasa loob ng kotse at hinihintay ang pagbalik ni Monica. Hindi siya humihinto sa pagdarasal na sana ay makuha nito ang per
“PATAY na at hindi na makilala dahil nasunog ang buong katawan nang matagpuan ang suspek sa pagpatay kay Erika Salumbides na si Monica Montealta. Ayon sa mga pulis ay nakahinto sa gilid ng Zigzag Road sa Pagbilao, Quezon ang kotse ni Miss Montealta kaninang madaling araw. Wala sa tamang lane ang kotse kaya isang truck ang sumalubong at bumangga sa kotse ni Miss Montealta na naging dahilan para mahulog ito sa bangin at magkaroon ng pagsabog na siyang naging sanhi ng kamatayan nito. Sa ngayon ay dinala na sa isang punerarya ang bangkay ni Miss Montealta at ang nais ng kaniyang ina na si Valentina Montealta ay ipa-cremate na agad ang katawan ng namayapa niyang anak. Inaalam pa rin ng pulisya ang kinaroroonan ng babaeng kasama ni Miss Montealta na kinidnap niya. Ang babaeng ito ay nagngangalan na Milagros Perante.”Ang balitang iyon ang agad na bumungad kay Ambrose pagkabukas niya ng telebisyon sa umaga na
MAKALIPAS ang ilang sandali ay nagawa ni Martin na kumalma. Si Noel ang unang lumapit sa kaniya at humingi ito ng tawad sa kaniya. Minsan daw talaga ay hindi nito naiisip nang maayos ang mga sinasabi at aminado ito na mali ang nasabi nito. Humingi rin ng pasensiya si Martin kay Noel dahil naging bayolente ang reaksiyon niya at muntik pa niya itong mapatay.Naging okay na ang lahat sa pagitan nila ni Noel at importante iyon dahil sa magkatrabaho silang dalawa. Hindi maganda na meron silang hidwaan tapos palagi silang nagkikita dahil sa trabaho. Maganda na agad na naplantsa ang gusot sa pagitan nilang dalawa.Napakabagal ng pag-usad ng oras para kay Martin ngunit siniguro pa rin niyang maayos niyang nagagawa ang kaniyang trabaho. Sa tuwing mababakante ang utak niya ay si Milagros ang agad na pumapasok doon. Nababahala siya sa kung ano na nga ba talaga ang totoong lagay nito at kung nasaan na ba ito. Hiling niya na sana
ANG totoo, hindi nagbalik si Valentina sa kaniyang silid upang magpahinga at hindi rin totoo na pagod siya dahil inasikaso niya ang cremation ni Monica. May mga tao siyang inutusan upang gawin ang bagay na iyon. Kinailangan niya na magpunta na sa kaniyang silid dahil napapagod na siyang umarte at magpanggap na nagluluksa sa pagkamatay ng kaniyang anak.Kung pwede nga lang sana na huwag na niya iyong gawin ngunit hindi maaari. Magtataka ang mga tao kapag hindi siya nakitang umiiyak at kailangan niya rin ang exposure na iyon para sa nalalapit na pagiging governor niya ng Plaridel.Dapat isang mabuting ina ang maging tingin ng lahat sa kaniya upang sa mga susunod pang eleksiyon ay kuhang-kuha niya pa rin ang puso at boto ng nakakarami. Ang dapat niyang isipin ay ang long term na mapapakinabangan niya. Kailangan niya na magkaroon ng mataas na posisyon sa pulitika upang mabigyan niya ng mas malakas na proteksiyon ang kani
MARAHANG bumukas ang mga mata ni Valentina nang bumalik na sa kasalukuyan ang kaniyang diwa. Pinakiramdaman niya ang sarili kung may pinagsisisihan ba siya sa kaniyang ginawa. Wala. Walang-wala. Para sa kaniya ay ginawa lamang ng isang ina ang dapat nitong gawin upang maprotektahan ang kaniyang anak. Lalo na’t nag-iisa niyang anak si Monica.Oo, kulang siya sa oras dito at aminado siyang hindi siya naging isang ina rito. Ngunit sa pagkakataon na ito ay naisip niya na ito na ang chance niya upang makabawi sa lahat ng pagkukulang niya kay Monica.Tinapos na ni Valentina ang pagbabad niya sa bathtub. Nagbanlaw na siya at nagsuot ng bath robe bago lumabas ng bathroom. Humarap siya sa malaking vanity mirror at matiim na tiningnan ang sarili sa salamin.Napatulala na lang siya habang nagpatuloy sa utak niya ang mga kadugtong ng mga pangyayari kung paano nila nailigtas ni Rico si Monica…
TALAGANG pinagkaguluhan ng mga reporter ang pagdating ni Valentina ngunit nakiusap ito sa mga reporter na huwag muna siyang guluhin at ang kasama nitong lalaki na hindi alam ni Martha kung driver o bodyguard ba nito iyon. Naintindihan naman ng mga reporter si Valentina at hindi na nangulit ang mga ito na interviewhin ang susunod na governor ng kanilang bayan.Ngunit patuloy pa rin ang mga camera sa pag-video at picture kay Valentina na simula nang dumating ay hindi na naalis ang malaking ngiti. Si Martha na tuloy ang nangangalay para rito.“Kayo talaga… Hindi ko na nga ipinaalam kahit kanino itong lakad kong `to pero nalaman niyo pa rin. Ang galing-galing niyo talaga!” Nagbibirong sabi ni Valentina sa mga reporter.Ano kayang ginagawa ng babaeng ito rito? Tanong ni Martha sa sarili.Ang totoo ay hindi niya gusto si Valentina dahil mas gusto niyang manalo bilang governor ang d
MAG-ISANG naglalakad si Valentina sa gitna ng sementeryo ng gabing iyon. Malamig ang hangin na yumayakap sa kaniya at nanunuot ang lamig sa kalamnan niya dahil manipis na pulang pantulog lamang ang kaniyang suot. Wala siyang sapin sa paa kaya alam niyang basa ang bermuda grass na nilalakaran niya. Hindi niya alam kung umulan ba roon kanina o dahil iyon sa hamog.Wala siyang ideya kung bakit siya naroon sa lugar na iyon at kung paano siya napunta roon. Patuloy lang si Valentina sa paglalakad hanggang sa may napansin siya sa hindi kalayuan na isang hukay.Nagkaroon siya ng kagustuhang malaman kung anong meron doon kaya tinungo niya ang hukay at nagulantang siya nang makita sa hukay si Martha at naghuhukay gamit ang mga kamay! Halos maligo na ito sa lupa at putik. Ang mas nakakagulat pa ay nang may hinila itong kamay at mula sa ilalim ng lupa ay hinugot nito ang bangkay ni Milagros na naaagnas na.
MAKALIPAS ang tatlong taon at ilang buwan…“Martin! Sandali! Makakalimutan mo na naman `tong baon mo!”Palabas na sana si Martin ng bahay nang marinig niya ang pagsigaw ng kaniyang nanay. Paglingon niya ay papalapit ito sa kaniya na dala ang lagayan ng baon niya sa trabaho. Agad niya iyong kinuha rito at nagpatuloy na sa pag-alis matapos na muling magpaalam sa kaniyang ina.Sa loob ng tatlong taon ay marami na rin ang nangyari ngunit ang puso at isip niya ay hindi pa rin tumitigil sa pag-asam na mahahanap pa rin nila si Milagros. Bagaman at tila huminto at sumuko na ang kapulisan sa paghahanap sa kaniyang asawa ay hindi pa rin siya tumitigil sa pag-asam na isang araw ay bigla na lang bubulaga si Milagros sa bahay nila. Hangga’t nararamdaman ng puso niya na buhay pa si Milagros ay hindi mapapatay ang pag-asa na meron siya.Sa loob ng tatlong taon ay wala
NAGTAASAN ang balahibo ni Valentina sa sobrang kilabot na naramdaman niya nang makita niya na kuhang-kuha ni Monica ang mukha ni Milagros. Maging ang kulay ng balat nito ay kagayang-kagaya sa babaeng iyon. Hindi tuloy nakakapagsisisi na naglabas siya ng ilang milyong piso para lamang makuha niya ang ganoong resulta.Sa labis na pagkamangha ay hindi niya napigilan ang sarili na lumapit sa anak at hawakan ang mukha nito. “Walang mag-aakala na hindi ikaw si Milagros!” bulalas niya.“Kamukha ko na ba talaga si Milagros, mama?” tanong ni Monica.Tumango siya habang nakanganga. “O-oo! Ikaw na ikaw siya!” Dumako ang tingin niya kay Dr. Perez. “Great job, Dr. Perez! Pinahanga mo ako at ng team na kinuha mo para magaya ang mukha ni Milagros. Dahil diyan ay bibigyan ko kayo ng malaking bonus!”“My pleasure, madam! Hayaan mo at makakarating ang mga sinabi mo sa