Kabanata 24

“Aldrick.”

Nilapitan ko si Aldrick na kasalukuyan na nakatanaw ngayon sa swimming pool. Simula ng hindi inaasahan na paghaharap namin nila Colton ay madalas na siya na walang imik at tahimik na lamang.

Kagaya na lamang ngayon na pagkatapos niya na magtrabaho ay agad siya na dumiretso rito habang inasikaso ko pa si Ashira at pinatulog.

Sa mga nakalipas ay ginusto ko rin na magkaroon ng ilang sandali na kapiling si Ashira Coline. Iyon kami lamang dalawa. Aaminin ko na napuno ako ng takot lalo na nang makita ko ang mga tingin na iginawad ni Colton kay Ashira.

Alam ko na kahit paano sa ekspresyon ng mukha niya ay may mga katanungan sa isip niya lalo na at nakakahawig niya si Ashi. At ang katotohanan sa mga naibunyag ni Kane sa kan’ya ay ang pinakalubos ko na kinatatakutan.

“Babe.” sagot ni Aldrick sa akin kahit ang mata ay patuloy lamang na nakatanaw sa malalim na tubig ng swimming pool.

Lumapit ako at yumakap sa kan’ya. Hindi siya kumilos o nagsalita man lang. At lalo ako na hindi m