52 - Ganti Ng Isang Gangster

Ang bata naman ay nangingilid ang luha habang nanghihingi ng sorry, "Pasensya na po kung nadumihan ang damit mo. Hihingi lang po sana ako ng pambili ng pagkain." Patuloy pa din sa pagluha ang bata.

Napangisi naman ang babae. "Pera, para sa pagkain mo? Anong akala mo sa akin bangko para humingi ng pera sa akin." Namumula na ang braso ng bata dahil humigpit pa lalo ang pagkakahawak ng babae.

Mabilis na lumapit si Adira sa kanila.

"Anong ginagawa mo sa bata?"

Tiningnan naman siya ng babae mula ulo hanggang paa. "Puwede bang huwag kang maki-alam dito." Galit nitong saad.

Napataas naman ang kilay niya sa ugali ng kaharap niya. "Bakit hindi mo muna bitawan ang braso ng bata? Nakikita mo naman na namumula na ang braso niya sa pagkakahawak mo." Nakakunot na ang noo niya.

Binitawan nga ng babae ang braso ng bata, pero tinulak naman nito, kaya napa-upo ang bata at hinala ni Adira ay masakit 'yon.

Nagsalubong na ang kilay niya sa ginawa ng babae. Tinabi niya muna ang plastik na hawak niya