Chapter 7

Nagulat si Elena nang mapagbuksan kinaumagahan si Farah.

"Surprise! I bought you a cake-” Natigilan si Farah nang malaman na si Elena pala ang nasa harapan. “Oh.”

Hindi na siya nakapagsalita nang humakbang papasok si Farah sa loob. Tahimik ang mansyon. Umingay lang sa pagdating ni Farah.

Hindi siya pinansin ni Farah at nagtuloy na sa taas na parang sariling bahay ang pinasok nito. Walang pakundangan na nagtungo ang babae sa silid ni Hector.

Paalis na rin naman siya kaya pinili niya na lang na iwan ang dalawa sa bahay. Tiyak na gusto rin iyon ni Hector. Gusto ng lalaki si Farah. Kaya hindi na siya magtaka kung may mangyari sa dalawa. Wala rin naman siyang pakialam. Nandito lang naman siya dahil kailangan niyang magkunwaring fiancee ni Hector.

Sumakay siya ng bus papuntang hospital. Kaya lang sa bus natigilan siya nang may mamukhaan.

Namilog ang mata niya.

Si Luigi. Ang crush niya. Trabahante rin noon sa kainan si Luigi. Magkasabay silang nag-apply noon at malapit ito sa lahat ng babaeng katrabaho nila. Cute, gwapo, lalaking lalaki at mabait din kaya maraming katrabaho nito ang nagkagusto rito. Isa na siya doon. Hanggang ngayon, hindi pa rin alam ni Luigi ang feelings niya dito.

Napayuko siya at sinikap na itago ang mukha. Hindi naman yata siya nakikilala nito. Matagal na iyong panahong magkasama sila sa trabaho. Tiyak nakalimutan na siya nito.

“Elena?”

Nagulat siya nang banggitin nito ang pangalan niya. Namilog ang mata na binalingan niya ang lalaking nasa tabi.

Hilaw at nahihiyang nagbitiw siya ng ngiti.

“Ah, h-hi,” aniya sabay angat ng bahagya sa kamay para sa ‘hi’.

“Kumusta. Ang tagal na'ting hindi nagkita.” Sabay akbay sa kaniya na ikinainit ng mukha niya.

Kaya nami-misinterpret ito ng mga babae noon dahil touchy si Luigi at palangiti. Dagdag mo pang gwapo rin.

“A-Ayos lang. Ikaw pala 'yan.” Nahihiya niyang sambit sabay yuko.

"Saan ka na nagtatrabaho ngayon?” usisa nito.

Natigilan siya. Paano niya ba sasabihing isa na lamang siyang taga aliw ng bored na mafia na pinagkautangan ng Papa niya?

Mafia na gustong maghiganti sa ex nito dahil di maka move on.

"Sa Restaurant pa rin ba?" Kalaunan ay naitanong ni Luigi dahil di na siya makapagsalita.

"Ah, o-oo. Sa restaurant pa rin." Nilakipan niya pa ng pilit na ngiti.

"Oh, sa ibang restaurant?"

Tumango siya. Hindi naman sila close ni Luigi. Pero kung makapagtanong ito, wagas.

Hindi sila masiyadong close dahil... hindi siya iyong tepo ng taong makikipag-close sa taong gusto niya.

Nang makababa sila sa bus ay nagulat pa siya nang habulin siya ni Luigi.

“Pwede bang makuha ang number mo? Kung... ayos lang?” medyo alanganin pa si Luigi nang sabihin iyon.

Napanganga siya. Sinong hindi magugulat kung ang long time crush mo hihingan ka bigla ng numero?

“Baka lang bored ka at nagkataon na may lakad kami. Sama ka namin minsan. As a friend...”

As a friend.

Tila nag echo iyon sa isipan niya. Asa pa ba siyang magugustuhan din nito? Ano bang ini-expect niya? Na kukunin nito ang numero niya tapos liligawan siya? Parang gusto niyang pagtawanan ang sarili.

Nakakahiya ka, Elena. Kastigo niya sa sarili.

“Ah, oo sure...” aniyang sinabayan ng tipid na ngiti.

Tiyak may girlfriend na naman ito. Kada taon paiba iba ang girlfriend nito. Minsan hindi umaabot ng isang taon.

“Call you later!” ani Luigi at kumaway saka umalis na.

Nakarating na siya ng bahay nang biglang tumunog ang phone niya. Inasahan niyang si Luigi iyon.

“Hello? Luigi?”

“What the fvck are you talking about?” boses ng galit na si Hector ang pumailanlang sa kabilang linya.

“Uh, sorry. Akala ko...”

“Umalis ka kanina.” anito iritado pa rin.

“Nandiyan si Farah. Ayokong isturbuhin kayo.” Napalunok siya at agad kinabahan.

“And you don't wear the ring. Iniwan mo dito.”

“H-Hindi naman kasi akin iyon. Nagtaka ako kung bakit nasa daliri ko.” Nakagat niya ang ibabang labi.

“Damn it, that's yours!”

Napakurap kurap siya sa bulyaw ni Hector. Natataranta na bumaba ulit siya. Naka-short at sando lang siyang umalis. Usually, nakasuot siya ng maong at maluwag na shirt. Pero dahil sa pagmamadali hindi niya na napansin ang suot.

Natatakot siyang baka may gawin na naman ito sa kaniya kapag hindi niya nasunod ang gusto nito.

“Paparating na ako-”

Naputol ang sasabihin niya nang ibaba na lang bigla ni Hector ang tawag. Nag-taxi siya para lang makarating agad sa mansyon ni Hector.

Nagmamadali siyang umakyat sa silid ni Hector at sumalubong sa kaniya ang nakakunot noong si Hector. May dilim sa mukha at nasa kamay ang singsing na sinasabi nito.

“Pasensiya na. Hindi ko alam na kailangan kong suotin iyan. Hayaan mo at susuotin ko iyan araw araw." Humihingal niya pang paliwanag dito.

“Who's Luigi?”

Namilog ang mata niya.

“H-Ha?”

Napalunok siya. Paano niya sasabihin ang tungkol kay Luigi?

“Boyfriend mo?” umangat ang kilay nito nang itanong iyon.

Wala itong suot pang itaas. Kita ang tattoo nito sa dibdib na gumagapang tungo sa leeg. May nagiisang hikaw sa kabilang tainga si Hector na agaw pansin sa tuwing gagalaw ito.

Umigting ang panga nito nang hindi siya agad makapagsalita.

“Do I need to call my assassin to look for that fvcking Luigi?”

Namilog ang mata niya. Bakit magha-hire ito ng mamamatay tao para kay Luigi? Wala namang ginagawang masama iyong tao.

“Singsing ang pinunta ko dito. Bakit nasali sa usapan si Luigi?”

“Coz I'm your fiance. At wala kang karapatang magkagusto sa ibabang lalaki habang tayo pa.” Malamig at mabigat ang boses nito nang sabihin iyon.

Nakagat niya ang ibabang labi. Huwag mo sabihing lahat ng taong mapapalapit sa kaniya ay mapapahamak dahil sa kademonyuhan ni Hector.

Maging si Luigi.

Tumayo si Hector at humakbang palapit sa kaniya.

Mabibigat ang mga hakbang nito palapit sa kaniya. Dumungaw ito sa kaniya nang makalapit na sa kaniya.

Mas nadipena ang laki ng katawan at tangkad ni Hector nang makalapit ito sa kaniya. Halos tabunan ng pigura nito ang pigura niya.

Gusto niyang umatras pero hawak siya nito sa baywang. Napasinghap siya nang hawakan nito ang kamay niya at hinawakan ang palasingsingan niya.

Dahan dahan nitong pinadausdos sa daliri niya ang mamahaling singsing.

“Habang nasa poder kita. Akin ka... Elena.” paanas nitong bulong sa kaniya na nagbigay ng sikip sa dibdib niya.