Chapter 4

"Let's get married," walang emosyong sabi ni Everett habang hawak ang isang velvet box na may lamang singsing.

Hindi naman ako kaagad nakasagot kaya naman lumapit siya sa akin at isinuot ang singsing sa daliri ko.

Hindi pa rin nagpo-proseso sa akin ang nakita ko nang bigla siyang nag-snap ng daliri sa harapan ko.

"Hey, are you f*cking okay?" nakakunot noong tanong niya sa akin. Agad naman akong tumango.

"That's an engagement ring. I'll give you the wedding ring later after we got married," sabi pa niya bago naglakad pabalik sa mesa niya.

Napalunok naman ako at napatingin ulit sa singsing na nasa daliri ko.

"Take care of it. It's a round brilliant cut diamond ring. Don't sell nor put it on a pawn shop to pay off the debts of your parents," sabi ni Everett habang nakaupo at nakatingin sa isang folder sa ibabaw ng mesa niya.

"K-Kailan tayo ikakasal?" tanong ko. Halos masamid ako sa sarili kong laway sa tanong kong 'yon.

Muli akong napalingon sa singsing na nasa daliri ko. Paniguradong mamahalin ang isang 'to. Hindi biro ang laki, at bigat niya sa kamay ko. Paniguradong kung isasangla o ibebenta ko nga 'to ay mababayaran ko ang lahat ng utang namin.

Napahinga ako ng malalim. Gusto ko mang gawin 'yon ay naunahan na ako ni Everett. Mukhang naisip na niya na baka nga gawin ko ang bagay na 'yon.

Muli ko siyang tinignan bago ako naglakad papalapit sa mini sala na nandito sa opisina niya.

Sa totoo lang, hindi ko alam kung dapat ba akong maging masaya na nakahanap na ako ng trabaho, basta ang alam ko, kailangan ko 'tong gawin para kay Kaleigh.

Hindi ko alam kung ilang minuto o oras na ang lumipas na nakaupo lang ako sa mini sala niya nang bigla siyang nagsalita.

"Let's go," narinig kong untag ni Everett bago mabilis na naglakad papunta sa pinto. Agad din akong tumayo at sumunod sa kan'ya.

"Saan tayo pupunta?" tanong ko sa kan'ya sa gitna ng paglalakad namin.

Hindi naman siya sumagot, pero mabilis niya akong nilingon bago ipinagpatuloy ang kan'yang paglalakad. Napahinga naman ako ng malalim bago rin ako nagpatuloy sa paglalakad.

Patuloy lang akong naglakad kasama si Everett hanggang sa nakarating kami sa main hall. Pansin ko lang din na kanina pa kami pinagtitinginan ng mga tao, kanina pa rin ako tinitignan ng mga nakakasalubong namin mula ulo hanggang paa.

"Don't mind the stares. Just keep walking," narinig kong untag ni Everett sa unahan ko, pero laking gulat ko nang biglang itong huminto sa paglalakad at sinabayan ako sa paglalakad.

"You have to keep your face up, and let them see your authority. Because sooner or later, they'll going to recognize you as my wife," bigla niyang sabi kaya nagulat ako. Napalunok naman ako bago ako tumango.

Nagpatuloy pa rin kami sa paglalakad hanggang sa marating namin ang parking lot. Huminto naman si Everett nang makatapat na kami sa isang itim na sasakyan. Pumunta siya sa passenger seat katabi ng driver seat bago binuksan ang pinto. Nilingon niya pa ako na para bang sinasabi na dapat alam ko na kung ano ang gagawin ko kaya dali-dali akong pumasok sa sasakyan at naupo.

Matapos niyang isara ang pinto kung saan ako pumasok ay agad din siyang pumunta sa driver seat at nagsimulang magmaneho.

Nanatili kaming tahimik na dalawa sa buong byahe hanggang sa makarating kami sa isang private resort. Agad akong napalingon sa lalaking katabi ko pero walang reaksyon ang kan'yang mukha.

Nang tapos na kaming mag-park ay agad na bumaba si Everett at binuksan ang pinto sa tabi ko. Napatingin naman ako sa kan'ya bago ako bumaba ng sasakyan.

"Let's go," rinig kong untag niya bago siya naglakad papunta sa isang kuwarto. Agad din akong sumunod sa paglalakad bago ako napatingin sa paligid at doon ko nakita 'di kalayuan ang isang swimming pool.

"Mr. Gunner," narinig kong sabi ng isang pamilyar na boses kaya agad akong napatingin sa harapan. At doon, nakita kong nakatayo ang apat na lalaking ngiting-ngiting nakatingin sa amin.

"How's the preparation?" biglang tanong ni Everett.

"Ayos na ayos na ang lahat, Boss! Bride at groom na lang ang kulang," nakangiting sagot ni Asher bago tumingin sa akin at ngumiti.

Napakunot naman ang noo ko. Doon ko na lang din na-realize na nakasuot ng formal attires sina Asher, Drake at ang dalawang lalaking kasama nila.

"Good. The team?" tanong naman ni Everett.

"Nasa kabilang kuwarto, Mr. Gunner," sagot naman ni Drake bago ngumiti sa akin.

"Alright," sabi ni Everett bago hinawakan ang palapulsuhan ko. Nagulat naman ako sa ginawa niya, at halos manginig ako sa epekto ng naging paghawak niya sa akin.

Narinig ko namang may sumipol sa apat bago ako tuluyang hinila ni Everett papalabas ng kuwarto. Binitawan din niya ang kamay ko nang tuluyan na kaming makapasok sa isa pang kuwarto. Akmang lalabas na sana si Everett nang mabilis kong hinawakan ang suot niyang damit.

"S-Sino sila?" tanong ko bago ako sumulyap sa mga taong nakatayo malapit sa amin. May nasa pitong tao ang nakangiti sa amin habang nakatingin. Tinignan niya naman ako bago siya sumagot.

"They are the team who's going to do your make-up. Don't worry, they won't harm you," sabi niya bago tuluyang lumabas.

Agad na lumapit naman sa akin ang mga tao sa loob ng kuwarto at hinila ako papunta sa isang upuan. Nanatili lang akong nakatingin sa sarili kong reflection sa harap ng salamin habang kabilaang pag-aayos naman ang ginagawa nila sa buhok, mukha, pati na sa mga kuko ko sa kamay at paa.

Ngayon naiintindihan ko na kung ano ang nangyayari. Mukhang ngayong araw na nga gaganapin ang kasal na sinasabi sa akin ni Everett.

Matapos ng pag-aayos sa akin ay pinasuot ako ng isang puting dress na above the knee at sleeveless. Backless din ito, habang low-cut rounded naman ang neckline.

Iniabot din sa akin ng isang babae ang isang bouquet ng bulaklak. Agad akong napalunok nang makita ko ang kabuuang itsura ko sa tapat ng isang malaking salamin.

"Bongga! Paniguradong mas mai-inlove sa'yo si Mr. Gunner!" narinig kong komento ng baklang nag-ayos sa buhok ko kanina. Hindi naman ako nagsalita, tanging pilit na ngiti na lamang ang naisagot ko sa kan'ya.

Hindi ko alam kung ano ba ang dapat na maramdaman ko. Kinakabahan ako pero hindi ko maintindihan.

Agad namang nawala ang mga iniisip ko nang makarinig kami ng marahang pagkatok sa pintuan. Hindi nagtagal ay bumukas 'yon at pumasok si Drake ng nakangiti.

"Nice! Paniguradong speechless sa'yo nito si Mr. Gunner," narinig kong sabi niya habang iiling-iling. Napakunot naman ang noo ko pero hindi na ako nagtanong pa.

"Tara na? Kanina ka pa niya hinihintay sa labas," dugtong niya pa. Napalunok naman ako bago ako tumango.

Lumapit naman sa akin si Drake bago iminuwestra ang braso niya sa harapan ko. Huminga muna ako ng malalim bago ako kumapit sa kan'ya.

Ngumiti naman siya sa akin bago kami tuluyang lumabas. Hindi tulad sa dinaanan namin ni Everett kanina, sa ibang hallway kami dumaan ni Drake. Hindi ko alam kung bakit biglang tumibok ng mabilis ang puso ko.

Napalunok naman ako nang bigla kaming huminto sa paglalakad. Doon ko lang na-realize na nasa tabi na kami ng swimming pool na nakita ko kanina.

"Congratulations in advance, Mrs. Gunner," narinig kong sabi ni Drake bago ako iniwang nakatayo.

Muli akong napalunok bago ko inilibot ang paningin ko. Doon ko lang na-realize na iniwan ako ni Drake sa tapat ng isang arko ng mga puting bulaklak. Habang ang sahig naman ay may mga nagkalat na mga puti ring bulaklak.

Mas lalong kumabog ng mabilis ang dibdib ko. Mas lalo ring hindi ko na alam kung anong mararamdaman ko.

Napatingin ako sa harapan. At doon, hindi kalayuan, nakatayo si Everett at titig na titig sa akin. Habang sina Drake, Asher at ang dalawa pang lalaki ay nakatayo sa gilid. Sa harapan naman ay may isang mesa at isang lalaking nasa mid-fifty's na ang edad.

Nakagat ko ang pang-ibaba kong labi. Bigla namang may kantang tumugtog na siyang ikinagulat ko. Muli akong napatingin kay Everett. Hindi ko alam kung bakit pero nagsimula na akong maglakad papunta sa kan'ya nang makita ko kung paano niya ako tignan.

Patuloy lang akong naglakad habang titig na titig din sa lalaking naghihintay sa akin sa unahan. Kinakabahan ako pero bukod doon ay may kung ano akong nararamdaman habang nakatitig sa mga mata niyang nakatitig pa rin sa akin.

Huminto na ako sa paglalakad nang isang hakbang na lamang ang pagitan naming dalawa. Walang emosyon ang kan'yang mukha, pero may kung anong sinasabi ang kan'yang mga mata.

Pareho naman kaming napatingin sa parang judge na nasa harapan namin nang bigla itong nagsalita.

"Ms. Davis, and Mr. Gunner?" nakangiting sabi ng lalaki. Humarap naman kami sa kan'ya. At nang makita ng judge na maayos na kaming nakapwesto ay muli siyang nagsalita.

"Today, we are gathered here to witness the holy formal joining of matrimo---" patuloy na nagsalita ang judge sa harapan namin habang napatingin naman ako kay Everett na nakatayo sa tabi ko.

Napatingin din siya sa akin nang mapansin niyang nakatingin ako sa kan'ya. Ilang segundo niya muna akong tinignan bago siya nagsalita na siyang nagpatindi sa kaba na nararamdaman ko.

"After this, you're officially my rented wife."