Chapter 3

“PAMELA?”

     “No, Joe, no sex.”

     “What?” Kumunot ang noo nito.

     “No sex, Joe. No sex. Only joke to friends.”

     “What the hell are you talking about?” Nagkaroon ng bahid ng inis ang tinig nito.

     ‘Eto na nga ba ang sinasabi ko sa ‘yo, Pamela! Tatanga-tanga ka na naman. Pati si Jessica, tatanga-tanga! Hindi niya na-gets na joke lang ‘yon!

     Kung bakit naman kasi nagbiro siya sa dati niyang kasamahan sa tindahan na pumasok sa pagiging GRO sa isang beerhouse doon sa bayan na nais niyang tularan ito. Parang nakaengganyo ang sinabi niya rito upang magkuwento ito sa kaniya tungkol sa ginhawang hatid dito ng bagong trabaho nito.

     “Sa una lang naman mahirap, Pam. Kapag nasanay ka na, magiging okay ka na rin. Kung sa pagtitinda lang, ano ang mapapala ko roon? Wala. Eh, ito, malaki ang kita.”

     “Oo nga. Mantakin mong nakakatatlong libo ka sa isang gabi? Kung makakatatlong libo ako isang gabi, aba, nobenta mil isang buwan ‘yon! Wow! Hindi biro ang ganoon kalaking halaga, ‘di ba? Parang gusto ko na rin tuloy pasukin ang ganyan.”

     “Sige, ako ang bahala sa ‘yo. Mas magandang mag-tip ang mga Puti. Virgin ka ba?”

     “Oo naman!”

     “Mas magandang presyuhan iyan. Malaki tiyak ang unang kikitain mo sa unang gabi mo.”

     Iyon ang usapan nila ni Jessica. Mukhang sineryoso nga nito iyon. Kaya heto na ang Puti na padala nito. At siyempre nga naman, kung napangakuan ito ng isang birhen at natanggihan ay natural na iinit ang ulo nito. Marahil ay kanina pa ito naghihintay sa kaniya. Siguro ay talagang interesado ito sa isang birhen. Pero sorry na lang ito, kahit ubod pa ito ng guwapo ay hindi pa siya handa sa ganoon klaseng buhay. Baka nga kahit kailan ay hindi siya maging handa roon.

     “Where is Jessica?”

     “What?” ulit nito na lalong nadagdagan ang gatla sa noo.

     “Where is Jessica? The woman take you here, that Jessica.”

     “Oh…” Tumango ito. “She left. She told me to wait for you here. Can we talk now? I’m here for business. I’m Yuan Clarkson.”

     “No. No business tonight. Closed already. Closed, never opened, correction! Not once! Never open for business. Never!”

     “But why? Will you hear me out first?”

     “Ah, no, no… No, Joe.” Ang hintuturo niyang nakaturo sa langit ay iwinagayway niya sa harap nito. “No, no, Joe. Not me. I am tired. Very tired. I want to rest.”

     “But I came all the way from Manila! Will you hear me out first?!”

     “Okay, you listen. You look okay. You are very handsome. I think, many girls like Jessica is happy for that. Imagine, getting money and the action, added attraction is your handsomeness. But you must understand, not all girls are like Jessica for a living, ha? Not in the Philippines.”

     “What—“

     “Hep-hep, let me finish, okay?” Napabuga siya ng hangin. Ang hirap palang mag-Ingles kapag hindi naman nasanay na nag-i-Ingles. Nauubusan siya ng salita. Para lamang maitawid ang gusto niyang maiparating ay ang pinakamalapit na salitang nakakapa niya sa isip ang kaniyang sinasabi. “Maybe Jessica told you I canhelp you with your problem?”

     “It’s actually Sebastian who did.”

     “Sebastian? I don’t know him.”

     “Yes, I know that. He wasn’t able to talk to you personally.”

     Ah, bugaw pala ‘yong Sebastian na ‘yon. Siguro gusto pang mangomisyon ng isang ‘yon. “Ah, like that? Like that, ha? That Jessica is so grrrr! Make me angry now, that Jessica. Telling others about me, like doing business about me!”

     “No. Like I said, Sebastian was the one who told me about you—“

     “Yes! I understand! I’m not stupid! It’s very obvious that Jessica talk to Sebastian!”

     “No, I don’t think so.”

     “Yes! Believe me because only Jessica knows!”

     “What the hell does she know?”

     “This thing! This thing!” Kulang na lamang ay ipadyak niya ang paa niya. Hirap na nga siyang magpaliwanag ay ang dami-dami pa nitong tanong. “I don’t want to talk anymore, okay? You go back, tell Jessica I hate her! And you tell Sebastian, that person is buying and selling, that no way is Pamela like Jessica, okay? Maybe he will send another one, buy and sell like this!”

     “You don’t understand! Will you let me explain? You’re not making any sense at all!”

     Hinawakan kaagad niya ang braso nito at dinala ito sa malayu-layo. Delikado ang paglakas ng tinig nito. Baka magising ang kasera niya.

     “What is your problem talikng loud? I am hiding!”

     “From what?”

     “My cahier! Sssh!” Tumingala siya sa silid ng kaniyang kasera. Wala namang komosyon doon. “Now, I will say this last time now. I am not for sale for sex. Tell Jessica she is wrong.”

     “Oh, my God! I’m not here for sex! Are you out of your mind?”

     Natigilan siya, nanag magsalita uli ito ay bahagyang may angas. Parang hindi niya nagustuhan ang huling sinabi nito, o ang konotasyon niyon. “What do you mean out of your mind?”

     “Look, I’m here to ask you to work for me not as a prostitute—let me say that again, not as a prostitute—but as a guide.”

     “Guide?”

     Ipinaliwanag nitong nanganagilangan daw ito ng makakasama sa gagawin nitong pag-akyat sa bundok. Sinabi nito ang tungkol kay Sebastian. Nagtataka pa rin siya sapagkat wala siyang nakilalang Sebastian. Wala ring nabanggit sa kaniyang Sebastian si Tatay Estong. Malabo ang sinasabi nito sapagkat may ilang panahon nang hirap si Tatay Estong na magtungo sa bundok.

     “I don’t believe.”

     “Okay, fine! But here’s my offer, I pay you ten thousand bucks a day. Take it or leave it.”

     Natigilan siya. Naunawaan kaagad niya kung bakit hindi sinabi sa kaniya ni Tatay Estong ang lahat. Gusto nitong ito ang sumama sa lalaking ito. Siguro ay naisip nitong kaya nito ang lahat basta may sampung libo kada araw ito.

     “What is your decision? I have already wasted enough time on you. I need to know now.”

     Tumingala siya sa silid ng kaniyang kasera. ‘Okay, sshh. Quiet. Let’s talk inside.”

     At nagpatiuna na siyang pumasok sa loob ng maliit na silid na kaniyang inookupahan.