CHAPTER 07

HINDI ko na namalayan pa kung kailan ako nagsimulang antukin at kung kailan ako nakatulog, naramdaman ko na lang na mayroong mainit na hanging dumadampi sa leeg ko.

Mayroong kung anong mabigat na bagay akong nararamdaman sa tiyan ko at hita. Hirap din akong huminga at hindi masyadong makagalaw. Dahan-dahan kong iminulat ang aking mga mata upang mapapikit lang ulit dahil sa nakasisilaw na liwanag ng ilaw.

Tumagilid ako at dahil sa iritang nadarama ko sa mainit na hangin sa aking leeg, sinuntok ko na ang kung ano mang nasa tabi ko na pinagmumulan niyon.

"Ouch! What the hell!" daing niya na kinakunot ng kilay ko. Boses ng lalaki, panaginip ba ito o totoo?

Sa inaantok na diwa ay pikit mata kong kinapa ang nasa tabi ko. Nagsimula ako sa itaas at natuwa ng maramdaman ko ang malambot at maikling buhok. Sinuklay-suklay ko pa 'yon gamit ang aking mga daliri.

"Hmm... I like that."

Napangiti na lang ako kahit nakapikit at nagpatuloy. Panaginip nga...

Dumapo pa pababa ang kamay ko at doon ko nada