Chapter 3: Following the Rules

"Maeve, okay ka lang ba talaga? Gusto mo bang samahan kita sa office ni Sir tutal pareho naman tayong late kanina," may pag-aalalang ani ni Jessica habang nag-aayos ako ng aking gamit. Kakatapos lang rin kasi ng aming klase kay Sir Soren at nagkataon naman na vacant ako, kaya naman mas minabuti ko na lang rin na ngayon na lang magtungo sa opisina nito kaysa patagalin pa ito.

"Hindi na Jessica, saka baka hindi naman dahil sa pagkalate natin kaya niya ako pinapatawag, kasi kung 'yun ang dahilan sana pareho tayo. Maybe it’s because of me being a transferee, baka may mga kailangan lang akong ayusin sa papel ko," nakangiti kong wika sa kanya.

"Sigurado ka ha? Basta mag-ingat ka," muling sabi pa nito na ikinatawa ko naman.

"Ano ka ba? Makapagsabi ka naman na mag-ingat ako, akala mo naman napakalayo ng pupuntahan ko eh diyan lang naman ako," sabi ko pa sabay turo sa opisina ni Sir Soren sa hindi kalayuan. Sinabayan na rin kasi ako ni Jessica papunta roon dahil hindi ko pa alam ang lugar.

Napahugot naman ng malalim na paghinga si Jessica bago ito huminto, dahilan ng akin ring paghinto sa paglalakad. "Hindi naman literal na mag-ingat. Paano ko ba ipapaliwanag?… ano kasi, maraming kasing kumakalat na balita rito sa university tungkol kay Sir," subok na paliwanag pa ni Jessica na hindi ko pa rin maunawaan.

"Tulad ng ano?" hindi ko na napigilan pang itanong sa kanya.

"Tulad ng may mga estudyante siyang nakakarelasyon. I mean… you know… like sex," alanganin pang dugtong niya.

Tinawanan ko lang ang kanyang sinabi bago nagtuloy sa opisina ni Sir Soren. Totoo man kasi o hindi ang sinasabi ni Jessica, wala na rin naman akong pakialam doon. Saka kung totoo man iyon, for sure naman may consent ang mga babaeng ‘nabiktima’ ni Sir.

Tatlong mahihinang pagkatok ang aking ginawa bago marahang binuksan ang pintuan ng opisina ni Sir Soren. Sa aking pagpasok ay naabutan ko naman ang lalaki na prenteng nakaupo sa kanyang upuan habang may hawak na baso ng alak sa kanyang kamay.

"Good morning, Sir Soren," magalang na pagbati ko pa sa lalaki habang ang aking ulo ay bahagya pang nakatungo. Hindi ko rin kasi maiwasang hindi mailang sa paraan ng pagtitig niya sa akin.

"Come closer and sit down, Miss Pascual," malamig ang boses na sabi pa niya dahilan upang agad akong mapasunod rito.

Kahit na nakaupo na ako sa kanyang harapan ay hindi pa rin tumitigil ang aking tuhod sa bahagyang panginginig, marahil dahil sa kaba na aking nararamdaman.

"Ahm… Sir, bakit po ninyo ako pinatawag?" lakas-loob kong tanong makalipas ang ilang sandali at nananatiling tikom ang bibig ni Sir Soren. Ngunit imbis na tugunin ang aking tanong ay inisang lagok niya ang alak na hawak bago muling nagsalin dito.

Sa muling pagdako ng kanyang paningin sa akin ay doon naman nagtagpo ang aming mga mata, dahilan upang mas tumindi pa ang kaba na aking nararamdaman.

“You’re a transferee here, right?” he asked.

"Yes Sir, kahapon po ang first day ko dito," mahinang wika ko naman ngunit alam kong sapat na para kanyang marinig.

Tumango-tango naman ito bago tumayo at saka nagtungo sa maliit na cabinet sa may gilid ng kanyang opisina, doon ay muli siyang kumuha ng isa pang alak na sa itsura pa lang ay mukhang mamahalin na.

"I see, now I understand why you keep on calling me sir unlike others," wika pa nito bago muling bumalik sa kanyang pwesto.

"Sorry po," agad na hingi ko naman ng paumanhin sa kanya. "Nasanay lang po ako sa dati kong school, Prof," dugtong ko pa kasunod ng pagtawag sa kanyang ng Prof gaya ng iba. 

Agad naman itong umiling kasunod ng pagsenyas pa ng kanyang kamay na may hawak na alak. “Nah… it’s actually okay. I like it when you call me sir,” muling wika pa nito bago ako muling pinasadahan ng tingin mula ulo hanggang sa aking dibdib. Hindi ko naman maiwasang hindi mailang sa paraan ng kanyang pagtingin sa akin ngunit mas pinili ko na lang ang manahimik.

“T-thank you po…” tanging sabi ko na lang.

“Do you drink?” out of the blue he asked.

“No sir,” nagtataka man ay nagawa ko siyang sagutin.

“How about smoke?” muling usisa pa nito.

Muli ay isang iling lang ang isinagot ko sa kanya.

“Oh… you’re a good girl huh,” may sarcasm na tonong muling sabi niya. Nanatili naman akong tahimik at nakatungo lang dahil hindi ko na rin alam kung ano pa ang sasabihin ko o isasagot sa kanya.

Naramdaman ko pa ang muling paglakad ni Sir Soren hanggang sa huminto ito sa aking likuran.

“If you’re a good girl, why are you late in my class then? Alam mo bang iyon ang pinaka ayaw ko sa lahat, ang nahuhuli sa klase ko?” pagbulong pa nito sa aking tenga dahilan ng pagtataas ng aking balahibo sa aking buong katawan.

“I’m sorry Sir, hindi na po mauulit. Nagkaroon lang po ng emergency kanina,” kinakabahang sambit ko pa.

Muli kong naramdaman ang kanyang pagkilos at namalayan ko na lang na nasa harapan ko na siya. Mabilis rin niyang naigalaw ang upuan na aking gamit paharap sa kanya kaya naman agad na nagsalubong muli ang aming mga mata.

Humithit naman ito sa kanyang hawak na sigarilyo at pagkatapos ay walang pakundangan na ibinuga ito sa aking mukha dahilan upang balutin ng usok ang aking paningin at bahagya pang mapaubo.

“I don’t buy your excuses Miss Pascual…” malamig na sabi pa nito bago marahang tumungo palapit sa aking mukha. Ilang pulgada na lang ang layo ng aming mga mukha kaya naman pigil ko ang aking paghinga at pagkilos, huwag lang kaming magkadikit.

“... but since you're new here, I will give you an exemption. I will let this mistake slide for now. Just make sure that it will never happen again, don’t break any of my rules or else I will give you the punishment that you will never expect,” patuloy pa nitong wika bago mabilis na dinampian ng halik ang aking labi bago tuluyang lumabas sa kanyang opisina at iniwan akong nakatulala.