Chapter 15

Thena’s POV

I was watching each car passing us on the road while my chin is on my hand. Napapaisip ako kung ano kaya ang mahalagang gagawin ni Mama at hindi niya ako hinatid sa unang araw ng pasok ko. Bukod sa unang araw ko sa senior high school ay unang araw ko rin dito sa San Isidro, bakit hindi niya manlang ako unahin?

“Nagtatampo ka ba sa Mama mo?” tanong ni Papa.

Nakanguso akong tumingin kay Papa, “Is it bad to feel this way po, Pa?”

Hininto ni Papa ang sasakyan nang nasa tapat na kami ng school. Hinagod niya ang gilid ng ulo ko habang pinagmamasdan niya ako.

“Valid naman ang nararamdaman mo anak, kaso alam mo rin dapat na para sa’yo rin ang ginagawa ng Mama mo.”

Mapait akong ngumiti, “Alam ko po.”

“Basta ako hindi papalya sa paghatid sundo sa’yo,” pagpapagaan ni Papa sa loob ko. Hinawakan niya ang pisngi ko at mariing pinisil ‘yon, “Wag nang sumimangot, angganda-ganda ng anak ko eh.”

“Syempre,” buong kumpyansa kong sabi. Lumingon ako sa gate ng school at nakitang marami na ang p