Kabanata 1.2

Habang nag-oorder ng pagkain sa counter si Caroline ay may lalaki namang lumapit kay Caleb.

“Sir, you’re here, kailan ba kayo babalik sa mansion? Hindi ko na alam kung anong sasabihin ko sa inyong ina sa tuwing nagtatanong siya sa akin kung nasaan ka. Nakahanda na ang sasakyan niyo sa labas pabalik ng mansion.” Wika ng lalaki kay Caleb. Tiningnan naman muna ni Caleb si Caroline na nasa counter at kausap pa ang nasa front desk.

“Just tell her na hindi mo alam kung nasaan ako that’s it. Don’t you dare to tell her where I am, if you do, you will become a dead meat.” Maawtoridad at malamig na wika ni Caleb sa secretary niya. Isang taon na ang nakalipas simula nang umalis si Caleb at itago ang tunay niyang pagkatao. Pagod na pagod na siya sa pangungulit ng kaniyang ina na pakasalan niya ang ex-fiancee niya. Tinataguan niya rin ang mga taong gusto siyang patayin, gusto niyang malaman kung sino sa kompanya niya ang gusto siyang pabagsakin at patayin.

“Leave now, hindi ka pwedeng makita ng asawa ko.” Wika ni Caleb na ikinagulat ng secretary niya. Isang taon lang nawala ang Boss niya pero may asawa na ito?

Nang bumalik si Caroline sa table nila ay umalis na rin ang secretary ni Caleb.

“Who is that? Do you know him?” tanong ni Caroline saka niya sinundan ng tingin ang lalaking papalabas na ng restaurant. Napakunot ng noo si Caroline dahil sa itsura at paraan pa lang ng pananamit ng lalaki ay para bang nagmula siya sa mayamang pamilya.

“I don’t know him, may itinanong lang siyang lugar na hindi ko rin naman alam.” Sagot ni Caleb na ikinatango na lang ni Caroline. Nagsimula na silang kumain at pansin ni Caleb ang pananahimik ni Caroline. Alam niyang malalim ang iniisip nito.

“Pwede ko bang malaman kung anong dahilan kung bakit gusto mong magpakasal kaagad? Is it because of pressure from your family or may iba pang dahilan?” kuryosong tanong ni Caleb habang kumakain. Ilang segundo pa ang lumipas bago sumagot si Caroline.

“My boyfriend cheated on me, I saw him having sex with my sister.” Natawa at napailing na lang si Caleb.

“So, you marry me for revenge? Do you think this is a good idea or pinagsisisihan mo na sa mga oras na ‘to ang naging desisyon mo? Wala ka sa sarili mo nang pakasalan mo ako. What are you going to do kapag nagising ka na?” napatingin si Caroline kay Caleb, seryoso ito at sa paraan ng pakikipag-usap ni Caleb para bang nagmula ito sa elite family na may mataas na pinag-aralan. Naipilig na lang ni Caroline ang ulo niya, paanong magiging member ng elite family si Caleb gayong sa itsura pa lang niya, alam niya ng sa mahirap na pamilya ito nagmula.

Hindi sinagot ni Caroline si Caleb at nagpatuloy na lang siyang kumain. Nang matapos silang kumain ay bumalik na rin sila sa bahay nina Caroline. Hindi alam ni Caroline kung paano niya haharapin ang kaniyang ama dahil sigurado siyang galit pa rin ito kaya dumiretso na siya sa pool area.

Samantala naman nang malaman ni Isaac ang pagpapakasal ni Caroline ay pinuntahan niya kaagad ito.

“Totoo ba na nagpakasal ka sa isang lalaking mas mahirap pa sa daga?” tanong ni Isaac saka niya mahigpit na hinawakan sa braso si Caroline. “Yes, I made a mistake pero bakit hindi mo na muna ako kinausap? It’s just a sex, Caroline, pero ikaw nagpakasal sa lalaking hindi mo kilala? Sa ginawa mo, pinalaki mo lang yung gulo! Kaya kong itama ang pagkakamali ko pero ang pagpapakasal mo, mababago mo pa ba yun?!” galit na galit na saad sa kaniya ni Isaac.

“Let me go, Isaac.” Ani ni Caroline habang pilit niyang inaalis ang pagkakahawak ni Isaac sa kaniya pero hindi siya pinakawalan ni Isaac. Nanlilisik ang mga mata nitong nakatingin kay Caroline.

“Are you kidding me? Pipiliin mo ang lalaking yun over me? Ano bang meron ang lalaking yun? Mabibigyan ka ba niya ng magandang buhay?! Anong pamilya ba siya nabibilang or should I ask kung saang basurahan mo siya nakita?” nanggagalaiting tanong ni Isaac. Hindi matanggap na ipinagpalit siya ni Caroline sa lalaking walang kayamanan.

“Just leave me alone at magfocus ka na lang kay Aubrey.” May diing wika ni Caroline at pilit pa ring inaalis ang pagkakahawak ni Isaac sa kaniya pero mas lalo iyung hinigpitan ni Isaac.

“Ouch! You’re hurting me,” daing ni Caroline.

“I-divorce mo ang lalaking yun and marry me instead.” Ani ni Isaac.

“No, hindi ko pakakasalan ang katulad mong manloloko. Bakit sa dami ng babaeng pwede mong ikama, bakit ang kapatid ko pa?! Bakit?! Nasasaktan ka dahil nagpakasal ako sa ibang lalaki? Hindi mo ba naiisip kung gaano akong nasasaktan dahil may nangyari sa inyo ni Aubrey. Kahit na sabihin mo it’s just a sex, para sa akin hindi lang yun sex! You broke my heart, Isaac!” nasasaktang sigaw ni Caroline. Napapadaing na lang siya dahil lumulubog na ang mga kuko ni Isaac sa braso niya.

“It hurts!” daing ni Caroline.

Nang makita ni Caleb ang pananakit ni Isaac kay Caroline ay mabilis niya itong itinulak palayo kay Caroline saka niya hinila palapit sa kaniya si Caroline.

“Are you okay?” tanong ni Caleb, tumango lang naman si Caroline pero nag-iwan ng bakas ang mga kuko ni Isaac sa braso niya. “Leave her alone,” wika ni Caleb kay Isaac pero ngumisi lang si Isaac.

“And what are you going to do? Wala kang magandang edukasyon, ni hindi namin alam ang pinanggalingan mo, wala kang maipagmamalaking kayamanan. Alam ko naman na pumayag ka kaagad na pakasalan si Caroline para makaahon ka sa hirap. Ang mga katulad mo, gagamitin mo lang si Caroline. Pilit na isisiksik ang sarili para lang makawala sa kahirapan.” Panlalait ni Isaac saka niya tiningnan si Caroline. “You will regret choosing this trash, Caroline. Sisiguraduhin kong gagapang ka pabalik sa akin.” Dagdag pa ni Isaac saka siya umalis.

Inalis ni Caroline ang pagkakahawak ni Caleb sa kaniya saka siya naupo sa bench. Napansin naman ni Caleb na dumudugo na ang sugat ni Caroline dahil sa mga kuko ni Isaac. Pumasok sa loob ng bahay si Caleb para manguha ng first aid kit saka niya binalikan si Caroline.

“What are you doing? Don’t touch me,” masungit na wika ni Caroline pero hindi siya binitiwan ni Caleb.

“Lilinisan ko lang ang sugat mo at lalagyan ng ointment, gusto mo bang mag-iwan ‘to ng scar sa braso mo?” masungit ding saad ni Caleb. Napapairap na lang si Caroline pero hinayaan niya na lang si Caleb sa gusto niyang gawin.

Sumapit ang dinner time nila, magkakasabay silang lahat na kumain. Kasama na rin nila si Caleb sa hapag kainan.

“Seryoso ka ba talaga Caroline na isasama mo ang lalaking yan sa harap namin para kumain?” nakataas ang kilay na saad ni Emily, ang stepmother ni Caroline.

“Hindi ba mas bagay sayo na sa sahig kumain? Ganun naman kayo sa pinanggalingan mo diba? Ang kapal naman ng mukha mong sumabay sa amin dito sa hapag kainan na kumain.” Masungit ding wika ni Aubrey.

“Bigyan niyo naman ng respeto ang asawa ko.” Seryosong wika ni Caroline, hilaw namang natawa sa kaniya ang stepmom niya.

“Nang dumating ka dito sa pamilya na ‘to, tinanggap ka namin kasama ang lola mo tapos ngayon magdadagdag ka pa ng pakakainin? Gusto mong bigyan namin ng respeto ang asawa mo? Binigyan mo ba kami ng respeto ngayong ihaharap mo sa amin ang pulubi mong asawa?” nandidiring saad ni Emily.

“That’s enough, kumain na lang kayo ng tahimik.” Pagpipigil ni Winston sa pamilya niya.

“But Dad, wala ka man lang bang gagawin para paalisin ang asawa ni Caroline? Paano kung may sakit pala yan, mahahawaan tayo, gagamitin niya rin ang mga ginagamit natin.” Reklamo pa rin ni Aubrey.

“Oh really, Aubrey? Ikaw ba? Hindi ka ba nandiri na nakipagsex sa boyfriend ng iba?” anas ni Caroline na ikinangitngit ng mga ngipin ni Aubrey.

“I said, enough! Kakain ba kayo o mag-aaway na lang? One more word, itatapon ko sa inyo ang mga pagkain na nasa harapan.” Galit na wika ni Winston. Tumahimik naman na ang pamilya niya at walang nagawa kundi ang kumain.

Tahimik lang naman si Caleb, napapaisip siya kung bakit para bang galit na galit kay Caroline ang kaniyang ina at ang kapatid niya. ‘Is she an illegitimate daughter?’ tanong ni Caleb sa isip niya saka niya tiningnan si Caroline na tahimik nang kumakain.

Nang matapos silang kumain ay dumiretso na si Caroline sa kwarto niya, nakasunod naman sa kaniya si Caleb. Nagtungo ng balcony si Caroline at akma sanang magsisindi siya ng sigarilyo nang kunin yun ni Caleb sa kaniya.

“Hindi mo ba alam na masama ‘to sa kalusugan mo?”

“Bakit ka ba nangingialam? Pinakasalan lang kita for revenge pero sa tingin ko mas pinalala ko lang ang sitwasyon. From now on, you’re just my husband in paper. Hindi mo pakikialamanan ang personal kong buhay.” Naiinis niyang wika saka siya tumingin sa kawalan.

“What are you in this family? Hindi mo ba tunay na ina ang kasama natin sa hapag kainan kanina?” kuryoso pa rin niyang tanong.

“She’s my stepmother,” tipid niyang sagot na ikinatango na lang ni Caleb. Hindi na inabala ni Caleb si Caroline at hinayaan niya na itong mapag-isa sa veranda. Inilibot ni Caleb ang paningin niya sa loob ng kwarto ni Caroline. Maliit pa ito kumpara sa kwarto niya sa mansion nila. Pansamantala siyang nakatira sa isang condo at nagtatrabaho bilang waiter sa bar-restaurant kung saan niya nakilala si Caroline.

Hindi niya alam kung hanggang kailan siya mananatili rito sa bahay ng mga Adams.

“Adams?” mahinang wika ni Caleb dahil para bang naaalala niyang may partnership ang Adams sa kompanya nila. Napapangisi na lang siya pero wala siyang planong isiwalat ang tunay niyang pagkatao.