Chapter 5 The New Diane Zamora

Makalipas ang dalawang araw, nang nasa opisina si Diane, may iniabot sa kaniya ang sekretarya niya na isang mga dokumento ng isang kliyente. Nagulat ito sa nabasa at nakita, nagmula ito sa kaniyang dating asawa na si Rico na gustong mamuhunan sa kanilang kompaniya. Agad naman niya ito pinaalam sa kaniyang ama. " Pa, may natanggap akong gusto mamuhunan sa ating kompaniya, ngunit hindi ko po alam ang gagawin ko dito. " ani ni Diane sa ama. " Di ba, alam mo na ang dapat gawin diyan, teka, kanino ba nagmula iyan? " nagtatakang tanong ng ama ni Diane. " Pa, sa dati ko pong asawa na si Rico. " tugon ni Diane. " Sige, ganito ang gawin mo, hindi ba, may gaganapin tayong pagdiriwang sa susunod na dalawang araw, padalhan mo siya ng imbitasiyon." mahinahon na sabi ng ama ni Diane. " okay sige po, Pa, gagawin ko po. " magalang na sabi ni Diane.

Habang inuutos ni Diane sa kaniyang sekretarya na padalhan ng imbitasiyon si Rico ay biglang tumawag si Brent. " Hello, busy ka ba Diane? ". tanong ni Brent. " Hindi naman, bakit mo naitanong? " tanong naman ni Diane. " kasi yayayain sana kitang kumain ng tanghalian, puwede ba? " tugon ni Brent. " Oo naman, sunduin mo na lamang ako dito sa opisina. " sagot ni Diane. " kahit hindi mo na sabihin sa akin iyon, okay sige, tutungo na ako diyan, hintayin mo na lamang ako, paalam, mahal na mahal kita. " lambing na sabi ni Brent habang pasakay na nang kotse. 

Nagtungo na si Brent sa kompaniya nina Diane at nang makarating na siya doon ay nakita niyang naghihintay na sa kaniya si Diane sa labas ng kompaniya nila. " Diane, kanina ka bang naghihintay diyan? " tanong ni Brent. " Hindi naman, tama lamang ang pagdating mo. " nakangiting sagot ni Diane sabay sakay sa kotse. Nagtungo na sila sa restaurant para kumain at nang makarating na sila doon ay pumasok at umupo na sila at humingi ng talaan ng pagkain. " Diane, anong gusto mong kainin? " tanong ni Brent. " ahhh, Grilled Salmon Fish at Vegetable Salad. " tugon ni Diane. " okay sige, Miss, dalawang Grilled Salmon Fish, dalawang Vegetable Salad, at dalawang Ice Tea. " sabi ni Brent sa serbedora. " okay po sir, pahintay na lamang po, salamat po. " tugon ng serbedora habang patungo sa kusina.

Habang hinihintay nila ang pagkain, pinaalam na ni Diane kay Brent ang tungkol sa natanggap niya kay Rico. " Brent, nakatanggap ako kanina ng isang dokumento na mula sa isang bagong kliyente, ngunit nagulat at nabigla ako sa nakita ko, nagmula iyon kay Rico. " ang sabi ni Diane. " ohhh, tapos, anong ginawa mo? " tanong ni Brent. " Sinabi ko iyon sa aking ama at ang sabi niya ay padalhan ko daw si Rico ng imbitasiyon nng pagdiriwang nagaganapin sa susunod na araw, kaya ginawa ko. " paliwanag ni Diane. " ohh, iyon naman pala, ano pa ang kinakabahala mo diyan? " nagtatakang tanong ni Brent. " kasi... ang alam ni Rico ay isa akong ulila na nagmula sa ampunan, paano na lang kung makita niya ako doon. " tugon ni Diane habang nakikita sa kaniya ang pangamba. " okay nga iyon, magugulat siya na ang dating inaapi niyang asawa niya ay isa pa lang tagapagmana ng isang malaking kompaniya, huwag mo na iyon alalahanin, ako na ang bahala doon. " ani ni Brent habang pinapalakas niya ang loob ni Diane. " Sabagay, tama ka, makikita niya ang bagong Diane. " taas noong sabi ni Diane kay Brent.

Sakto namang dumating ang kanilang pagkain, kaya naman kumain na sila. Habang kumakain sila, nakangiting tumitingin si Diane kay Brent, " masaya ako na dumating ka sa buhay ko. " ang sabi ni Diane sa isip niya. Nahuli ni Brent na nakatingin sa kaniya si Diane. " baka naman matunaw na ako niyan. " pabirong sabi ni Brent kay Diane. " wala, sige kumain na tayo. " nakangiting sagot ni Diane. Masayang natapos ang kanilang pagkain. Bumalik na sila sa kani-kanilang kompaniya.

Natapos ang buong maghapon, nagtungo na muli si Brent sa kompaniya nina Diane para ihatid ito sa kanilang bahay. Nang naihatid na ni Brent si Diane, pinapasok muna siya ng ama nito para doon na maghapunan. " Brent, pumasok ka muna, dito ka na lang maghapunan. " alok ng ama ni Diane. " okay sige po. " magalang na tugon ni Brent habang pumapasok sa loob ng bahay. Masayang kumakain sila ng hapunan habang nagkukuwentuhan at nagtatawanan.

Samantala, natanggap na ni Rico ang imbitasiyon na pinadala ni Diane sa kaniya na hindi niya alam na si Diane mismo ang nagpadala sa kaniya. Agad silang umuwi ng Pilipinas para dumalo sa pagdiriwang ng Zamora's Hotel and Accessories. Makalipa ang pitong oras na biyahe sa eroplano, nakarating na din sila ng Pilipinas. " Nakabalik na ulit tayo ng Pilipinas, hayyyy!!! home sweet home... " masayang sabi ni Anika sabay langhap ng hangin. Nagtungo na sila sa tahanan ni Anika noon. Doon na sila maninirahan na parang isang pamilya.

Makalipas ang ilang araw, dumating na ang pinakahihintay nilang pagdiriwang. Magarbo at naggagandahan ang palamuti sa loob ng pagdiriwang. Nakahanda na din ang mga masasarap na pagkain na niluto pa ng mga magagaling at mahuhusay na magluluto. Unti-unti nang napupuno ng mga bisita ang bulwagan. Naggagandahan at magagarbo din ang kanilang kasuotan. Dumating na din sa pagdiriwang sina Rico at Anika kasama  si Grace na ngayon ay dalaga na. " Wow, Daddy ang ganda naman po dito." namanghang sabi ni Grace sa kanyang ama. " Siyempre naman, sila kaya ang may pinakamalaking kompaniya dito  sa buong Pilipinas. " tugon ni Rico sa anak. Nang nasa loob na sila, nakita ni Rico ang anak ng kliyente niya na si Brent. Pinuntahan ni Rico at bumati, ngunit hindi siya kilala ni Brent. Kaya naman nagpakilala siya, " Hello, ako pala si Rico Valdez, kliyente ko ang iyong ama. " pagpapakilala ni Rico sabay pagkamay kay Brent. " ahhh, ikaw pala iyon, Hello, ako si Brent Clamente. " pagpapakilala naman ni Brent habang tinitingnan si Rico mula ulo hanggang paa. " Sino nga pala ang kasama mo dito? " tanong ni Rico. " ahhh, ang aking nobiya, parating na din siya. " nakangiting sagot ni Brent. Saktong pasok ni Diane sa pinto at lahat sa kaniya ay nakatingin.