Chapter 4 Meet The Parents

Kinaumagahan, maganda ang gising ni Diane at nakita ito ng kaniyang ama, " Aba! tila yata na maganda ang gising ng aking magandang anak. " nakangiting sabi ng ama ni Diane. " Pa, may sasabihin po ako sa inyo. " ani ni Diane habang patungo sa kanyang ama. " Ano iyon anak? Mukha yatang importante iyang sasabihin mo, ah? " nagtatakang tanong ng ama. " Pa, nobiyo ko na po si Brent. " tugon ni Diane habang hindi makatingin ng diretso sa kanyang ama. Hindi na nagulat ang ama ni Diane sa sinabi niya sapagkat matagal na pala niyang gusto na si Brent ang maging asawa ni Diane. " Talaga ba, masaya ako para sa inyo, tatawagan ko agad ang ama ni Brent para yakagin sila na kumain sa labas at ipagdiwang ang inyong relasiyon. " natutuwang sagot ng ama ni Diane. Nagtataka si Diane sa kanyang ama kung bakit ganoon na lamang kasaya ito noong sinabi niyang nobiyo na niya si Brent. " Pa, sobra naman po yata ang inyong kagalakan, hindi man lang po kayo nagalit o nagtaka, bakit po, may hindi po ba kayo nasasabi sa akin? " nagtatakang tanong ni Diane sa ama. " Diane, naaalala mo pa ba ang mga sinabi ko sa iyo noong hindi ka pa kasal sa una mong asawa, na ipapakasal kita sa anak ng kaibigan ko, ngunit nagalit at umalis ka noon kaya naman hindi kita napakilala doon sa anak ng kaibigan ko. " sagot ng ama ni Diane, " Opo, naaalala ko po, bakit po, si Brent po ba iyong tinutukoy ninyo noon na papakasalan ko? " tanong ni Diane. " Oo anak, siya nga, kaso mas pinili mo si Rico noon kaya hindi ko na pinilit pa sa iyo. " tugon ng ama. " Ganoon po ba, sayang naman, sana pala siya na ang asawa ko, nasa huli po talaga ang pagsisisi. Okay na iyon, kahit na hindi ko siya nakilala noon, basta ngayon nobiyo ko siya at masaya ang aming relasiyong dalawa. " masayang sabi ni Diane.

Tinawagan na ng ama ni Diane sina Brent para yayain kumain sa labas. " Hello pare, puwede ba kayo mamaya, kakain lang tayo sa labas, isama mo si Brent. " masayang alok ng ama ni Diane. " Anong okasiyon? " nagtatakang tanong ng ama ni Brent. " ahhh, magkarelasiyon na kasi ang ating mga anak. " nakangiting tugon ng ama ni Diane. " okay sige pare, imensahe mo na lang sa akin ang lokasiyon, doon na lamang tayo magkita. " tugon ng ama ni Brent. " okay sige pare, imemensahe ko na lang sa iyo, magkita na lang tayo doon, salamat. " masayang sabi ng ama ni Diane. Agad nang pumasok sa kuwarto si Diane para ihanda ang kaniyang susuotin mamaya. Samantalang ang kaniyang ama naman ay tumawag sa Amore Restaurant para magpareserba ng puwestong kakainan nila mamaya. Pinaalam na din ng ama ni Diane ang lokasiyon kina Brent.

Nang dumating ang oras ng kanilang pinag-usapan, agad silang nagtungo sa Amore Restaurant, ganoon din sina Brent. Nang makarating na sina Diane sa restaurant ay saktong kakarating lamang din nina Brent, kaya naman sabay-sabay na silang pumasok sa loob at hinanap ang pinareserbang puwesto. Naupo na sila at nagpakuha na ng pagkain. " pare, bakit nga pala bigla kang nagyakag na kumain sa labas? " nagtatakang tanong ng ama ni Brent. " ahhh, hindi pa pala sinasabi sa iyo ng anak mo, kasi ang mga anak natin ay may relasiyon na, magbiyo at magnobiya na sila. " masayang sagot ng ama ni Diane. " Talaga ba!! magandang balita iyan, nangyari na rin ang kagustuhan natin noon, pare.. " masayang tugon ng ama ni Brent. " Ha??? anong balak iyon, Pa? " nagtatakang tanong ni Brent. " Brent, hindi ba may sinabi ako sa iyo noon na ipapakasal kita sa anak ng kaibigan ko, kaso tumanggi ka at nagtungo sa ibang bansa. " sabi ng ama ni Brent, " Opo, naaalala  ko po iyon. " tugon ni Brent. " Si Diane dapat ang ipapakasal ko sa iyo noon, may usapan kasi kami ng kaniyang ama noon na kapag nagkaroon kami ng anak ay gagawin namin ng paraan para ang mga anak namin ang magkatuluyan, subalit pareho kayong tumanggi kahit na hindi pa ninyo nakikilala ang isa't isa. " paliwanag ng amani Brent. " Ganoon po ba, nauunawaan ko na po ngayon. " nakangiting sabi ni Brent habang nakatingin kay Diane.

Masayang kumakain sina Diane at Brent kasama ang kanilang ama. Natapos na ang kanilang masarap na kuwentuhan at kainan. Pareho na silang nag-uwian ngunit nagpaalam sina Diane at Brent na mamamasiyal muna sila sa parke. Nagtungo na sila sa parke at nang makarating na sila ay naglakad-lakad sila habang magkahawak ng kamay. " Natutuwa naman ako at ikaw pala ang matagal nang gustong ipakasal sa akin ng aking ama. " nakangiting sabi ni Diane. " Oo nga, talagang nakatadhana tayo sa isa't isa, gumawa ng paraan ang panginoon para pagtagpuin tayo. " nakangiting tugon ni Brent. " Subalit alam mo naman ang mga pinagdaanan ko at situwasiyon ko, diborsiyada at may isang anak, nahihiya ako sa iyo kasi kung kailan tayo nagkaroon ng relasiyon ay ganito naman ang situwasiyon ko. " nahihiyang sabi ni Diane habang hindi makatingin kay Brent. " Ano ka ba, wala ka dapat na ikahiya sa akin, nauunawaan ko ang situwasiyon mo ngayon at tanggap kita nang buong-buo kahit ano pa ang naging nakaraan mo, kahit ano pa ang sabihin ng iba, wala akong pakialam, basta ang alam ko, mamahalin kita kahit sino ka pa. " paliwanag ni Brent habang hinahaplos ang pisngi ni Diane. Niyakap nang mahigpit ni Diane si Brent. Masayang nagsasabihan ng mga gusto nilang gawin at mangyari sa kanilang relasiyon. Napasarap ang kanilang pamamasiyal kaya naman hindi nila namalayan ang oras. " Brent, umuwi na tayo, malalim na pala ang gabi. " aya ni Diane. " okay sige, ihahatid na kita sa bahay niyo. " tugon ni Brent sabay hawak sa kamay ni Diane. " Aba! dapat lang, hindi ako maglalakad, ano? " pabirong sabi ni Diane sabay ngiti kay Brent. " Oo naman, hindi ko hahayaan na mapagod ang mahal ko. " nakangiting sabi ni Brent sabay halik sa noo ni Diane. Sumakay na sila sa kotse at inihatid na ni Brent si Diane sa kanilang bahay. Nang makarating na sila ay nagpaalam na sila sa isa't isa at masaya silang nagpaalam.