Chapter 3 Falling In Love

Makalipas ang labing dalawang oras, nakarating na si Diane sa Canada at agad na niyang pinuntahan ang kanyang mag-ama. Sa kanyang pagmamadali ay nakita niya ang kanyang anak na si Grace na kasama si Anika na tinuturing na ina. Nang dahil sa nakita ay nagdisisiyon na si Diane na sumuko sa pinapangarap niyang pakikipagbalikan kay Rico. Kaya naman agad na niyang pinermahan ang dokumento ng diborsiyo at ibinigay niya kay Rico. " Rico, pumapayag na ako sa gusto mong hiwalayan, napermahan ko na iyan, sana naman ay alagaan at ingatan mo ang ating anak.  " sabi ni Diane sabay abot kay Rico ng mga dokumento ng diborsiyo. " Salamat naman at pumayag ka na, Oo naman, iingatan at aalagaan ko ang ating anak, kahit hindi mo na iyan sabihin, gagawin ko. " tuwang sabi ni Rico sabay kuha ng mga dokiyumento ng diborsiyo.

Bumalik na ng Pilipinas si Diane at nagdisisiyon na tanggapin ang kagustuhan ng kanyang ama na siya ang mamahala ng kanilang kompaniya. Naging maganda ang pamamahala ni Diane kung kaya naman ay lalong lumago ang kita ng kanilang kompaniya. Magkakaroon ng isang magarbong pagdiriwang dahil sa natamo nilang tagumpay. Hindi alam ni Diane na matalik na kaibigan ng kanyang ama ang ama ni Brent, kaya naman laking gulat niya na makita si Brent sa pagdiriwang. Nilapitan ni Brent si Diane, " Magandang Gabi binibini, muli tayong nagkita. " magalang na bati ni Brent kay Diane. " Magandang Gabi din Ginoo, nagkita na ulit tayo, isa ka rin ba sa mga kliyente ng aking ama? " tanong ni Diane na may halong pagtataka. " kaibigan ng aking ama ang iyong ama. " nakangiting tugon ni Brent. " ang galing naman, maliit talaga ang mundo. " tuwang sabi ni Diane. Masayang nagkukuwentuhan sila habang umiinom ng wine sa pagdiriwang.

Habang lumilipas ang araw, lumalalim  na ang pagtingin ni Brent kay Diane. Laging sinasamahan ni Brent si Diane sa mga pagpupulong niya sa labas ng bansa. Hindi alam ni Brent na tinatangi na rin siya ni Diane. Nagplano si Brent ng isang magarbong hapunan sa isang mamahaling restaurant, balak na niyang magpahayag ng kaniyang damdamin kay Diane. Tinawagan ni Brent si Diane, " Hello, Diane, puwede ka ba bukas ng gabi? " nahihiyang tanong ni Brent. " ahhhhmmm, puwede naman ako bukas ng gabi, bakit mo naitanong? " nagtatakang tanong ni Diane. " ahhh, kasi yayayain sana kitang kumain sa labas, okay lang ba? " nahihiyang tanong muli ni Brent. " Oo naman, sige, sunduin mo na lang ako dito sa bahay ng mga 6:00pm. " nakangiting tugon ni Diane. " okay sige, salamat, " nakangiting sabi ni Brent na nagtatalon sa tuwa.

Kinabukasan, maagang pumasok si Diane sa opisina para tingnan ang kaniyang mga talaarawan, at nakita niyang may pagpupulong siya sa isang kliyente nila sa oras ng kanilang hapunan ni Brent mamaya. kaya naman agad niyang kinansela ito. Samantala, si Brent naman ay agad nagtungo sa bilihan ng mga bulaklak at ng mga alahas. Nagpagawa siya ng isang malaking kumpol na mga rosas at bumili din siya ng mamahaling kuwintas para ibigay mamaya kay Diane. Palapit nang palapit ang oras ng kanilang pagkikita. Namimili na ng damit at sapatos si Diane. Samantalang si Brent ay patungo na sa bahay nina Diane para sunduin siya. Nang makarating na si Brent kina Diane, sakto naman na nakahanda na si Diane. Pinapasok na ng kasambahay si Brent at pinaupo sa sala habang hinihintay si Diane bumaba ng hagdan. Habang bumababa si Diane ng hagdan, napatulala si Brent sa sobrang kagandahan ni Diane. Kinuha ni Brent ang kamay ni Diane at sinabing, " Napakaganda mo ngayong gabi. " sabay halik sa kamay ni Diane. Napangiti na lamang si Diane sa sinabi ni Brent.

Nagtungo na sila sa restaurant at nang sila ay nakarating, nagulat si Diane sa nakita, walang ibang taong kumakain at napakaganda ng kagayakan ng kanilang mesa pati na rin ang paligid punong-puno ng mga palamuti na kumikinang sa ganda. " Wow, napakaganda naman dito, bakit walang mga kumakain? " namangha at nagtatakang tanong ni Diane. " ahhh, nirentahan ko kasi ang buong restaurant kaya walang ibang taong kumakain. " nakangiting paliwanag ni Brent. Nagtungo na sila sa kanilang upuan habang dinala na sa kanilang mesa ang kanilang pagkain. Habang kumakain ay masayang nagkukuwentuhan at nagtatawanan sila. Makalipas ang ilang minuto, handa nang magtapat ng nararamdaman si Brent. Kinuha ni Brent ang kamay ni Diane, " Diane, may gusto akong sabihin sa iyo, kaya lang ay hindi ko alam kung paano ko sisimulan. "  ani ni Brent habang hawak ang kamay ni Diane. " Ano ba ang sasabihin mo? " nagtatakang tanong ni Diane. " Ganito kasi iyon, simula kasi noong nakita kita sa may tulay at iniligtas, hindi ka na maalis sa isipan ko, akala ko noong una ay wala lang iyon, ngunit noong pangalawang pagkikita natin sa Bar ay bumilis ang tibok ng puso ko, doon ko napagtanto na tinatangi kita, tapos nalaman ko sa aking ama na kaibigan niya ang iyong ama, kaya naman ay laking tuwa ko nang malaman ko iyon. Kaya ngayon, lakas loob akong nagpapahiwatig sa iyo ng nararamdaman ko. " paliwanag ni Brent sabay abot ang mga bulaklak. Nabigla si Diane sa kaniyang narinig. Hindi niya alam ang kaniyang sasabihin. Napainom siya agad ng wine. Napangiti si Diane dahil pareho sila ng nararamdaman ni Brent. " Lubos din kitang tinatangi Brent. " nakangiting sabi ni Diane habang kinukuha ang mga bulaklak. Napasigaw at napatalon sa sobrang kagalakan si Brent. Kinuha ni Brent ang kuwintas sa blsa niya at isinuot sa leeg ni Diane. " Simula ngayon, rerespetuhin, mamahalin at hindi kita sasaktan na tulad ng ginawa sa iyo ng una mong asawa. Pormal din akong magpapakilala sa iyong magulang na iyong nobiyo. " nakangiting sabi ni Brent. " Salamat at dumating ka sa buhay ko. " naluluhang sabi ni Diane. Pinunasan ni Brent ang mga luha ni Diane at kinuha na muli ang kamay nito para yayain na magsayaw ng malambing na tugtog. Masayang inihatid ni Brent si Diane sa bahay nila. Habang napapaalam sila ay bilang paggalang ni Brent, hinalikan niya si Diane sa noo imbis sa labi. Hindi pa rin sila makapaniwala na magnobiyo at magnobiya na silang dalawa.