Chapter 3

"Handa ka na ba?" nilingon ko si Cyril na sumulpot sa likuran ko habang minamake-upan ako.

"Oo naman, eh ikaw?" balik kong tanong.

"Aba, siyempre, ako pa!" Umikot-ikot pa ito, ipinapakita sa akin ang suot niya. Pareho kaming naka-tube, pero iba ang disenyo ng jeans.

Nagpaalam muna ako sa kanya dahil busy nanaman siya sa pag-picture picture niya dahil magbibihis muna ako. Suot ko ang silk fitted na lavender na tube bra na may maliliit na heart designs, at jeans kulay dark blue na may heart na butas pababa sa gilid ng pantalon.

Kinulot lang ang mahaba kong buhok hanggang bewang, at fairy makeup ang inilagay sa akin.

"Ang ganda mo" usal sakin ng isang kasamahan ko sabay ngiti sakin, "maganda ka rn, just confidence lang okay?" tumango ito at umalis na agad sa harapan ko dahil pumasok ang isang organizer namin.

"Be ready, everyone!" sigaw ng organizer namin si Carlo, pero Carla daw ang gusto niyang itawag sa kanya dahil isa siyang magandang nilalang.

Lumapit ito sa akin at hinawakan ang pisngi ko. "Ang ganda mo talaga, Phoebe! perfect yung curve at pwet grabe,Ikaw ang last na rarampa, ha?" Tumango lang ako sa kanya at ngumiti.

Ramdam ko ang kaba at excitement na bumabalot sa akin, parang bago pa rin ang lahat sakin, kahit na alam kung dito na talaga ako tatanda.

"Position now!" sigaw ni Carla kaya nagsilinya na ang mga mauuna. Nag-picture pa kami ni Cyril bago siya rumampa.

Siya kasi ang pinakauna.

"Ang ganda mo! Don't forget the fierce look with confidence, ha? Nandiyan yung CEO ng Valorin Clothing," sabi nito sa akin na mas lalong nagpakabog ng puso ko.

"Bakit andito?" tanong ko. Sa buong panahon kasi na may launching, never pa siyang pumunta. Yung parents niya lang. Curios tuloy ako kung ano yung itsura niya.

Third Person POV

Sa kanyang paglalakad sa mahabang entablado na hugis gitara, mistulang isang obra maestra si Belphoebe. Ang kanyang itim na buhok, malambot na bumabagsak sa kanyang balikat, ay tila kumikinang sa ilaw. Bawat hakbang niya'y may kasamang biyaya, bawat sulyap ay nagtataglay ng misteryo.

Isang bisitang fashionista mula sa Paris ang agad na nabighani. "Incroyable," sambit nito sa kanyang kasama sa upuan, hindi maitago ang pagkamangha. Ang kanyang kasuotan, ang kanyang tindig, ang kanyang buong pagkatao—tila ba'y isang perpektong timpla ng klasiko at moderno.

Hindi mapigilan mapatango ang lalaking katabi nito. Alam niyang si Belphoebe ay may isang bagay na espesyal, isang karisma na kayang humatak ng atensyon ng kahit sinong kritiko, kahit pa ito'y nagmula sa puso ng fashion. Ang kanyang ganda'y hindi lamang nakikita, kundi nararamdaman.

"Je veux lui parler plus tard.(I want to talk to her later)"sabi pa nito sa lalaki na tinanguan lang siya, natapos ang presentation at hindi pa rin maalis ang pagka mangha sa fashionistang taga paris kaay phoebe at pinatawag agad ito para kausapin.

Belphoebe POV

"WAAAHHH! PHOEBE, ANG GANDA MO AT ANG SEXY MO KANINA, BONGGA KA!" Napahawak ako sa aking mga tainga dahil sa sobrang lakas ng tili ni Cyril habang tumatakbo palapit sa akin at ako'y niyakap.

"Ang ingay-ingay mo!" agad kong sita sa kanya nang maghiwalay kami sa yakap. "Grabe, teh, ang ganda mo talaga, kanina pa," paulit-ulit niyang sambit. Hindi ko na lamang siya sinagot.

Nasa fitting room na kami, nakapagpalit na ng simpleng damit, at naghahanda na rin para sa dinner naming lahat. Nag-aayos ako ng make-up sa harap ng salamin habang si Cyril ay nagse-selfie sa kabilang salamin nang lumapit sa akin si Carla at bumulong.

"May gustong kumausap sa'yo, teh." Nilingon ko siya at itinuro niya ang office ng aming manager. "Pumasok ka na lang doon." Sumulyap muna ako kay Cyril na nag-thumbs up sa akin. Sinuri ko muna ang aking mukha bago tumungo sa pinto ng opisina.

Kumatok ako ng dalawang beses at narinig ko ang sigaw mula sa loob na 'Come in!' Pinihit ko ang door knob at itinulak ang pintuan. Bumungad agad sa akin ang mukha ni Mama kaya agad akong lumapit sa kanya at humalik sa kanyang pisngi. Naroon din sila Mr. at Mrs. Medici.

"Magandang hapon po," bati ko sa kanila at bahagyang yumuko.

"Magandang araw rin. Belphoebe, may nais makipag-usap sa iyo," ani Mr. Medici at itinuro ang isang babaeng nakaupo sa couch at nakangiti sa akin.

"Good day, Ma'am," bahagya akong nag-bow sa kanya.

"Good day, Miss Sinclair," tumayo ito at lumapit sa akin. "You're so pretty," agad niyang sambit. Nakakailang naman pati mga titig nito.

"Thank you so much, Ma'am."

"Anyways, I don't want to beat around the bush anymore. I choose you to come with me to Paris and be a professional model, since you have the attractive look and charm," deretsong sambit niya sa akin.

"But don't worry, I'll give you these days to think about it. Here is my card... call me, when you're ready" dagdag nito at inabot sakin yung cards, tinanggap ko naman ito at umalis na siya, hinatid siya nila Mr. and Mrs. Medici.

Napatda ako. Paris? Model? Ang bilis ng mga pangyayari—parang isang iglap, andito na yung malaking opportunity na ninanais ng lahat.

Naghalo ang tuwa at kaba sa dibdib ko. Isang malaking oportunidad ito, isang pangarap na tila imposible, pero handa ba ako? Kaya ko bang talikuran ang lahat at sumugal? Ang daming tanong ang biglang bumalot sa isipan ko.