Chapter 82

Malalim na buntong-hininga ang pinakawalan niya. Ang tingin ay nag-palipat-lipat kay Farkas at Lizette, parehong napatlang ang dalawa na nakatitig lang sa isa't-isa. Mukhang ito na ang kinakatakutan na araw ng kaibigan niya, ang malaman ni Fast ang tungkol sa anak nito.

"Akin na muna si baby," aniya at lumapit kay Lizette. "Sa tingin ko ay kailangan ninyong mag-usap." Kinuha niya mula kay Lizette ang baby nito at pumasok sa loob ng bahay para bigyan si Farkas at Lizette ng panahon na mag-usap.

“Malalagot talaga ang mommy mo sa daddy mo, baby.” Nailing siya. Kung bakit ba kasi nagpunta dito ang lalaking iyon. Malalim na nagbuntong-hininga siya at hinalikan sa noo ang karga na baby. 

“Kay Tita ka muna ah? Si Mommy at Daddy mo kasi nag-uusap,” kausap niya sa baby at naupo sa sofa ng salas. Mula sa bulsa ng suot na jacket kinuha niya ang smartphone nang mag-ring iyon ng ilang beses.

“Yes?” sagot niya sa tawag ng secretary.

“Ma’am, may lalaki