KABANATA 24

Oktubre 1804...

Masayang naglalaro ang mga batang mga puti habang sinabayan ang mahinang ihip ng malamig na hangin sa araw na iyon. Ang mamamayan ng kaharian ng Sadan ay abala sa paghahanda sa mangyayaring digmaan kinabukasan ngunit lingid sa kanilang kalaaman ay sa araw na iyon pala lulusob ang mga itim na mga bampira. Nais gumanti ng mga itim sa ginawang paglusob noon ng mga puti na kumitil sa buhay ng libo-libong mamamayan nila. Kabilang doon ay ang unti-unting pagkaubos ng kanilang mga ari-arian, mga armas na pandigma, at ang mga pinagkakatiwalaang pinuno nila.

Napatingin ang dating Supremo na si Kaigan sa kapaligiran habang malalim ang iniisip. Hindi niya maitindihan kung bakit ang ihip ng hangin ay hindi naghahatid ng kaginhawaan sa kaniya. May kaakibat itong masamang epekto sa tuwing dumadampi ito sa kaniyang balat. Napatingin ang dating Supremo sa kaniyang kopita na naglalaman ng sariwang dugo ng tao. Nanatili ang kaniyang mga titig doon nang mapansing gumagalaw ang pulang li