KABANATA 25

Kaharian ng Sarsul...

Nakatayo si Supremo Atcandis kasama ang asawa na si Inang Reyna Alyada habang pinapanood mula sa malaking bintana ng kanilang kwarto ang unti-unting pagkatupok ng Kaharian ng Sadan na kasalukuyang sinisilaban ng kanilang mga kawal.

"Tuluyan na nga nating natalo ang mga puti," mahinahong saad ng Inang Reyna Alyada, ang mga mata ay nakatuon pa rin sa malaking apoy na unti-unting lumalamon sa buong palasyo maging sa mga kabahayan at mga estruktura na pag-aari ng mga puti.

Napatango ang Supremo na si Atcandis. Hindi niya akalain na mababawi ng mga itim ang mga ninakaw ng mga puti mula sa kanila. Simula sa ari-arian, mga salapi, at mga armas na pandigma. Walang paglagyan ang kasiyahan ang kaniyang puso, punong-puno ito ng kakontentohan sa nasisilayan.

Tuluyang napaslang ng mga puti ang mga namumuno maliban sa Prinsipe na si Zaitan at ang Prinsesa na si Amira. Alam nilang nakatakas ang iba na malabo na nilang mahabol sa pagkakataong iyon ngunit paglalaanan nila ng p