CHAPTER 6-MISUNDERSTANDING

Walang natanggap na sagot si Hugo mula sa ama at naisipan niya nalang umalis pero bago siya lumabas, may inihabilin muna siyang salita. 

"Don't expect me to treat her right. I didn't ask for a wife in the first place." Malamig niyang sabi. 

Pagkatapos ay tuluyan ng lumabas si Hugo mula sa silid-aklatan ng kanyang ama.

Nang lumabas siya, nakita niya ang babae na matiyagang naghihintay sa tabi ng pader.

Matalim niyang tiningnan si Hillary, at ang kanyang mga mata ay puno ng inis. Isang mabilis na sulyap lang ang ibinigay ni Hugo at nilampasan siya.

Pumasok naman si Hillary sa silid-aklatan at nagsimula, "Sir Joaquin, ipinangako niyo sa akin na bibigyan niyo.."

Bago matapos ni Hillary ang sasabihin agad siyang pinutol ni Joaquin, "Huwag mong banggitin ang bagay na 'yan sa kahit sino sa pamilya. Naresolba na ang problema sa inyo ng pamilya at ipapangako kong ako na ang bahala kay Hugo kung magtatangka siyang manggulo ulit sa pamilya mo." 

Tumayo naman si Joaquin para umalis at mabilis na hinarangan ni Hillary ang kanyang dinaraanan. "Hindi sapat ang mga salita, kailangan ko ng kasulatan. Gusto ko lang makasiguro, Sir Joaquin. Ayaw kong umasa sa wala at gusto kong sumunod tayo sa pinag-usapan." Demanda niya. 

Pagkasabi ni Hillary nito, nagulat ang butler ng pamilya na si Sr. Arthur na hindi makapaniwang nagagawa niyang magsalita ng ganoon sa kanilang amo, na isang taong may mataas na katayuan sa buhay. 

Walang sinuman ang nakakagawang umasta ng ganoon kay Sir Joaquin Gavinski maliban sa kanyang anak na si Hugo na matigas ang ulo.

At ngayon isang maliit na babae ang naglakas-loob na humiling ng kasulatan mula sa kanya. Uminit naman ang ulo ni Joaquin na hindi inasahan ang asal ni Hillary na akala niya ay masunurin at mahinhin, ngunit ngayon nagpakita na agad ito ng totoong kulay. 

Bago niya pa masampal si Hillary, agad siyang pinigilan ni Butler Arthur at pinakalma. Nag-naalala siya na baka magkagulo sila matapos ang kasalan. Tiyak na magiging malaking isyu ito. 

"Sir Joaquin, ipagpaumanhin ko nalang po ang inasal ni Ms. Hillary. Ako na po ang bahala sa kanya at hindi na kailangan ng kasulatan dahil ako na po ang magpapaliwanag sa kanya ng maayos. Let's resolve this matter peacefully to avoid issues in the family." Nakangising sabi ni Arthur na sinulyapan si Hillary at pinandilatan ng mata. 

Matapos niyang magpaliwanag, kumalma na si Sir Joaquin na huminga ng malalim. Kung wala ang butler baka masaktan niya si Hillary na siya ring papatol. 

Habang napairap si Hillary na napabuntong-hininga rin pero nakahinga siya na pumagitna ang butler. Tsaka galit naman na umalis si Sir Joaquin, at may pumasok ulit sa kwarto, si Lorraine na narinig ang alitan ng kanyang ama at sister-in-law.

"Woah, pera lang pala ang takbo mo sa pamilya namin, Hillary? Aww, I'm not surprised at all. Halata naman so expect na magiging impyerno ang buhay mo dito." 

Pinakalma din ni Arthur si Lorraine dahil isa din itong eskandalosa, "Miss Lorraine, you need to calm down. Siya pa rin ang asawa ni Sir Hugo at maari bang ilihim natin ang dahilan kung bakit nagpakasal si Sir Hugo at Ms. Hillary. At tayo na ang magbigay unawa kay Hillary lalo na't hindi maganda ang kanyang estado ngayon." Paliwanag na ni Arthur sa kanya. 

"We have no choice but to understand where she come from. I know your pissed off with her actions, so do I." Ngimisi ng mapait si Arthur na sinulyapan ulit si Hillary mula ulo hanggang paa. "In fact, I expected her to act modest but nagkamali ako. But then, I understand why she's acting like this because Hugo, your brother threatened to ruin their business so she was threatened at tumakbo kay Sir Joaquin para magsumbong." 

Napakrus ng braso si Lorraine na napailing, wala siyang simpatya kay Hillary na hindi niya nagustuhan mula pa noong unang araw na nakita niya ito. "So what? Wala pa rin siyang karapatan na umakto ng ganito." Galit niyang sabi. 

Sunod namang pumasok sa kwarto ay ang matandang si Suzanne na napansin na mayroong alitan, siya naman ang Lola nila Hugo at Lorraine. Nalaman niya rin ang totoo at wala ring nagawa kung hindi umintindi dahil nangyari na ang kasalanan at hindi siya pwedeng gumawa ng eskandalo dahil masisira ang kanilang reputasyon. 

Nagpaliwanag din si Hillary na nag-aalala lang siya na matapos ang kasalan ay malimutan nila ang pangako nilang tutulungang makaahon ang kanilang pamilya lalo na ang negosyo ng ama. 

Paglabas naman niya doon sa silid, narinig niyang mayroong ingay sa ibaba, mukhang mayroong nagtatalo kaya siya pumunta doon para sumilip. 

Nagitla naman siya na makita si Hugo doon, at mayroong mga guwardiya ang pumigil sa kanya. At kaalitan niya ang isang lalaki. Mabilis ding dumating si Butler Arthur sa baba para puntahan si Hugo. 

"Hugo, hindi maganda na magkaroon ng gulo sa gabi ng kasal mo. Mabuti pang samahan mo ang iyong asawa." Mahina niyang sabi dito. 

Balak na umalis ni Hugo ngunit nagkabangga sila ng nakakatandang kapatid na isang mayor ng bayan. "Hugo, matanda ka na pero hanggang ngayon umaakto kang pa rin na parang bata. May asawa ka na oh, kailangan mong magpakalaaki pero iiwanan mo lang siya dito ng mag-isa?" Dikta ni Harrison. 

"Harry, hindi ba't alam mo ang tunay na kwento ng kasal ko? Nagpakasal lang ako dahil sa utos, hindi dahil gusto ko. Huwag mo akong pigilan, dahil wala kang karaparan!" Bulyaw niya. 

Habang papalabas si Hugo, hinarangan siya ulit ni Mayor Harrison, "Pinapanood ka lang ng asawa mo ngayon." Turo niya sa hagdan kung saan nakatayo si Hillary. 

Tumingin si Hugo mula sa gilid at nakita ang babae na nakatingin sa kanya. Napalunok siya ng laway habang nakatingin sa walang emosyong mukha ni Hillary, umiwas naman siya ng tingin at tuluyang umalis nang walang paalam.