Ika-Sampung Kabanata: Meeting Jeyn.

"Wow!" Halos malaglag ang panga ko sa bumungad sa akin pagkalabas ng kotse.

Nauna nang pumasok si Lance sa malaki at malawak na bahay na tumambad sa akin, habang ako'y narito, nakatingala sa taas ng mansiyon na nasa harapan ko.

'So, ito ang magiging bahay namin? As in?'

Napakurap-kurap ako. Ang laki kasi ng white mansion na 'to. Entrance pa lang ay bongga na. Sa dami nang kailangan kong ihakbang sa hagdan pataas pa lang sa pinaka entrada ay baka mangalay na ang mga paa ko, lalo kapag lumaki na siguro at tiyan ko.

Isa, dalawa, tatlo . . . Labing lima?

Gano'n karaming baitang? Okay lang sana kung sa loob 'to at paakyat sa second floor e, ang kaso, entrance pa lang 'to.

Ngunit lalo pang nalaglag ang panga ko nang tuluyang makapasok sa pinakaloob.

"Oh my gosh!"

Kami lang ba ang titira sa luxury house na ito? Sinalubong ako ng dalawang babaeng maids at yumuko nang bahagya sa harapan ko. They also greeted me, at gayundin ang ginawa ko sa kanila. Narinig ko nang sabihin nila na sasamahan nila ako sa silid namin pero umalma ako. Gusto pang namnamin ng aking mga mata ang napakagandang view na ito.

Pagtingala ko'y ang malaking chandelier kagaad ang nakita ko. Ang elegante, ang ganda.

Napakaaliwalas at ang bango ng bawat sulok ng bahay na ito. Kakasya na sigurong tumira ang sampung pamilya rito.

Nilibot ko muna ang first floor, binuksan ko lahat ng pintuan na naroon. Lumabas sa veranda at pinagmasdan ang malaking swimming pool at butterfly garden din na punong-puno ng iba't-ibang uri ng halaman. Hindi ko akalain na nagtatanim si Lance ng mga ganito.

Pagkatapos ay umakyat na rin ako sa itaas, wala si Lance, ni-hindi ako ginawang i-tour sa malaking bahay na 'to. Pinabayaan niya lang talaga ako?

"Lance?" I began calling his name.

"Lance? Hello?" Binuksan ko ang isang silid ngunit wala siya ro'n.

Napakaraming kuwarto rito sa itaas kaya hindi ko mahulaan kung nasaan siya. At hindi rin ako informed na nagtataguan kami?

Sana pala ay nagpasama na lang ako ro'n sa mga maids kanina para hindi ko kailangang maligaw ngayon.

Ang kuwarto naman sa kaliwa ang naisipan kong buksan, isiniwang ko lang ang aking ulo at sinilip kung naroon siya. Ngunit tila hindi naman nagalaw ang silid na 'yon.

I am about to shut it up nang mapansin ang mga gamit pambata. Nilawakan ko ang pagkakabukas sa pintuan at tuluyan ng pumasok doon.

'Baby room?'

Napakagaan ng ambiance ng silid, kulay pink ang wallpapers na nadidikitan ng mga letters at numbers. Napakaraming stuff toys na nakadisplay at ang pinaka nakaagaw ng pansin ko ay ang baby crib na nasa gitna nang kuwarto.

Na-amaze ako bigla sa nasaksihan ko, ano't mayro'n nito rito? Does Lance did this for our baby? Pero ba't pink, e hindi pa naman namin alam kung ano ang gender ng baby sa tummy ko.

Pinadausdos ko ang aking palad sa bawat detalye ng bagay na narito. Nakaramdam ako ng kilig sa kaisipang mahal ni Lance ang anak niya sa akin, kahit pa sabihin na one night stand lang ang nangyari sa amin.

Siguro nga mukha lang talaga siyang nakakatakot at bossy ngunit may love pa rin talaga sa puso niya.

"What are you doing here?" Napapitlag ako sa tinig ni Lance na galing sa aking likuran. Hindi ko namalayan ang pagbukas ng pintuan nang pumasok siya sa loob.

"Ah, nakakatuwa 'tong ginagawa mo para kay baby-"

"Leave!" Hindi ko natapos ang sinasabi ko nang bigla siyang nagsalita.

"Ha? S-sandali lang, tinitignan ko pa 'to e," sabi ko. "Alam mo siguro dapat skyblue ang kulay na ginamit mo para pang unisex-"

"I said LEAVE!" Dumagundong na ang malalim at buong buo na boses ni Lance. Kunot na ang noo niya't pausok na ang ilong.

Ano bang problema niya? Kanina lang maayos ang aura niya ha, ba't ngayon parang manlalapa na naman siya sa galit.

Sasagot pa sana ako ngunit lumapit na siya sa akin at hinawakan ako sa magkabilang balikat at iginiya papalabas sa naturang silid. Hindi na siya muling nagsalita, basta-basta na nga lang niya akong itinaboy do'n.

At isa pa ha, pabalang pa niyang isinara ang ang pintuan. As in muntikan nang humiwalay ang kaluluwa ko sa 'king katawang lupa sa pagkagulat.

"Ano'ng problema no'n?" buong pagtataka na tanong ko sa sarili ko. "Nagpagawa pa siya ng baby room kung ipagkakait lang din naman niya sa akin, napaka-introvert talaga niya."

Napabuga na lang ako ng hangin bago tuluyang lisanin ang harapan ng silid na 'yon.

"Eh, kung ipagkait ko rin kaya sa kaniya ang anak niya? Ay! Nakakainis siya, kung hindi ako nabuntis siguro hindi na magkakaroon ng asawa ang lalaki na 'yon, sa ugali pa lang niyang pabago-bago, ewan ko na lang talaga!" Tinatahak ko ang daan patungo sa iba pang silid nang makarinig ako ng komosyon mula sa ibaba.

Salubong ang kilay na dumungaw ako mula sa aking kinatatayuan.

"Pero ma'am kakarating lang po ng mag-asawa, baka pu-puwede na sa ibang araw na lang kayo pumunta?" Ma-otoridad ang boses ng matandang babae na nagsalita. Iba ang kulay ng damit dito sa mga sumalubong sa amin kanina.

Siya ata ang mayordoma sa bahay na 'to. Pero bakit hindi siya ang sumalubong kanina sa amin?

"I'll just want to talk to L.A, 'nay Yolly." May kahinhinan ang boses ng babae na dumating. Hindi ko klaradong maaninag ang mukha niya, pero sigurado akong maganda siya.

Mula sa suot nitong black above the knee dress hanggang sa suot na prada shoes at hermes saddlebag ay makikita agad kung gaano siya ka-sopistikada. Ano pa nga bang ipagtataka ko, e modelo raw ang isang 'to, hindi nga lang ako pamilyar sa kaniya dahil hindi naman ako into showbiz.

"Please 'nay, just this once okay?" Pagpupumilit pa rin nito.

Ngunit hindi talaga pumapayag ang ginang hanggang sa may dalawang lalaki nang dumating na parehas nakasuot ng itim na suit at pilit na ine-escort-an ang modelo.

"Ano ba, just let me talk to him." Lumalakas na rin ang boses nito na mas ikinakunot ng noo ko.

Ano't nag-e-eskandalo siya sa bahay ko? Yeah, sa bahay ko.

"Pabayaan niyo na po siya." Pagsasatinig ko.

Sabay-sabay silang napatingala sa gawi nang kinatatayuan ko.

Poker face lang ako, para mas lumabas sa mukha ko ang pagka-otoridad, kahit pa parang gusto kong tumawa dahil sa naisipan kong gawin ngayon.

"Jeyn right? Would you please follow me?" Nakatuon na ang mga mata ko sa babaeng mestisahin.

Oo maganda nga siya, mukhang may lahing Espanyol. Mamula-mula ang pisngi nito at kakaiba ang pagkatangos ng kaniyang ilong.

Bago ako tumalikod sa kanila'y mas nilagkitan ko ang pagkakatitig sa babaeng nagngangalang Jeyn.

"I'm Hermaonie, Lance's wife."