Kabanata 7

Akala ko ay makakauwi kami kaagad pagkatapos ng auction na iyon pero isa iyon sa marami kong pagkakamali sa gabing iyon. Maikli lang dapat ang oras pero tila ba humahaba dahil sa sobrang dami ng mga nangyayari.

Mayroon pa palang after party kaya naman narito kami ngayon sa isang exclusive hotel kung saan iyon ginanap. Iyon nga lang, parang mas dumami naman ngayon ang tao rito.

Magkasama lang kami kanina ni Spade pero dahil kailangan kong pumunta sa powder room habang may kausap siya ay kinailangan ko pa siyang hagilapin dahil wala na rin naman sila roon kanina kung saan ko sila iniwan.

Medyo nahirapan akong hanapin siya dahil masyadong maraming tao. Nahanap ko rin naman sa wakas pero kaagad akong naharang ng isang lalaking halos kaedaran ko lang para makipag-usap.

Tumigil ako para i-entertain siya dahil mukha namang wala siyang ibang balak kung hindi ang makipagkilala.

"I'm sorry kung sa ganitong paraan pa talaga kita in-approach. Kanina pa kita actually minamasdan and I can