Chapter 103

Malakas ang hangin sa lugar kung saan bumaba si Anastacia at ang Emperador. Sila lang dalawa ang nagpatuloy dahil hindi naman kailangan talaga ng Emperador ng tulong nino man.

 “Narito siya ngayon, isang linggo pa siya rito dahil taon-taon niya ‘tong ginagawa para sa namatay niyang nobyo,” sabi ni Neo.

“Nakaistorbo ba ‘ko?”

Nangiti lamang si Neo. “Nagpadala na si Margareth nang liham sa kanya at kanina lang sumagot siyang maghihintay siya ngayong araw kaya dumiretso na tayo rito.”

“Kung hindi ko lang sobrang kailangan maglalakad na ‘ko pabalik sa barko,” sabi ni Anastacia.

“Huwag kang mag-alala, mabait si Sulli at magkakasundo kayo. Halos hindi naman naiiba ang ugali ninyo,” sabi ng Emperador.

Tila lumakad sila sa kabukiran bago sila umakyat sa burol na mayroong mga hagdanan. Malakas ang simoy ng hangin, payapa, at masasabi ni Anastacia na gusto