Chapter 84.2

Alam kong masyado akong nagiging mapilit, kahit sa pagtutok sa pasyente, sa mga herbal medicine, maging sa pag-oopera’y hindi ako umaalis. Pinag-aralan ko ang mga dapat iabot, mga common na ginagawa ng mga nars, at maging ang pag-aaral gamit ang mga aklat na pinabili ko no’ng pumunta ang mga tagabantay ko sa ibang bayan.

Lahat ito ay pinag-aaralan kong mabuti, kung hindi ko maunawaan ay tutungo ako sa doctor at sa mga nars niyang kasama para naman malaman ko kung ano ang tinutukoy doon.

 “Narito ka pala.”

Mula sa pagbabasa ay nag-angat ako nang mukha. Nangiti ako nang makita ko si Drake. May daladala siyang mga iba’t ibang halaman.

“Saan mo nakuha ‘yan?” tanong ko.

“Sa kakahuyan, sabi ni Dok Matias ipakita ko sa kanya ‘yong mga kakaibang tumutubo roon na sinasabi ko kaya nagdala ‘ko nang tig-iisa, iyong iba, hindi ko alam kung magkakapareho lamang at may kaunti lan