Fiance

Hindi alam ni Mavis kung ano ang pumasok sa isip niya pero natagpuan na lang niya ang sariling nakasakay sa kotse kasama si Ruzyl patungo sa party nina Jana. Nang magtanong ito kanina ay nagtatalo ang isip niya hanggang sa dahan-dahan na lang siyang tumango rito.

"I'll just change," sabi niya.

Tumango ito sa kanya at mababang yumuko at tumalikod na. Nang maisara niya ang pinto ay mariin niyang kinagat ang ibabang labi.

'What I was thinking?'

Gusto niyang tawagin ulit si Ruzyl para sabihing nagbago na ang isip niya at hindi na siya pupunta pero bago niya pa gawin iyon ay muli na namang nagbago ang isip niya. Iginala niya ang tingin sa kwarto niya.

Wala naman siyang gagawin rito. Hindi naman masama kung pupunta siya. And Jana is also anticipating her to come in that party... okay lang naman kung pupunta siya, minsan lang naman.

Huminga siya ng malalim at tumungo na sa closet niya para maghanap ng susuotin. She chose to wear a white dress with a see-through sleeves, pinaresan niya iyon n