5 - He Wants Her

PAGKABALIK ng kompanya nina Czarina at Lena, kumalat agad ang balita. Lahat ay nagulat nang malaman na nakuha nila ang exclusive interview with the President of Marquez Group.

Halos lahat ay naiingit at nagseselos. Sino ba naman hindi? Si Damion Marquez iyon! The Legendary President of Marquez Group!

Sapat na ang isang exclusive interview kay Damion Marquez para lumagpas ang performance ng buong magazine sa target for the year. Ang bigat ng pangalan niya ay mas mabigat pa kaysa pinagsamang interviews ng lahat ng sikat na tao na na-feauture nila in twelve months.

Agad na nilapitan ni Wendy, ang bestfriend at kapwa intern ni Czarina. Hawak-hawak ang kamay niya, nakangisi at halatang excited.

“Dai, spill the coffee! Gwapo ba talaga si Mr. Marquez? Matangkad? Matipuno? Nakakalaglag panty ba? Huy! Salita ka, babae! Hindi pwedeng ikaw lang ang nakakaalam!” 

Niyuyugyog ni Wendy ang kaibigan para malaman kung totoo nga ang sabi-sabi tungkol kay Damion Marquez. Nakikita niya lang ito sa television, news, magazines at iilang larawan sa internet, pero maraming nagsasabi na mas gwapo ito sa personal.

Totoo—sobrang gwapo ng lalaking iyon, parang isang Greek god na bumaba sa lupa. Pero higit pa sa itsura, may mas malaking problema siyang kinakaharap.

Hindi matapatan ni Czarina ang tingin ng kaibigan. “Wenwen, anong full name ni Mr. Marquez? Alam mo ba?”

Napakunot naman ng noo si Wendy, saka hinampas ang balikat ng kaibigan at natawa.

“Girl! Seryoso, hindi mo alam?” tanong niya hindi mapakaniwala, pero natatawa pa rin siya. 

Nang makitang napanguso ang kaibigan ay tumikhim ito at umayos ng upo. “Hindi mo talaga kilala?” 

Mas lalong napahalumbaba si Czarina. “Tatanungin ko ba kung kilala ko?”

Taimtim na tinitigan ni Wendy ang kaibigan at nang makitang seryoso ito ay huminga ito ng malalim.

“Kilala si Mr. Marquez hindi lang sa siyudad natin kundi sa buong mundo. Alam mo bang sobrang yaman no’n? Sobrang mayaman pa kay Billgates!” wika ni Wendy. “He’s Damion Marquez. Pinoy na may lahing espanyol, mga ninuno niyang may lahing royal blood, that means, he is too.”

Parang binagsakan ng langit at lupa si Czarina. 

“Da…Damion Marquez…”

Namutla si Czarina sa kinauupuan. Tama ang kanyang hinala. Ang taong dapat nilang i-interviewhin bukas ay walang iba kundi ang fiance niya na kahapon lang siya pinilit na ma-engage!

Hindi niya alam kung good luck o bad luck ang tawag dito. Good luck kasi may mag-aasikaso ng hospital bills ng lola niya o bad luck dahil isang demonyo ang naging fiance niya?

Bakit siya ang gustong mag-interview rito? Bakit?  

“Wait…” aniya sabay napatitig sa monitor. “Kilala niya ba ako? Nakangiti siya kanina… Namukhaan niya ba ako?”

Napatawa si Czarina sabay kaway ng kanyang kamay. At muling napatigil. “Pero sobrang dilim ng kwarto ko. I didn’t even saw his face…”

Muling napasimangot si Czarina, tinatadyak ang paa sa ilalim ng lamesa, tila nababaliw na ginulo ang buhok saka niya marahang pinukpukpok ang noo sa lamesa.

Nagulat si Wendy sa kanyang nakita. Agad niyang nilapitan muli ang kaibigan at pinatong ang kamay sa lamesa para masalo ang ulo ng kaibigan.

“Hey!” tawag ni Wendy sa kanya. “What’s happening with you, Zari?” 

Naguguluhan ito sa inaakto ng kaibigan na para bang may matinding sakunang darating sa buhay nito.

“A-Ayos lang ako…” tugon niya pero sa loob niya ay sumisigaw na siya.

“Ayos lang? Seryoso ka diyan, Zari?!” Muli niyang naalala ang ginawa sa kanya ng lalaki kagabi. Napakagat siya ng labi at napayakap sa sarili.

“Damion… he hates me… Paano kung gamitin niya ang interview na ‘to para gantihan ako?” bulong niya sa sarili.

Mas lalong sumikip ang dibdib ni Czarina sa mga pinag-iisip. Mas lalo siyang mababaliw kung itutuloy ang interview sa lalaki.

“Hindi pwede. Hindi ko kayang gawin ang interview na ‘to!”

Dali-daling tumayo si Czarina at nagtungo sa office ni Lena. Nandoon ito, nag-aayos ng gamit. Pagkakita niya kay Czarina agad niya itong binigyan ng folder.

“Here,” wika nito. “Nand’yan ang impormasyon tungkol kay Mr. Marquez. Basahin mo ng mabuti ngayong gabi para hindi ka magkamali bukas.”

Pero hindi kinuha ni Czarina ang folder. “Chief Nana, pasensya na po, pero medyo hindi po ako okay.” Pagdadahilan niya. She wanted to be out of this interview thing with Damion Marquez. Ayaw niyang makasalamuha pa ang lalaki. “Pwedeng ibang tao na lang ang pumunta bukas para sa interview?”

Halos mabitawan ni Lena ang hawak niyang bag sa narinig. Tinitigan niya si Czarina na parang tanga.

“Are you kidding me?” Sarkastimong saad ni Lena. “The chance to interview Damion Marquez is once in a lifetime! Ibinigay sayo yung oportunidad na yan, tapos gusto mong ibigay sa iba? At higit sa lahat—ikaw mismo ang pinili ni Mr. Marquez!”

Kumunot ang noo ni Lena na napatingin sa babae na may pagdududa. “Wait,” aniya, nanlilisik ang mga mata. “Do you know him?”

Tumigil ang tibok ng puso ni Czarina, pigil hininga rin ito sa tanong sa kanya ng chief-in-editor nila.

“H-Hindi po!” mabilis na tugon ni Czarina. “Hindi ko po siya kilala!”

Ayaw ipaalam ni Czarina ang relasyon ng dalawa lalo na’t alam niyang galit sa kanya si Damion. Ang ginawa ng lalaki sa kanya kagabi ay isang babala. Kaya alam niya kung saan lulugar at ang ipagsabing fiance siya nito ay hindi tama.

Hindi na rin nagduda pa si Lena. Imposible ring magkaroon ng koneksyon ang isang intern na katulad niya sa katulad ni Damion Marquez.

But for the sake of the interview, her tone changed. “Since si Mr. Marquez mismo ang pumili sa’yo, wala kang choice. You must come with me tomorrow. No more excuses.”

Agad na nag-panic si Czarina. “No way! A-Ayoko pumunta!” Mabilis niyang protesta. Pag naiisip niya pa lang ang malamig na tinig ni Damion at ang kawalanghiyaan nito kagabi ay nanginginig na siya. 

“That man has bad intentions! Why would he choose me, kung wala, right?” wika sa sarili.

“Czarina Melody Ocampo!” bulyaw ni Lena sabay hampas ng mga kamay sa lamesa, hindi na nakapagtimpi. “Hindi kita tinatanong. I’m ordering you. Kung ayaw mong sumama sa interview bukas, then pack your things and leave this company. You’re fired.”

Napatulala si Czarina. Gusto niya rin sanang isigaw na “Fine, I quit!” Pero hindi pwede. Kung bumagsak siya sa internship niya, hindi siya makakapagtapos ng degree niya at wala rin siyang magiging trabaho sa hinaharap. Reality cornered her, forcing her to bow her head.

“I… I understand,” mahinang tugon niya, nakakuyom ang dalawang kamay sa magkabilang gilid.

Kalmado man ang boses, pero sa loob, wasak na wasak siya. “Ano ba talagang plano mo, Damion Marquez? Is this your revenge?”