8 – FIRST BASE

SUMAMA si Alessia kay Yaya Glo sa pamamalengke kinagabihan para na rin makaiwas sa mga bisita ni Caio sa bahay. Her gut instinct was telling her it was dangerous to expose herself to the strangers. Lalo na kay Giovanni. Hindi niya gusto ang mapagdudang tingin nito sa kanya.

“Lola, may pupuntahan lang ako saglit.” Nagpaalam siya kay Yaya Glo nang marating nila ang supermarket.

“Saan ka pupunta?” Nagtatakang tanong nito.

“Bibili ako ng ilang pirasong damit.” Napakamot siya sa ulo. Nakatingin kasi sa kanila si Ronnie, ang private driver ni Caio. Baka makahalata itong ibang tao siya kapag sila lang ni Yaya Glo ang nag-uusap.

“May pera ka pa ba?” Nag-aalalang tanong ng matanda na alam niyang sinasakyan lang ang pag-arte niya.

“Meron pa naman po. Babalik ako kaagad.” Mabilis siyang tumalima at tinantiya ang oras mula sa mumurahing relong suot niya.

Tinungo ni Alessia ang isang opisina ng kilalang courier service at nag-pick-up ng malaking parcel na siya rin mismo ang nagpadala sa sarili niy